Aımaqtar • 13 Jeltoqsan, 2019

О́nim men ósim eselendi

21 retkórsetildi

Almaty oblysynyń el ekonomıkasyndaǵy úlesi agrarlyq saladaǵy tabysty kórsetkishterimen aıqyndalady. Onyń bir dálelin jetisýlyq sharýalardyń bıyl óndirgen óniminiń jalpy quny 780 mlrd teńgege jetkeninen ańǵarýǵa bolady.

Aımaqtyń agroónerkásip keshenindegi eńbek ónimdiligin jáne ónimniń eksportyn 2,5 esege arttyrýǵa qol jetkizý maq­saty oryndalyp keledi. Tara­typ aıtqanda, aımaqta mal sany ósti. О́tken jylmen sa­lystyrǵanda salanyń ónimdiligi ortasha 4,5 paıyzǵa ulǵaıǵan. Bul nátıjege oblysta 102 mal bordaqylaý alańy, onyń ishinde asyl tuqymdy mal bordaqylaý alańdarynyń kóptep ashylýy arqyly qol jetti.

Al ósimdik sharýashylyǵynda dándi daqyldar alqaby 7 myń gek­tarǵa ulǵaıyp, jalpy kólemi 961 myń gektardy qurady. 1,4 mln tonna ónim jınalyp, daqyl shy­ǵymy orta eseppen ár gektar­dan 31 sentnerge jetip otyr. Ási­­rese júgeriniń shyǵymy jyl­­da­ǵydan joǵary. Túsim gek­ta­ry­­na 67 sentnerden aınalyp, bar­lyǵy 550 myń tonna ónim jınaldy.

– Almaty oblysynyń aýyl­sharýa­shylyq salasyndaǵy jetis­tikteri bizdi únemi qyzyq­tyra­dy. Alaıda, munyń esh qu­pııa­sy joq. Jetisý jeri klı­mat­tyq jaǵdaıy qolaıly, oǵan qosa oblys sharýalary ju­mys­­taryn ǵylymǵa negizdep uıym­das­­t­y­ryp otyr, – deıdi Qazaq egin­shilik jáne ósimdik sharý­ashy­lyǵy ǵylymı-zertteý ınstıtý­tynyń professory, Qazaqstan Ulttyq ǵylym akademııasynyń akademıgi Ǵalıolla Meıirman.

Akademıktiń aıtýynsha, oblys agrarshylary otandyq ǵa­lymdarmen tize qosyp jumys is­teýde. Nátıjesinde, ósimdik pen mal sharýashylyǵy salasy bo­ıynsha ónimdilik joǵarylady.

– Búginde jańa tehnologııa­ny qoldaný eńbek ónimdiligin art­tyryp qana qoımaı, aýyl­sharýa­shylyq óniminiń sapasyn da jaqsartty. Máselen, «Baıserke Agro» seriktestigi ǵalymdar men óndirýshilerdiń ba­syn biriktirip, bir-birimen ty­ǵyz baılanysta jumys isteýi­ne muryndyq bolyp otyr. Olar otandyq, TMD aýma­ǵyn­daǵy jáne basqa da sheteldik ǵalymdarmen belsendi jumys isteıdi. Agroholdıng negizinen mal sharýashylyǵyna, ósim­dik sharýashylyǵyna, alynǵan ónimdi tereń óńdeýge, jylyjaı sharýashylyǵyna, omar­ta­shy­lyqqa mamandanǵan. Máse­len, sharýashylyqtaǵy sút ón­dirisiniń jyldyq ónimi 3,8-4 myń tonna, ósimdik sharýa­shy­lyǵy boıynsha da rekordtyq kórsetkishke qol jetkizdi. Atap aıtqanda, soıa ósirý – 79 sentnerge, tamshylatyp sýarý arqyly ósirilgen júgeriniń shyǵymy – 185 sentnerge deıin kóbeıdi, – deıdi Ǵ. Meıirman.

Aıtpaqshy, oblysta úz­dik nátıje kórsetken fermer­di qur­metteý isi dástúrge aınalǵan. Bıyl da aımaqtyń aýyl­sha­rýa­­shylyq qyzmetkerleri oblys ortalyǵynda ótken jıyn­ǵa kelip, esepti jyldy qory­tyndylady. Tabysy tasyǵandar oblys ákiminiń marapatyn alyp, úzdikterge sý jańa traktordyń kilti tapsyryldy. Barlyǵy jet­pisten astam eńbekkerge «Eńbek ardageri» medali, «Aýyl sha­rýa­shylyǵy salasynyń úz­digi» tósbelgisi jáne Aýyl sharýa­shylyǵy mınıstrliginiń, oblys ákiminiń Qurmet gramotalary men Alǵys hattary tabystaldy.

Ile aýdanyndaǵy «Ońalbaev» sharýa qojalyǵy men Talǵar aýdanyndaǵy «Baıserke-Agro» seriktestiginiń jetekshilerine sý jańa «MTZ-82.1» traktorlary syıǵa berildi. Sondaı-aq Qarasaı aýdanyndaǵy «Oń­tústik» agroparki men Kegen aýdanyndaǵy «Mádı» sharýa qojalyǵy 600 jáne 500 myń teń­geniń sertıfıkatyna ıe boldy. Osyndaı marapatqa kóksý­lyq «Balpyq» jáne Raıymbek aýdanyndaǵy «О́rken» sharýa qojalyqtary da laıyq bolyp, 500 jáne 400 myń teńgeniń sertıfıkattaryn aldy.

 

Almaty oblysy

 

Sońǵy jańalyqtar

Sheteldik kólikti tirkeý kerek

Saıasat • Búgin, 07:25

Jańa ekonomıkalyq baǵyt qajet

Prezıdent • Búgin, 07:18

Sıfrlandyrý qadamdary artyp keledi

Tehnologııa • Keshe

Almaty mańynda jer silkindi

Qazaqstan • Keshe

Elbasy Túrkııa halqyna kóńil aıtty

Qazaqstan • 25 Qańtar, 2020

Elektiń sory – alty valentti hrom

Ekologııa • 25 Qańtar, 2020

BQO polısııasy 440 otbasyn tekserdi

Aımaqtar • 25 Qańtar, 2020

Elimizdiń birneshe óńirinde tas joldar jabyq

Qazaqstan • 25 Qańtar, 2020

Túrkııada jer silkinisi boldy

Álem • 25 Qańtar, 2020

Qyzylorda: Qazalydaǵy qonys toı

Aımaqtar • 25 Qańtar, 2020

Qasym-Jomart Toqaev birqatar ákimdi qabyldady

Prezıdent • 24 Qańtar, 2020

Dzıýdo: Búgin júlde buıyrmady

Kúres • 24 Qańtar, 2020

Búgingi jańalyqtarǵa sholý (vıdeo)

Vıdeo • 24 Qańtar, 2020

Elordada «Abaı álemi» ortalyǵy salynady

Rýhanııat • 24 Qańtar, 2020

Prezıdent ákimdermen keńes ótkizdi

Prezıdent • 24 Qańtar, 2020

Uqsas jańalyqtar