Sport • 15 Jeltoqsan, 2019

«Denıstiń dostary» elordaǵa jınaldy

39 retkórsetildi

Elordada «Denıstiń dostary» muz shoýy ótti. Zal kórermenderge lyq toly boldy. Qysqa da jarqyn ǵumyry erte sóngen Denıs Tenniń dostary bas qosty.

Bul joly shoý qonaqtary retinde eki dúrkin Olımpıada chempıony bolǵan Tatıana Volosojar men Maksım Trankov, álem chempıonatynyń úsh dúrkin júldegerleri Keıtlın Ýıver men Endrıý Poje syndy tanymal sportshylar qatysty delingen taratylǵan aqparatta.

Olımpıada oıyndarynyń qola júldegeri, áıgili mánerlep syrǵanaýshy kózi tirisinde jıi uıymdastyratyn «Denıstiń dostary» atty muz shoýy óz jalǵasyn taýyp, kórermenderin qýanyshqa bóledi. 

Talantty sportshy Denıs Ten jankúıerleri aldynda arnaıy óner kórsetýdi ıgi dástúrge aınaldyrǵan bolatyn. Áriptes dostaryn da shaqyryp, elimizde mánerlep syrǵanaý sportynyń damýyna úles qosty. 

Keshegi keshte AQSh, Reseı, Kanadanyń belgili mánerlep syrǵanaýshylary kópshilikti áserli qoıylymdarymen tánti etti.

Aıta keteıik, Denıs Ten 2018 jyly 19 shildede avtokólik urylarynyń qurbany bolyp, oqystan qaza tapqan edi.

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar