Ekonomıka • 16 Jeltoqsan, 2019

Taýar tasý jıiligine shekteý bolmaıdy

12 retkórsetildi

Keler jyldan bastap halyqaralyq poshta jóneltilimderimen jiberiletin, sondaı-aq tasymaldaýshy jetkizetin jeke paıdalanýǵa arnalǵan taýarlardy bajsyz ákelý normalaryna ózgeris engizilmek.

Qarjy mınıstrligi Memlekettik kirister komıtetiniń habarlaýynsha, 1 qańtardan bastap onyń kólemi 31 kılony jáne 200 eýrony quraıtyn boldy. Taýar kólemi bul normadan asqan jaǵdaıda taýar qunynan 15 paıyzdyq, salmaqtyń 1 kılogramy úshin keminde 2 eýro mólsherlemesi boıynsha kedendik tólemdi tóleýge mindetti. Bir atap óter­ligi, azamattardyń taýar ákelý, poshta arqyly alý jıiligine qatysty merzimdik shekteýler alynyp tastalady.

Qazir Eýrazııalyq ekonomıkalyq odaqtyń kedendik aýmaǵyna kedendik bajdardy, salyqtardy tólemeı áke­linetin, jeke paıdalanýǵa arnalǵan taýarlardyń normalary ár azamatqa 1 aı ishinde 500 eýro jáne salmaǵy 31 kılo ekenin aıta keteıik. Jańa norma boıynsha azamattardyń 1 aı ishinde 1 márte emes, kún saıyn taýar tasysa nemese poshta jóneltilim arqyly alýyna da múmkindigi bar.

Qarapaıym mysalmen túsindirer bolsaq, baǵasy 300 eýro bolatyn ınternet-dúkenderden tapsyrys berilgen jiberilim úshin jolaýshylarǵa arnalǵan kedendik deklarasııa tapsyrylyp, qundyq normasynan asatyn bóligi de kedendik tólemder qunynyń 15%-dyq mólsheri boıynsha deklarasııalanady. Iаǵnı 100 eýro úshin onyń 15%-na teń qarajat tólenýi kerek. Al jiberilgen zattyń quny 200 eýrodan aspasa, biraq salmaǵy 35 kılo bolyp mejeden 4 kıloǵa asyp ketse,  onda sol 4 kılo úshin kedendik baj salynady.

Sońǵy jańalyqtar

Esik nege «tesik»?

Qoǵam • Keshe

Uqsas jańalyqtar