Qoǵam • 13 Jeltoqsan, 2019

Qostanaı oblysyndaǵy MÁMS júıesiniń daıyndyq jumystaryna aýdıt júrgizildi

34 retkórsetildi

Densaýlyq saqtaý mınıstrliginiń Jaýapty hatshysy Qostanaı oblysyna arnaıy baryp, aımaqtaǵy medısınalyq mekemelerdiń  mindetti áleýmettik medısınalyq saqtandyrý júıesin engizýge daıyndyǵymen tanysty. MÁMS 2020 jyly 1 qańtardan bastap  tolyq iske qosylady.

О́ńirlik shtabtyń otyrysynda B.Jaqsylyqova qostanaılyqtardy medısınalyq saqtandyrý júıesimen tolyq qamtý, medısınalyq mekemelerdiń  aqparattyq júıelerin ıntegrasııalaý, árbir turǵynnyń saqtandyrý mártebesin anyqtaý máselelerine erekshe mán berdi.

«Oblys  turǵyndaryn  MÁMS júıesi jaıly habardar etý qajet. Sondaı-aq jurtqa  jappaı  medısınalyq kómek kórsetý úshin ózin-ózi jumyspen qamtyǵan jáne jumyssyz azamattardy anyqtaý sharalaryn jalǵastyrý kerek. Jáne medısına qyzmetkerleri men emhanalardyń daıyndyǵyn pysyqtaý qajet», dedi Densaýlyq saqtaý mınıstrliginiń Jaýapty hatshysy.

B. Jaqsylyqovanyń aıtýynsha, áleýmettik medısınalyq saqtandyrý júıesi  engizilgen soń, 2020 jyldyń 1 qańtarynan bastap respýblıka boıynsha medısınalyq kómekke bólinetin qarjy kólemi bir jarym esege artyp, 1, 569 mlrd teńgege  jetedi.

«Qalpyna keltirý emi men pallıatıvtik kómekti qarjylandyrý kólemi 9 esege, konsýltasııalyq-dıagnostıkalyq kómek – 6,5 esege, stasıonardy almastyratyn kómek – 2,3 esege ósedi», dedi Jaýapty hatshy.

Qor fılıaly basshysynyń aıtýynsha,  2020 jyly Qostanaı oblysyndaǵy densaýlyq saqtaý salasyna  50,7 mlrd teńge bólinedi, bul 2019 jylǵy bıýdjetten salystyrǵanda 25 paıyzǵa joǵary. TMKKK aıasynda – 36,3 mlrd teńge, MÁMS aıasynda – 14,4 mlrd teńge qaralǵan.

Elimizde azamattardyń 95 paıyzy MÁMS júıesi aıasynda medısınalyq kómekpen qamtamasyz etiledi degen boljam bar.  

О́ńirde 89 densaýlyq saqtaý sýbektisi tirkelgen. 2019 jyly Qostanaı oblysyndaǵy MÁMS qorynyń fılıaly TMKK aıasynda qyzmet kórsetý úshin 61 medısınalyq uıymmen kelisim  shartqa otyrdy, onyń 42-si (69%) memlekettik, 19-y (31%) jeke menshik.

Qostanaı oblysynda halyqtyń  82%  MÁMS júıesinde shartty túrde saqtandyrylǵan. Turǵyndardyń 18 paıyzy nemes 156 myń adam  «shartty túrde saqtandyrylmaǵan». Bul azamattar derbes tólem jasap, emhana, aýrýhanalarda ornatylǵan arnaıy termınaldar arqyly qorǵa aqsha aýdaryp,  medısınalyq saqtandyrý júıesi aıasynda kómek ala alady.

6 

О́ńirdegi MÁMS engizýge tehnıkalyq daıyndyq joǵary: medısınalyq uıymdardaǵy jumys oryndary kompıýterlik tehnıkamen jabdyqtalǵan, memlekettik medısınalyq uıymdarda  aqparattyq júıeler engizilgen. Jeke menshik medısınalyq mekemeler 100 paıyz  aqparattyq júıemen qamtylǵan.

«Básekelestikti arttyryp,  tegin medısınalyq kómektiń kepildik berilgen kólemi boıynsha qyzmet kórsetýge jeke menshik klınıkalardy tartý arqyly medısınalyq kómektiń sapasy men qoljetimdiligin jaqsartýdy josparlap otyrmyz», dedi Qor ókili.

Oblysta medısınalyq qyzmet kórsetýge úmitker densaýlyq saqtaý sýbektileriniń derekter bazasynda 80 medısınalyq mekeme bar. Onyń ishinde 48 memlekettik, 32 jeke menshik. 61 medısınalyq uıymmen tegin medısınalyq kómektiń kepildik berilgen kólemi (TMKKK)  boıynsha qyzmet kórsetýge shart jasaldy.

B. Jaqsylyqovanyń aıtýynsha, jyl sońyna deıin medısınalyq aqparattyq júıeler qyzmetterdi bólek esepke alý jáne áleýmettik medısınalyq saqtandyrý qorynan saqtandyrý mártebesi boıynsha aqparat alýǵa tolyq daıyn bolýy tıis. MÁMS júıesinin engizý úshin aqparattyq júıelerdiń jumysy óte mańyzdy.

9

Aıta ketý kerek, kelesi jyldyń alǵashqy úsh aıynda elimizdegi  barlyq azamat shartty túrde saqtandyrylady. Qazaqstandyqtarǵa, qandastar men turýǵa yqtııarhaty bar sheteldikterge tegin medısınalyq kómektiń kepildendirilgen paketi árqashan qoljetimdi. 2020 jyldan bastap elimizde  turaqty turatyn azamattyǵy joq tulǵalarǵa da tegin medısınalyq qyzmetter qoljetimdi bolady.

TMKKK paketine alǵashqy, shuǵyl jáne jedel kómek, birqatar sozylmaly jáne áleýmettik mańyzy bar aýrýlardy dıagnostıkalaý men emdeý, dári-dármekpen qamtamasyz etý kiredi. Memleket jeńildik jasalǵan sanatqa  kiretin 10 mln azamat  úshin MÁMS júıesine jarna tóleıdi. Olardyń qatarynda zeınetkerler, balalar, stýdentter, júkti áıelder jáne bala kútimine baılanysty demalysta júrgender,  múgedek adamǵa qarap otyrǵan azamattar jáne t.b. bar.

9

Sońǵy jańalyqtar

Prezıdent qar tazalaý chellendjin qoldady

Prezıdent • Búgin, 09:19

Azyq-túlik baǵasy alańdatady

Parlament • Búgin, 08:12

Jyldyń jumys jospary naqtylandy

Parlament • Búgin, 08:06

Yqpaldastyqqa serpin beretin sapar

Saıasat • Búgin, 08:02

Uly hakim ulaǵaty urpaqqa úlgi

Rýhanııat • Búgin, 07:58

Alysqa qulash sermeýge úndeıdi

Qoǵam • Búgin, 07:54

Abaı murasyn jańasha zerdeleý kerek

Rýhanııat • Búgin, 07:50

18 myń Abaı bar

Qoǵam • Búgin, 07:44

62 kóshege jańa ataý berildi

Aımaqtar • Búgin, 07:42

Mal urlaǵandar qatań jazalanady

Qoǵam • Búgin, 07:39

Túsim 5 mlrd teńgeden asady

Ekonomıka • Búgin, 07:36

Jańa týyndylar tanystyryldy

Aımaqtar • Búgin, 07:33

Ájeler mektebi

Rýhanııat • Búgin, 07:29

Shırazdyń kóz jasy (Hıkaıat)

Rýhanııat • Búgin, 07:28

Onlaın kitaphana – oqyrman talaby

Aımaqtar • Búgin, 07:27

Arqada aqtútek boran

Qoǵam • Búgin, 07:13

«Halal standarty» degen ne?

Qoǵam • Búgin, 07:11

Aqyl-oıdyń brendi

Rýhanııat • Búgin, 07:06

Et óńdeýde ese jibermedik pe?

Ekonomıka • Búgin, 07:05

Qostanaılyq dıqandar tuqym tappaı otyr

Ekonomıka • Búgin, 06:59

Uqsas jańalyqtar