Parlament • 11 Jeltoqsan, 2019

Májilis kóshi-qon prosesterin retteý boıynsha Zań jobasyn maquldady

30 retkórsetildi

Parlament Májilisiniń depýtattary plenarlyq otyrysta «Qazaqstan Respýblıkasynyń keıbir zańnamalyq aktilerine kóshi-qon prosesterin retteý máseleleri boıynsha ózgerister men tolyqtyrýlar engizý týraly» Zań jobasyn qarap, ony birinshi oqylymda maquldady. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Zańnamaǵa engizilgen túzetýlerdi halyq qalaýlylaryna QR Eńbek jáne halyqty áleýmettik qorǵaý mınıstri Birjan Nurymbetov tanystyrdy. Ol óz sózinde bul zań jobasy Qazaqstan Respýblıkasynyń 2017-2021 jyldarǵa arnalǵan kóshi-qon saıasatynyń tujyrymdamasyna jáne ony iske asyrý jónindegi is-sharalar josparyna sáıkes ázirlengenin, sondaı-aq 3 kodeks pen 10 zańǵa ózgerister men tolyqtyrýlar engizýdi qarastyratynyn atap ótti.

Zań jobasynyń mindetteri kóshi-qon zańnamasyn: Qazaqstanǵa kelgen etnıkalyq oralmandar men ımmıgranttar úshin qolaıly jaǵdaılar jasaý; el ekonomıkasynyń qajettilikterin qanaǵattandyrýǵa, qolaıly ınvestısııalyq klımat qurýǵa baǵyttalǵan syrtqy eńbek kóshi-qonynyń tıimdi júıesin qurý; halyqaralyq ozyq tájirıbeni eskere otyryp zańsyz kóshi-qonnyń aldyn alý, kóshi-qon prosesterin retteý salasyndaǵy normatıvtik-quqyqtyq bazany keńeıtý baǵyttary boıynsha jetildirý.

«Qoldanystaǵy zańnamaǵa sáıkes etnıkalyq qazaqtar oralman mártebesin alý úshin Qazaqstan táýelsizdik alǵanǵa deıin shet memlekettiń aýmaǵynda turý faktisin rastaýǵa tıis. Is júzinde 1991 jyldan keıin dúnıege kelgen etnıkalyq qazaqtar mundaı qujattardy bere almaıdy. Osyǵan baılanysty etnıkalyq qazaqtyń buryn QR azamaty bolmaǵandyǵy basty krıterıı bolady», – dep tolyqtyrdy Birjan Nurymbetov.

Sondaı-aq, oralmandardyń turaqty túrde turýǵa ruqsat alýǵa jáne Qazaqstan azamattyǵyn alýǵa bir mezgilde qujattar berý quqyǵyn zań júzinde qarastyrý usynylady.

Qonys aýdarýshylardy ornalastyrý, jumyspen qamtý jáne beıimdeý jónindegi áleýmettik qyzmetter keshenin usyný maqsatynda oralmandarǵa ǵana emes, qonys aýdarýshylarǵa da beıimdeý jáne yqpaldastyrý qyzmetterin kórsetý jónindegi ortalyqtardyń fýnksııalary keńeıtiletin bolady.

«Investorlarǵa qolaıly jaǵdaı jasaý maqsatynda sheteldik jumys kúshteri basqa ákimshilik-aýmaqtyq birlikterge tartýǵa ruqsattardyń merzimin uzartý qarastyrylǵan. Bul jaǵdaıda jumys berýshi ruqsatta kórsetilgen ár óńirdiń bıýdjetine salyq tóleýi kerek, sonymen qatar tıisti óńirlerde jumystardy oryndaý jáne qyzmetter kórsetý týraly kelisim bolýy kerek. Sondaı-aq, zań jobasy joǵary bilikti sheteldik jumysshylardyń biliktilik kýáligi negizinde ekonomıkanyń basym sektorlarynda derbes jumys isteýi úshin múmkindikterdi keńeıtýdi qarastyrady, osy quzyretti QR Eńbekmıninen jergilikti atqarýshy organdar deńgeıine berý usynylyp otyr», – dedi Birjan Nurymbetov.

Eńbekshi ımmıgranttardy zańsyz kásipkerlik qyzmetke tartý faktileriniń kóbeıýine baılanysty eńbekshi ımmıgranttardy aı saıyn 8 AEK salyq tóleıtindeı, ShJK tartýdyń qoldanystaǵy júıesine sáıkes «maýsymdyq jumyskerlerdi» teńestirý usynylady. Sonymen qatar, «maýsymdyq jumyskerler» jumysqa qabyldaýǵa bolatyn mamandyqtardyń tizimi anyqtalady.

Kóshi-qon prosesteri salasyndaǵy quqyqtyq bazany keńeıtý jáne zańsyz kóshi-qonnyń jolyn kesý maqsatynda tómendegiler usynylady.

Birinshiden, sheteldikter úshin turaqty turýǵa ruqsat berý úshin 4 AEK mólsherinde memlekettik bajdy engizý.

Ekinshiden, readmıssııa jónindegi halyqaralyq erejelerdi ulttyq zańnamaǵa ımplementasııalaý usynylady.

Úshinshiden, atqarýshylyq is júrgizý boıynsha bereshegi bar tulǵalardyń TMK-ge shyǵýy boıynsha shekteýlerdi kózdeıtin tolyqtyrýlar engizilsin.

Tórtinshiden, QR azamattyǵyn resimdeý tártibin ońaılatý úshin Qazaqstan aýmaǵynda 1 jyl ishinde 183 kúnnen az ýaqyt turý jáne ákimshilik buzýshylyqtardyń bolýy boıynsha zańnamalyq normalar qoldanylmaıtyn adamdar sanatyn (etnıkalyq qazaqtar, azamattyǵy joq adamdar, 1974 jylǵy úlgidegi KSRO tólqujattary bar adamdar, sondaı-aq turmystaǵy áıeldiń azamattyǵy týraly konvensııa qoldanylatyn áıelder) anyqtaý usynylady.

Zań jobasyn iske asyrý respýblıkalyq bıýdjetten qosymsha qarjylyq shyǵyndardy talap etpeıdi jáne teris áleýmettik-ekonomıkalyq nemese quqyqtyq saldarǵa ákelip soqpaıdy.

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar