Sport • 16 Jeltoqsan, 2019

Almatyda dzıýdodan Erbol Sypataev atyndaǵy týrnır aıaqtaldy

64 retkórsetildi

Jastardy eljandylyqqa tárbıeleıtin mundaı jarystar ósip kele jatqan urpaqty jigerlendiredi eken.

Táýelsizdik merekesi qarsańynda Almaty Energetıka jáne baılanys ýnıversıtetinde stýdentter arasynda 1986 jylǵy Jeltoqsan oqıǵasynyń qatysýshysy Erbol Sypataev atyndaǵy dzıýdodan 7 salmaq dárejesinde respýblıkalyq týrnır ótkizildi.

Bul jarysqa Erbol Sypataevtyń týystary, úzeńgiles dostary, jeltoqsanshy qaharmandary qonaq tórinde otyryp, kúresti tamashalady.

«Bul týrnır basqa týrnırlerden ózgeshe boldy. Táýelsizdik kúni qarsańynda jáne Jeltoqsan qurbany Erbol Sypataevtyń atynda ótýi, qatysýshylarǵa jaýapkershilik júgin eseledi. Aǵalar erligimen rýhtanǵan jastar týrnırge qatysýdyń ózin mártebe sanady. Onyń ústine, jeltoqsanshy aǵalary men apalary oıyndy tamashalap, marapatty da sol kisiler óz qoldarymen tabystady. Biz qalalyq  deńgeıde  ótkizýdi joparlaǵan edik. О́tinish bildirýshiler respýblıkanyń túkpir-túkpirinen habarlasa bastady. Nátıjesinde stýdentter arasynda respýblıkalyq týrnır etip ótkizdik. Keıbir kelip úlgermeı qalǵandar jyl saıyn dástúrli túrde ótkizseńizder dep tilek aıtyp jatty», – deıdi uıymdastyrýshy, Halyqaralyq «Janashyr» qorynyń prezıdenti Jańyl Ápetova.

Eki kún boıy jalǵasqan týrnırdiń alǵashqy kúni jigitterimiz 50  kg, 60 kg, 66 kg salmaq dárejesi boıynsha, al ekinshi kúni 73 kg, 81 kg, 90 kg jáne 100 kg-da baq synasty. Osy jarysta ózderin kórsetý úshin dzıýdoshylarmyz, tipten Atyraý, Oral, Taraz, Shymkent, Túrkistan qalalarynan kelgen bolatyn.

«Bul týrnır aldyńǵy qatysqandaryma qaraǵanda óte tartysty boldy dep oılaımyn. Jańa taktıkalardy kórdim ári trener jarys bastalmaı turyp túsindirgen erejeleri baq synasý barysynda maǵan qatty kómektesti. Dál osy jarystyń ereksheliginiń taǵy bir sebebi: táýelsizdigimizdiń qarsańynda ótkizilýi men Jeltoqsan qozǵalysynyń qurbany Erbol Sypataev aǵamyzdyń atynda bolǵany. Rızamyz!» – deıdi týrnır júldegerleriniń bir Ernur Qaldybaı.

Bul týrnırde bas tóreshi bolǵan Ismaılov Arsen jáne moderator Qusman Bahytjan jarystyń ádil túrde ótýin qatty qadaǵalady.

7 salmaq dárejesinde baq synasqan týrnır jeńimpazdaryn marapattaý rásiminde zııaly qaýym ókilderi men Jeltoqsan qatysýshylary óz quttyqtaý sózderin aıtyp, jigitterge rýh berip, jeńimpazdarǵa arnaıy júldeler men syılyqtardy tabystyrdy.

Sportshy stýdentter ózderiniń álsiz emes ekendikterin dáleldep, mundaı jarystardyń kóptep ótýin qalaıtyndyqtaryn bildirtti.

Sporttyq shara Almaty qalasy Qoǵamdyq damý basqarmasynyń tapsyrysy boıynsha halyqaralyq «Janashyr» qoǵamdyq qory júzege asyratyn «Patrıottyq rýh – basty qundylyq» jobasy aıasynda ótti.

Sońǵy jańalyqtar

Qys qysymyn adam kúshi jeńýde

Aımaqtar • Búgin, 16:56

Shyǵys Qazaqstanda jedel shtab quryldy

Aımaqtar • Búgin, 16:18

Tarazda «Antikor ortalygy» ashyldy

Aımaqtar • Búgin, 16:10

Kókshetaýda Abaı ádebı ortalyǵy ashyldy

Rýhanııat • Búgin, 16:05

SpaceX kóktemde ǵaryshqa adam attandyrmaqshy

Tehnologııa • Búgin, 15:31

Tarazdyq turǵyndardyń tilegi kóp

Aımaqtar • Búgin, 15:24

200 teńgelik moneta aınalymǵa shyqty

Qazaqstan • Búgin, 10:39

Qorjynymyz bos qaıtty

Qysqy sport • Búgin, 06:56

Para júzýshiler 43 medal oljalady

Sport • Búgin, 06:54

Uqsas jańalyqtar