Qoǵam • 13 Jeltoqsan, 2019

Jaıdarmannyń mereıtoılyq óner keshi ótti

13 retkórsetildi

Elordada Nur Otan partııasy janyndaǵy Jas Otan jastar qanatynyń qoldaýymen respýblıkalyq Jaidarman festıvali ótti. Elbasy jarııalaǵan Jastar jylynyń, Nur Otan partııasy men qazaq KVN-niń 20 jyldyǵyna oraılastyrylǵan keshke barlyǵy 10 komanda qatysty. Olardyń arasynda mektep, kolledj komandalary, respýblıkalyq joǵary lıga jeńimpazdary men ardager oıynshylardan bólek, Mońǵolııa quramasy da bar.

Tapqyr da talantty jastar­dyń oıynyn tamashalaý úshin bul keshke Nur Otan partııasy Tór­aǵasynyń birinshi orynbasary Baýyrjan Baıbek pen par­tııanyń elordadaǵy fılıalynyń tóraǵasy, Nur-Sultan qalasynyń ákimi Altaı Kólginov keldi.

Aldymen jastardy Táýelsiz­dik kúnimen jáne qazaq KVN-niń 20 jyldyǵymen quttyqtaǵan Baýyr­jan Baıbek jetekshi par­tııa tarapynan jastardyń bar­lyq bastamalaryna qoldaý kúshe­ıetinin erekshe atap ótti.

«Qaı kezeńde de jastar – jańalyq ataýlynyń jarshysy, eldiń belsendi de kreatıvti bóligi. Sondyqtan da Elbasy, Nur Otan partııasynyń Tóraǵasy Nursultan Nazarbaev jastar – elimizdiń qazirgi álemdegi báse­kege qabilettiliginiń negizgi fak­tory ekenin basa kórsetip, jas­tarǵa udaıy qamqorlyq tanytyp keledi. Bıylǵy jyldy arnaıy Jastar jyly dep jarııalady. Bul – Nur Otan partııasynyń da basty basymdyqtarynyń biri. Prezıdent Qasym-Jomart Toqaev 2020 jyl «Volonter jyly» dep jarııalaǵanyn bile­sizder. Eriktiler qyzmetine óz­derińizdeı jastardyń qatysý aıa­syn keńeıtýge partııanyń Jas Otan jastar qanaty belsendi atsalysatyn bolady.

Nur Otan partııasy – qoǵam­dyq uıym ǵana emes, saıası kúsh. Sondyqtan Nur Otan partııasynyń basty maqsaty – azamattar­ǵa áleýmettik lıftilerdi berip, bılikke daryndy, bilimdi jáne elin súıetin jandardy kóterý. Elbasy máslıhattardyń 20 pa­ıyzyn jastar quraýy kerek degen tapsyrma bergen bolatyn. Biz partııa tarapynan daryndy jastarǵa bolashaqta memleket ómirine aralasýǵa jol ashamyz», dedi ol óz sózinde.

Maýsymdyq qorytyndy keshte sóz alǵan Nur-Sultan qala­sy­nyń ákimi Altaı Kólginov Jastar jyly máre­sine jetkenimen, jas­tarǵa kórsetiletin qoldaý toq­tamaı­tynyn tilge tıek etti. Ol óz sóziniń dáleli retinde kúrdeli jóndeýden ótkennen keıin, keler jyly elordadaǵy Jastar saraıy jaıdarmanshylarǵa beriletinin aıtty. Endi mektep jasyndaǵy jas jetkinshekterden bastap stýdent jastarǵa deıin óz ónerlerin ushtap júrgen Jaıdarman oıyndary osy ǵımaratta ótedi.

Nur Otan partııasy janyn­daǵy Jas Otan JQ qazaq tildi jas­tar­dyń máselesin utymdy ázil arqyly saraptap jetkizetin Jaıdarman oıyndaryna 2014 jyldan bastap qoldaý kórsetip keledi. Osy jyldar aralyǵyn­da qazaq jastarynyń súıikti alańyna aınalǵan qazaq­tildi KVN halyqaralyq deńgeıge jetip, qazir munda alys-jaqyn shetel­­derdiń komandalary da tabysty óner kórsetip júr.

Aıta keteıik, Nur Otan par­tııa­synyń qoldaýymen, osyǵan deıin ulttyq sport salasyndaǵy úzdikterdi anyqtaıtyn «Altyn tuǵyr – 2019» keshi, sondaı-aq, jyrshy-termeshilerdiń «JYR AMANAT» konsert-spektakli ótti. Budan ózge, bıyl kúzde eli­miz­diń birqatar óńirinde aıtys fes­tıvalderi uıymdastyryldy. Aıtys óneriniń dodasy 16-17 jel­toq­sanda Oral qalasynda ótetin «Altyn dombyra» res­pýb­­lı­kalyq festıvalinde máre­sine jetedi. Sondaı-aq Nur Otan par­tııasynyń janyndaǵy «Mıras» respýblıkalyq qoǵamdyq keńesi músheleriniń bastamasymen mem­lekettik tildi damytý tetik­terin pysyqtaý úshin arnaıy komıssııa qurylǵanyn da aıta ketken jón.

 

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Uqsas jańalyqtar