Qazaqstan • 11 Jeltoqsan, 2019

Atyraýlyq oqýshy eriktilerge arnalǵan mobıldi qoldanba oılap tapty

35 retkórsetildi

Atyraý qalasyndaǵy Nazarbaev Zııatkerlik mektebiniń 12-synyp oqýshysy Bıbarys Ǵılaj eriktilerdiń qyzmetine arnalǵan jańa mobıldik qosymshany jasap shyǵardy. Ol «Shańyraq» uıaly baǵdarlamasyna qaıyrymdylyq pen áleýmettik jobalardy júzege asyratyn eriktiler úshin kerek derekterdi jınaǵan. 

Mobıldi qosymshany qoldanýshylar bir-birimen turaqty habarlasýǵa jáne derekter almasýǵa múmkindigi bar. Munda kádimgi áleýmettik jeli sııaqty tirkelýshiler jeke profıldik-akkaýnt ashady jáne qosymshadaǵy basqa da qoldanýshylardy qaýymdastyqtarǵa engize alady.

«Memleket basshysy Qasym-Jomart Toqaevtyń jarlyǵymen kelesi jyl elimizde Eriktiler Jyly dep belgilendi. Meniń bilýimshe qazirgi aqparattyq keńistikte barlyq qazaqstandyq eriktilerdiń basyn qosatyn jáne olar týraly resmı málimet beretin derekter qory joq. Bul mobıldi qosymsha arqyly men osyndaı problemalardy sheshýdiń jolyn izdedim. «Shańyraq» uıaly baǵdarlamasynda jergilikti jáne basqa da aımaqtaǵy eriktiler týraly aqparattar, olardyń ótkizetin sharalary týraly habarlamalar jarııalanyp turady. Jobanyń balamasy retinde tanymal áleýmettik jelilerdi de aıtýǵa bolady. Biraq olardy paıdalanýdaǵy qaýipsizdik erejeleri barlyq kezde saqtala bermeıdi. Al men daıyndaǵan mobıldi qosymsha belgili qaýipterdi aldyn-alýǵa jáne jasyryn derekterdiń taralmaýyna septigin tıgizbek. Qosymshada tek árbir adamǵa qajet fýnksııalar qoljetimdi bolady. Munda qajetsiz jarnamalar men spam eskertýler bolmaıdy», - deıdi Bıbarys.

Mobıldi qosymsha Android Studio negizinde Java kómegimen jumys isteıdi. Jaqyn arada uıaly telefondarǵa arnalǵan kómekshi qural Play-market-te qoljetimdi bolmaq. Jas ónertapqyshtyń bul jumysyn qazylar alqasy mektepshilik jáne respýblıkalyq kezeńderdegi ǵylymı-jobalar saıysynda joǵary baǵalaǵan. Sonyń biri qyrkúıekte ótken Qazaqstan Jastary Kongresiniń ınnovasııalyq jobalar baıqaýy.

«Endi avtorlyq týyndyǵa pantent alý jáne ony keń kólemdi qoldanysqa engizý qaldy», - deıdi Bıbarys Ǵılaj. Onyń aıtýynsha, bolashaqta bul mobıldi qosymsha eriktilerdiń jumysyn edáýir jeńildetedi. Olardyń nátıjeli jumysyn jan-jaqty kórsetýge, belsendiler men jańa qoldanýshylardy anyqtaýǵa múmkindik bermek.

Nazarbaev Zııatkerlik mektebiniń bolashaq túlegi Bıbarys Ǵılaj baǵdarlamalaý kýrsymen birneshe jyldan beri aınalysady. Ol túrli oblystyq jáne respýblıkalyq IT tehnologııalar men robototehnıka saıystarynyń júldegeri. Aǵymdaǵy jyly AQSh-ń Stenford ýnıversıtetinde baǵdarlamalaý, kóshbasshylyq jáne áleýmettik ǵylymdar kýrsyn sátti támamdap shyqqan,-dep habarlady zııatkerlik mekteptiń baspasóz qyzmeti.

 

 

Atyraý

 

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar