Úkimet • 12 Jeltoqsan, 2019

Iraktan qaıtarylǵan balalar týystarymen qosyldy

23 retkórsetildi

Qazaqstan Respýblıkasynyń táýelsizdik kúni qarsańynda Elordanyń eń kórnekti ǵımarattarynyń biri, elimizdiń sımvoly bolyp tabylatyn «Báıterek» monýmentiniń basynda ústimizdegi jylǵy 27 qarashada Prezıdent Qasym-Jomart Toqaevtyń tapsyrmasymen gýmanıtarlyq aksııa nátıjesinde Iraktan Qazaqstanǵa qaıtarylǵan balalar jaqyn týystaryna berildi. Bul týraly Syrtqy ister mınıstrliginiń baspasóz qyzmeti habarlady.

Is-sharaǵa Qazaqstan Respýblıkasynyń Syrtqy ister mınıstriniń orynbasary Erjan Ashyqbaev, Nur-Sultan qalasy ákiminiń orynbasary Baqtııar Maken, Qazaqstan Respýblıkasynyń Syrtqy ister mınıstrliginiń Erekshe tapsyrmalar jónindegi Elshisi Stanıslav Vasılenko, Bilim jáne ǵylym Mınıstriniń balalar quqyǵy jónindegi keńesshisi Raısa Sher jáne t.b. qatysty.

Balalar elimizdiń táýelsizdigi kúni qarsańynda «Báıterek» basynda óz týystarymen qaýyshýy óte sımvolıkalyq mánge ıe. Balalar «Báıterek» músinin óz sýretterinde salyp, onyń ishinde bir bolyp kórýdi, eline oralýdy armandap kelgen. Búgin sol armandarynyń barlyǵy oryndalyp, elge oralyp, «Báıterek» ishin aralap, óz týystarymen qaýyshty. Ár qazaqstandyq balanyń perishte armany oryndalýy tıis jáne memleket te soǵan múddeli.

Sondaı-aq Qazaqstandyq dıplomattar birlestigi men Nur-Sultan qalalyq ákimdigi atynan balalarǵa estelik syılyqtar berildi.

Aldaǵy ýaqytta olardyń bolashaǵy memleket tarapynan baqylaýda bolady. Olar elimizdegi barlyq balalarymen birge jalpy bilim berý mekemelerinde esh kedergisiz bilim alatyn bolady.

1

Sońǵy jańalyqtar

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Uqsas jańalyqtar