Aımaqtar • 14 Jeltoqsan, 2019

«Almaty-2050» damý strategııasy resmı túrde qabyldandy

13 retkórsetildi

«Elimiz úshin basty mereke Táýelsizdik kúni qarsańynda «Almaty - 2050» damý strategııasy resmı túrde qabyldandy. Mańyzdy tarıhı qujatty qalalyq máslıhat depýtattary maquldady dep habarlaıdy Almaty qalasy ákimdigi baspasóz qyzmeti.

Aldaǵy 30 jylda Almaty jańa ekonomıka, keńistik jáne kommýnıkasııalar atty úsh negizgi prınsıp negizinde damıtyn bolady. Sondaı-aq kezekti otyrysta halyq qalaýlylary 2020 jylǵy qala bıýdjetin maquldady.

Almaty – qýatty bıznestiń, belsendi azamattyq qoǵam men teń múmkindikterdiń qalasy. Al basty baılyǵy – halqy. Qalanyń aldaǵy 30 jyl ishindegi damý jospary táptishtep jazylǵan qujat qarasha aıynda halyqqa tanystyryldy. Sodan beri 1000-nan astam adam óz pikirin aıtqan.

Kúni keshe ǵana ótken Ýrban forýmda alyp shahar basshysy Baqytjan Saǵyntaev kópshilik aldynda «Almaty - 2050» strategııasynyń sońǵy nusqasyn tanystyrǵan edi.  

«Qala turǵyndarynyń Almatyǵa beıjaı qaramaıtyny qýantady. Strategııany ázirleýge memlekettik qurylymdar, turǵyndar jáne mamandar belsendi atsalysty. Biz qujatty jarııalaǵan bir aı ishinde halyqtan myńnan asa usynys tústi. Olardy baǵyttar boıynsha bólip, 100-den astamyn strategııaǵa qostyq. Endi halyqty alańdatqan máseleler qujatta kórinis tabady. Kómek kórsetkenderińiz úshin alǵysymdy bildiremin», - dedi Almaty qalasynyń ákimi Baqytjan Saǵyntaev.

Bıyl Almaty barlyq áleýmettik ekonomıkalyq kórsetkishter boıynsha oń dınamıkany kórsetti. Osynyń ózi ómir men jumys úshin tartymdy jahandyq qala ekenin aıqyndaıdy. Almatyny damytýǵa 2020 jyly 738 mıllıard teńge jumsaý josparlanyp otyr. Bul ótken jylmen salystyrǵanda 37 paıyzǵa kóp. Ásirese, kelesi jyly bilim, densaýlyq saqtaý salalary jáne qoǵamdyq ınfraqurylymdy jaqsartýǵa qarjy kóbirek bólinedi. Máselen, bilim salasyna 280 mıllıard teńge, densaýlyq saqtaýǵa 7,7 mıllıard, al áleýmettik salaǵa 26 mıllıard teńge jumsalady dep kózdelgen.

Qalalyq bıýdjet damytýdyń boljamdy parametrlerine jáne Almaty damý baǵdarlamasyna súıene otyryp jasaldy. Resmı derekter boıynsha, birinshi jarty jyldyqta jalpy óńirlik ónimniń ósimi 4,1 paıyzdy qurady. 11 aıda qysqa merzimdi ekonomıkalyq ındıkator 5,1 paıyzǵa ósti. Investısııalar kólemi 4,9. Onyń ishinde syrtqy ınvestısııa 29 paıyzǵa kóbeıdi. Bólshek saýda 12 paıyzǵa ósti. О́nerkásip 4,6 paıyzǵa, kóterme saýda 1,5 esege ósti. Inflıasııa deńgeıi Almaty qalasynda 4,4 paıyzdy quraıdy. Memlekettik bıýdjetke salyq túsimi 13,9 paıyzǵa ósti, - deıdi Almaty qalasy Strategııa jáne bıýdjet basqarmasynyń basshysy Nurtas Qaıyrov.

Osylaısha, bıýdjetti bekitýge jınalǵan qala máslıhatynyń depýtattary biraýyzdan «Almaty - 2050» strategııasyn maquldady. Sebebi, mańyzdy qujat qalany ár qyrynan damytýǵa múmkindik beredi. Halyqtyń pikiri eskerilip jasalǵan sońǵy nusqada 7 baǵytqa basymdyq berilgen. Onyń árqaısysyn jiliktep halyq qalaýlylaryna qala ákiminiń orynbasary túsindirdi.

«Birinshiden, Almaty – shetsiz qala, onda barlyq aýdan birdeı jaqsy damyǵan jáne ómir súrý deńgeıi joǵary. Ekinshiden, úzdik álemdik smart tájirıbelerdi qoldanatyn aqyldy qala. Úshinshiden, teń múmkindikter qalasy. Barlyǵy úshin ınklıýzıvti qala. Tórtinshiden, qaýipsiz qala. Qaýip deńgeıi tómen megapolıs. Besinshiden, jasyl qala. О́mir sapasynyń jahandyq 100 reıtıngisine kiretin baý-baqshaly qala. Altynshydan, jańa Jibek joly ortalyǵyndaǵy jahandyq iskerlik ortalyq. Jáne jetinshi mádenı kreatıvti qala, bilim, ınnovasııalar men jańa ındýstrııalar ortalyǵy. Osy baǵdarlardyń barlyǵy bolashaqta qalanyń kórinisin qalyptastyrady», - dedi Almaty qalasy ákiminiń orynbasary Ilııas О́serov.

Aıta keteıik, damý josparyn iske asyrý jáne onyń oryndalýyna monıtorıng júrgizý úshin qala ákimdigi janynan strategııalyq keńes qurylatyn boldy. Uıym uzaq merzimdi jospardy iske asyrýdy qadaǵalap, jyl saıyn ashyq esep berip turady.

 

ALMATY

 

 

 

 

 

 

.

Sońǵy jańalyqtar

Tiri maldy satý - tıimsiz

Aımaqtar • Búgin, 12:25

Almaty bıznesi etek-jeńin jııa bastady

Aımaqtar • Búgin, 11:35

Uly Abaı murasy Kereký elinde

Rýhanııat • Búgin, 10:23

Abaıdy taný – asyl paryz

Rýhanııat • Búgin, 09:21

Jaýapkershilikke tartý usynyldy

Saıasat • Búgin, 08:35

Jyl saıyn 100 vagon jańartylady

Qoǵam • Búgin, 08:33

Ulaǵat uqqan ushpaqqa shyǵady

Aımaqtar • Búgin, 08:28

«Sýretti túsirgen Mamyrjan Botabekov»

Rýhanııat • Búgin, 08:20

Káripbektiń kórmesi

Rýhanııat • Búgin, 08:17

Besaǵashtyqtardyń berekeli bastamasy

Aımaqtar • Búgin, 08:13

Hakim esimi laıyqty ulyqtalyp keledi

Rýhanııat • Búgin, 08:10

О́tkenniń sabaǵy esińde qalady

Tarıh • Búgin, 08:07

Uıatsyzdyq azdyrar adam balasyn

Rýhanııat • Búgin, 08:03

Poster-patrıottyq jasasyn!

Qoǵam • Búgin, 08:00

Kamera aldynda oıqastaǵan qar barysy

Ekologııa • Búgin, 07:57

SNPS kelisimdi oryndamaı otyr

Ekonomıka • Búgin, 07:52

Úsh jylǵa salyqtan bosatyldy

Ekonomıka • Búgin, 07:50

Jánibek aýdanynda et óndirý artty

Aımaqtar • Búgin, 07:48

Rýhanı jańǵyrýdyń negizgi kilti

Rýhanııat • Búgin, 07:46

Taǵylymy mol tarıhı maqala

Rýhanııat • Búgin, 07:42

Qazaqtyń «haılaılymy»

Rýhanııat • Búgin, 07:40

Dosym oqyǵan kitap

Aımaqtar • Búgin, 07:38

Ustazdyń aldyn kespeıdi

Qoǵam • Búgin, 07:31

Elimizdegi eń úlken eskertkish

Rýhanııat • Búgin, 07:25

Qurylysy qarqyndy Qazaqstan

Qazaqstan • Búgin, 07:15

Balqash: baq pen sor

Qoǵam • Búgin, 07:07

«Aqylǵa sáýle qonbasa...»

Qoǵam • Búgin, 07:03

ShQO-da qar kóshkini júrdi

Aımaqtar • Keshe

Uqsas jańalyqtar