Úkimet • 12 Jeltoqsan, 2019

Qorǵanys mınıstrliginde áskerı sportshylarǵa qurmet kórsetildi

16 ret kórsetildi

Qazaqstan Qorǵanys mınıstrliginde 2019 jyldyń qorytyndysy boıynsha Armııa ortalyq sport klýbynyń áskerı sportshylaryna qurmet kórsetý rásimi ótti. Bul týraly Qorǵanys mınıstrliginiń baspasóz qyzmeti habarlady.


Jyl boıy halyqaralyq jarystarǵa qatysyp, baq synaǵan áskerı sportshylarǵa merziminen buryn áskerı ataqtar, nagradalar, syılyqaqylar men alǵys hattar tabystaldy.

«Qazaqstannyń áskerı sporty jyldan jylǵa belsendi túrde jetistikterin arttyrýda. Bizdiń áskerı qyzmetshiler tuǵyrdan túspeı, rekordtar jańartyp keledi. Barlyq sáttilikterdiń Qarýly Kúshterimizben baılanysty bolǵanyn qalar edim. Halyqaralyq jarystarda el namysyn qorǵap júrsizder. Sonymen qatar osy halyqaralyq jarystarda da bári Sizderdiń Qarýly Kúshterdiń tárbıelenýshileri ekenderińizdi bilýge tıis», dedi Qorǵanys mınıstr Nurlan Ermekbaev sportshylarǵa arnaǵan sózinde. Sonymen qatar mınıstr olarǵa sarqylmas qýat pen jańa jeńister tiledi.

Sportshylar arasynda alǵyspen atap ótkenderdiń biri – QK qyzmetkeri Jandos Madehııanov boldy. Ol 2019 jylǵy jastar arasynda ótken qoıan-qoltyq kúresten álem chempıony atandy.

«Bala kúnimnen sport pen áskerı ortaǵa degen qyzyǵýshylyǵym boldy. Biz túrli jarystarǵa qatystyq. Osy jylǵy eńbegimniń baǵalanǵanyna qýanyshtymyn. Meniń jetistikterim marapatqa ıe bolyp, joǵary baǵalandy», dep sportshy atap ótti.

Budan ózge, halyqaralyq sanattaǵy qazy maıor Amanjol Rahmetovqa merziminen buryn «podpolkovnık» áskerı ataǵy berildi. Halyqaralyq sanattaǵy qazy mártebesin alǵan maıor Erkebulan Túsiphanov «Halyqaralyq yntymaqtastyqqa úlesi qosqany úshin» medalimen marapattaldy.

Olımpıada chempıony, Qytaıda ótken Búkilálemdik áskerı oıyndarynyń jeńimpazy, jeńil atletshi maıor Olga Rypakovaǵa, halyqaralyq sanattaǵy sport sheberi, Qazaqstan Respýblıkasynyń bes dúrkin chempıony, boksshy Temirtas Júsipovke jáne Azııa júldegeri, Búkilálemdik boks (WSB) serııasy boıynsha eki márte chempıon atanǵan Aslanbek Shynbergenovke, taekvondodan Azııa chempıonaty men Azııa oıyndarynyń kúmis júldegeri kishi serjant Rýslan Japarovqa syılyqaqy berildi.

Sonymen qatar V Halyqaralyq qoıan-qoltyq kúresiniń týrnıri men Tuńǵysh Prezıdent kýbogyna ótken armııanyń qoıan-qoltyq kúresiniń jeńimpazy qatardaǵy jaýynger Sora Rahmonova alǵys hat aldy. AOSK-nyń jattyqtyrýshysy kapıtan Oljas Aqbaevqa gramota berildi.


Sońǵy jańalyqtar

Demalys kúnderi aýa raıy jyly bolady

Qazaqstan • Búgin, 11:25

Qazaqstanda dollar arzandady

Ekonomıka • Búgin, 11:21

Úrjarda ury ustaldy

Aımaqtar • Búgin, 09:31

Qazaqstanda 78 adamnan koronavırýs anyqtaldy

Koronavırýs • Búgin, 09:12

Bir adam eki adamnyń ómirin qutqara alady

Medısına • Búgin, 08:34

Imanbektiń ıirimderi

Rýhanııat • Búgin, 08:31

Qaıtqan qarjyda qaıyr bar

Qarjy • Búgin, 08:25

Ádiletsiz úkimniń álegi me?

Saıasat • Búgin, 08:24

Aýrýhanaǵa shabýyl jasady

Qoǵam • Búgin, 08:23

Oqýshylarǵa qýanysh syılady

Aımaqtar • Búgin, 08:14

Top balaǵa qysqy kıim áperdi

Rýhanııat • Búgin, 08:13

Egisti ártaraptandyrýǵa mán berildi

Oqıǵa • Búgin, 08:08

Qyrmanda – qyzý eńbek

Aımaqtar • Búgin, 08:02

Úlkendi syılaý – úlken fılosofııa

Rýhanııat • Búgin, 07:59

Máńgi qazaq kúntizbesi

Tanym • Búgin, 07:52

Uqsas jańalyqtar