Ulttyq sport • 15 Jeltoqsan, 2019

Qazaq kúresi jańa kezeńge aıaq basty

121 retkórsetildi

Qazaq kúresiniń halyqaralyq deńgeıdegi mártebesin kóterý isinde sońǵy jyldary qazaq kúresiniń halyqaralyq federasııasy tolaıym tabystarǵa qol jetkizip keledi. Sonyń nátıjesinde sporttyń osy túri boıynsha halyqaralyq týrnırler, álem jáne Eýropa chempıonattary júıeli túrde ótkizilip júr. Al bıyl QKHF muryndyq bolǵan qazaq kúresinen ótkizilgen álem chempıonaty táýelsizdi kúnimen tuspa-tus kelip otyr. Keshe qazaq kúresi boıynsha Aqtóbe qalasynda jalaýy kóterilgen álem chempıonatyna 40-tan astam eldiń palýandary kelip, beldesýdi bastap ketti.

Dúbirli dodada 8 salmaq dárejesi boıynsha kúsh synasý belgilengen. Mundaǵy tóreshiler alqasynyń quramy 20 adamnan turady. Onyń segizi taıaý jáne alys shet elderden kelgen qazaq kúresin baǵalaı alatyn bilgirler bolsa, on ekisi óz elimizde jasaqtalǵan tóreshiler. Taǵy bir atap óterlik jaıt, Aqtóbede álem chempıonatynda qazylar alqasynyń quramyna qazaq kúresiniń tarıhynda tuńǵysh ret áıel adamnyń tartylǵany.

Jarystyń bas tóreshisi, halyqaralyq deńgeıdegi sport sheberi Erbol Myrzabosynovtyń aıtýynsha, Aqtóbede bastalǵan álem chempıonatynda onyń júldegerleri men jeńimpazdaryna altyn, kúmis jáne qola medaldar tapsyrylýymen birge, QKHF-nyń sheshimine sáıkes shynaıy sheberlik pen tehnıkalyq turǵydan ózin-ózi jaqsy kórsete bilgen ádemi ádis-tásilderi arqyly jankúıerlerdiń qoshemetine bólengen, ári jeńiske umtylys tanytqan palýandarǵa arnaıy atalymdar taǵaıyndalǵan. Sonymen birge atalǵan álem chempıonatyna sheńberinde halyqaralyq deńgeıdegi semınar keńes ótkizilip, munda ádil qazylar alqasy músheleri men qazaq kúresiniń janashyrlary sporttyń osy túriniń kókjıegin keńeıtý, bolashaǵyn barlaý jáne onyń halyqaralyq mártebesin odan ári kóterý, sondaı-aq ony keleshekte olımpıada oıyndarynyń tizimine engizý jóninde óz oı-pikirlerin ortaǵa saldy.

Aqtóbedegi álem chempıonatynyń sımvolıkasy – qyzǵaldaqpen árlengen. QR Tuńǵysh Prezıdenti – Elbasy Nursultan Nazarbaevtyń «Uly dalanyń jeti qyry» maqalasynda kórsetilgendeı, qyzǵaldaq qazaq dalasynyń baǵa jetpes tabıǵı qundylyǵy men kórki ekeni málim. Al chempıonat logotıpiniń dóńgelek pishindes bolyp bederlenýi, jarystyń bıik deńgeıi men jahandyq sıpatyn bildirmek. Sóz sońynda halyqaralyq mártebeni ıelengen qazaq kúresi uıymy tek sońǵy eki jyldyń ishinde eki álem chempıonaty men Eýropa chempıonatyn uıymdastyrýǵa bastamashy bolǵanyn aıtqymyz keledi.

Álem chempıonatynyń ashylý rásmi kezinde oǵan álemniń túpkir-túpkirinen kelgen palýandar men tóreshiler jáne qazaq kúresiniń janashyrlaryn Aqtóbe oblysynyń ákimi Ońdasyn Orazalın men Qazaq kúresi federasııasynyń prezıdenti Qanat Bozymbaev qutyqtap, oǵan qatysýshylardyń bárine sát-sapar tilep, Aqtóbede álem chempıonatyn ótkizý úshin barlyq qajetti jaǵdaılar týǵyzylǵanyn atap kórsetti.

Sondan soń palýandar beldesýi bastalyp ketti. Keshe 55, 60, 90 jáne 100 kg salmaqtaǵy palýandar kúsh synasyp, osy tartys ústinde jaýyryny jerge tımeı, tehnıkalyq sheberlik úlgisin tanytqandar fınalǵa joldama aldy. Budan ári keshe bes salmaq dárejesi boıynsha álem chempıondary anyqtalyp, jeńimpazdar jeńis tuǵyryna kóterildi.

Erteń Aqtóbe qalasynda ótip jatqan Ádem chempıonaty odan ári jalǵasady.

 .l

 

AQTО́BE

  

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar