Aımaqtar • 11 Jeltoqsan, 2019

Senatorlar Qaraǵandy oblysyn ónerkásipti sıfrlandyrýdyń kóshbasshysy dep atady

8 retkórsetildi

Qaraǵandy oblysyna jumys saparymen kelgen Senattyń «О́ńir» depýtattyq toby aımaqtaǵy óndiristi jańǵyrtyp, ónerkásiptik robottardy satyp alyp, prosesterdi avtomattandyrǵan kásiporyndarda bolyp, olardyń tynys-tirshiligimen tanysty.

Sonymen qatar, depýtattar oblys ákimdiginde ónerkásiptiń sıfrlyq jolǵa túsý máseleleri men suraqtaryn talqylaǵan kóshpeli otyrys  ótkizdi. Jıynǵa, sondaı-aq oblys ákimi Jeńis Qasymbek, Sıfrlyq damý, ınnovasııalar jáne aeroǵarysh ónerkásibi vıse-mınıstri Abylaıhan Ospanov, Indýstrııa jáne ınfraqurylymdyq damý vıse-mınıstri Amanııaz Erjanov qatysty.

Kóshpeli otyrysta óńir basshysy Jeńis Qasymbek bul salada jetistiktermen qatar áli de bolsa sheshimin tappaǵan máselelerdiń de bar ekenin tilge tıek etti.

– Biz úshin bul óte mańyzdy másele. Oblys ekonomıkasynyń 50%-ten  astamy ónerkásiptiń úlesine tıesili. Kásiporyndardyń basym bóligi eksportqa baǵyttalǵan. Erteń utylmaý úshin biz sıfrlyq tehnologııalardy jedel engizýimiz kerek. Bizde aýyz toltyryp aıtarlyq mysaldar bar, biraq júıelik problemalar da joq emes. Biz ashyq dıalogta osy máselelerdi talqylaýǵa ázirmiz, – dedi ol.

Jıyn barysynda senatorlar sıfrlandyrýdyń damýyna nendeı  kedergilerdiń bolyp jatqanyn jáne bul salada qandaı zańnamalyq ózgeristerdiń qajet ekenin surastyrdy.

Mysaly, «О́ńir» depýtattyq tobynyń jetekshisi, ekonomıkalyq saıasat, ınnovasııalyq damý jáne kásipkerlik komıtetiniń múshesi Mıhaıl Bortnık sıfrlandyrýsyz kásiporyndardyń, jalpy alǵanda eldiń básekege qabilettiligin qamtamasyz etýdiń múmkin emestigin atap ótti.

– Elbasy men Memleket basshysy ekonomıkany odan ári sıfrlandyrý týrasynda naqty tapsyrlmalar berdi. Bizdiń mindetimiz – qazirgi ýaqytta jetistikterdiń, sonymen qatar qıyndyqtardyń da bar ekenin kózben kórý. Búgin qaraǵandylyq kásiporyndarda kórgenimiz Qazaqstan sıfrlandyrý zamanynda  óziniń laıyqty ornyn taba alady degen úmit uıalatady. Mysaly, «Maker» JShS bizge barlyq tehnologııalyq tizbekti kórsetti. Sıfrlyq qondyrǵyny nemese robottalǵan mashınany satyp alý bir basqa da, al basynan bastap sońyna deıin tehnologııany durys qurý – odan da kúrdeli másele, – dep atap ótti depýtattyq toptyń jetekshisi.

Sondaı-aq jıynda Sıfrlyq damý, ınnovasııalar jáne aeroǵarysh ónerkásibi vıse-mınıstri Abylaıhan Ospanov «Sıfrlyq Qazaqstan» baǵdarlamasyn júzege asyrý barysy týraly áńgimelese, Indýstrııa jáne ınfraqurylymdyq damý vıse-mınıstri Amanııaz Erjanov Qaraǵandy oblysy boıynsha iske asyrylyp jatqan jobalar jaıyn sóz etti.

– Qaraǵandy oblysynda 3.0 ındýstrııasyna sáıkes keletin jáne 4.0 ındýstrııaǵa ótýge barynsha daıyn joǵary avtomattandyrylǵan óndirister bar. 10 kásiporynda 33 jobany iske asyrý josparlanǵan. Investısııanyń jalpy somasy 160 mlrd teńgeni quraıdy, – dedi A.Erjanov.

Jalpy, kóshpeli májiliske qatysýshylar ónerkásipte sıfrlandyrý jobasyn iske asyrý boıynsha Qaraǵandy oblysynyń elimizde kósh bastap turǵanyn atap ótti. Mysaly, óńirde kómir basseınderiniń shahtalarynda «qara altyndy» avtomattandyrylǵan túrde esepke alý júeıleri engizilip,  synamaly sıfrlyq fermalar iske qosylǵan. Sondaı-aq, sıfrlyq tehnologııalar óndiris oryndarynda da keńinen qoldanyla bastaǵan.

Kóshpeli otyrysta depýtattar ónerkásipshilerdiń bilikti kadrlardyń jetispeýshiligi, salyq jeńildikteri, nesıelerdi arzandatý túrindegi yntalandyrý faktorlarynyń qajettiligi týraly aıtqan ótinish-tilekterin muqııat tyńdap, olar boıynsha Úkimetke, ortalyq jáne jergilikti atqarýshy organdarǵa jiberiletin usynymdar ázirleıtindikterin jetkizdi. 

  

 

Qaraǵandy oblysy

 

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar