Aımaqtar • 12 Jeltoqsan, 2019

Nurlan Noǵaev: «Ekologııa problemasy Atyraý oblysynyń barlyq turǵyndaryn alańdatady»

33 retkórsetildi

12 jeltoqsanda Atyraýda oblystyq máslıhattyń kezekti jáne bıylǵy qorytyndy sessııasy ótti. Sessııa barysynda depýtattar aımaqtyń úsh jyldyq bıýdjetin maquldady, dep habarlady О́ńirlik kommýnıkasııalar qyzmeti.

Oblystyq ekonomıka jáne bıýdjettik josparlaý basqarmasynyń basshysy Aıdar Nuralıevtiń aıtýynsha, aldaǵy jylǵy oblys bıýdjeti - 382,5 mlrd teńge, 2021 jyly – 398,8 mlrd teńge, 2022 jyly - 416,1 mlrd teńgege artady. Oblystyq máslıhat depýtattary aımaqtyń úsh jyldyq bıýdjetin biraýyzdan maquldady.

Halyq qalaýlylary Atyraý oblystyq ekologııa departamentiniń basshysy Abaı Safınniń esebin qyzý talqyǵa saldy. О́ńirdiń bas ekology aıtqan málimetke súıensek, qorshaǵan ortaǵa zııandy qaldyqtar kóp tastaıtyn birinshi sanattaǵy 147 tabıǵat paıdalanýshy bıyl tabıǵat qorǵaý sharalaryna 24,7 mlrd teńge jumsaýy kerek bolǵan. Onyń basym bóligi – 20 mlrd teńge – TShO (4 mlrd), AMО́Z (2 mlrd), NKOK (14 mlrd) úlesinde. Depýtattar júrgizilip jatqan jumystardyń tıimdiligine senimsizdik bildirdi. Mysaly, NKOK aqpasýdy tazartý zaýytynyń qurylysyna 12 mlrd teńge bólýge mindetti bolǵan. Biraq joba iske aspady. Kógaldandyrý baǵytyndaǵy jumystar da synǵa ushyrady. Oblystyq ekologııa departamentiniń basshysy tabıǵat qorǵaý sharalaryna qarajat bólý men ıgerý, qorshaǵan ortaǵa emıssııalarǵa ruqsat máseleleri ekologııalyq retteý jáne baqylaý komıtetinde sheshilip jatqanyn aıtty jáne qazir ekologııalyq kodekske ózgertýler daıyndalyp jatqanyn, buzýshylyqtar úshin qoldanylatyn shara kúsheıtiletinin atap ótti.

Atyraý oblysynyń ákimi Nurlan Noǵaev qorshaǵan orta jaǵdaıyna qatysty máselege nazar aýdaryp, oblystyń bas ekologynyń ustanymymen kelispeıtinin aıtty.

-Biz qazir komıtette ekologııalyq kodekske túzetýler daıyndalyp jatqanynan habardarmyz, biraq oǵan ún qospaı otyrýǵa bolmaıdy. Sizderdiń mindetterińiz - jergilikti jerde tabıǵat qorǵaý sharalarynyń oryndalýyna, buzýshylyqtarǵa baqylaý jasaý, dedi oblys ákimi ekologııa departamentiniń basshysyna. – Ekologııa problemasy Atyraý oblysynyń barlyq turǵyndaryn alańdatady. Adamdar kún saıyn Telegram chatta ekologııa problemasy, jaǵymsyz ıister, olardyń densaýlyqqa áseri týraly jazady. Biz aldymen osy máseleni sheshýimiz kerek. О́ndiris tolyǵymen ekologııalyq jaǵynan qaýipsiz bola almaıtynyn jaqsy túsinemin, biraq, sizder de tabıǵatqa keltiriletin zalaldy azaıtýdyń joldaryn tabýǵa tıissizder.

Ákim qazir naqty sharalar qoldanýǵa qajet barlyq tetikter bar ekenin atap ótti. Bul jaǵdaımen tek bir adam, bir basqarma aınalyspaýy kerek.

-Qorshaǵan ortany taza ustaýǵa, adamdardyń ómirleri men densaýlyqtaryna teris áser etý deńgeıin tómendetýge baǵyttalǵan tabıǵat qorǵaý sharalary júıeli negizde jasalýy kerek. Oǵan oblystyń barlyq turǵyndary, jergilikti atqarýshy bılik pen jer qoınaýyn paıdalanýshylar qatysýy tıis. Qazir iri kásiporyndarmen bizdiń yqpal etýimizben belgili bir jumystar júrip jatyr, biraq bul jetkiliksiz, jumys úzdiksiz iske asýy kerek, dep atap ótti Nurlan Noǵaev.

Oblys ákimi depýtattar men jergilikti atqarýshy bıliktiń birlesip atqarǵan jumysy aımaqtyń damýyn jańa deńgeıge kótergenin atap ótti.

-Oblysta jańa áleýmettik nysandar paıdalanýǵa berildi, refraqurylym damýda. Munyń bári ýaqytynda qarjylandyrýǵa jáne bıýdjet qarajatynyń jumsalýyna baqylaýdyń sapaly júrgizilýine baılanysty. Bolashaqta da óńir ekonomıkasyn damytyp, áleýmettik salaǵa mańyz berýdi josparlap otyrmyz, - dedi Nurlan Noǵaev. - Memleket basshysynyń óńirlik bıýdjettiń jartysynan astamyn áleýmettik ınfraqurylymdy damytýǵa baǵyttaý týraly tapsyrmasy bar. Biz búgin aldaǵy úsh jyldyń bıýdjetin bekittik. Keler jyly bıýdjettiń 71% áleýmettik salany damytýǵa baǵyttalady, odan keıingi eki jylda bul kórsetkish taǵy da kóbeıedi.

Sessııada «7-20-25» turǵyn úı baǵdarlamasyn iske asyrý, bilim berý, densaýlyq saqtaý salalarynda memleket-jekemenshik áriptestik negizinde qolǵa alynǵan jobalar  máseleleri de qaraldy.

 

Sońǵy jańalyqtar

Almaty jasyl qalaǵa aınalady

Ekologııa • 17 Qańtar, 2020

Elimizde UFC TV telearnasy iske qosyldy

Sport • 17 Qańtar, 2020

Tátti ómirdi tárk etkender (vıdeo)

Vıdeo • 17 Qańtar, 2020

Kókshetaýda beti ashyq qudyq kóp

Aımaqtar • 17 Qańtar, 2020

Shymkentte Poezııa minberi ashyldy

Rýhanııat • 17 Qańtar, 2020

Bulandydaǵy berekeli is

Aımaqtar • 17 Qańtar, 2020

Mal baqqanǵa bitedi...

Aımaqtar • 17 Qańtar, 2020

Batys Qazaqstanda jańa jobalar maquldandy

Aımaqtar • 17 Qańtar, 2020

Kýveıt týrnırinde top jardy

Sport • 17 Qańtar, 2020

Gran-prı jarysyna qatysady

Sport • 17 Qańtar, 2020

Ekinshi qolany qorjynǵa saldy

Sport • 17 Qańtar, 2020

Atqa miný mádenıetin nasıhattady

Qoǵam • 17 Qańtar, 2020

Uqsas jańalyqtar