Qazaqstan • 19 Jeltoqsan, 2019

IýNESKO-nyń Bas hatshysymen kezdesti

34 retkórsetildi

Qazaqstan Respýblıkasynyń Memlekettik hatshysy Qyrymbek Kósherbaev Parıjde IýNESKO-nyń Bas hatshysy Odre Azýlemen kezdesti dep habarlady Prezıdenttiń baspasóz qyzmeti.

Olar Qazaqstan men IýNESKO arasyndaǵy mádenı-gýmanıtarlyq ózara is-qımyldar jáne aldaǵy ýaqyttaǵy  yntymaqtastyqtyń perspektıvalaryna qatysty kóptegen máseleni talqylady.  

Qyrymbek Kósherbaev IýNESKO jetekshisine ál-Fara­bıdiń 1150 jyldyǵy men Shym­kent qalasynyń 2200 jyldyǵyn IýNESKO-nyń ataýly kúnderi men oqıǵalarynyń halyqaralyq kún­­­tizbesine engizý jónindegi Qa­zaq­­stan bastamasyna qoldaý kór­set­­keni úshin rızashylyq bildirdi.

Sondaı-aq kelesi jyly Qazaq­standa qazaqtyń uly aqyny jáne aǵartýshysy Abaı Qunanbaı­uly­nyń 175 jyldyǵy keń kólemde atap ótiledi. Bul oraıda, 2020 jyly IýNESKO-nyń shtab-páterinde arnaıy mádenı baǵdarlamalar uıymdastyrý usynyldy.

Kezdesýde Búkilálemdik máde­nı muraǵa jatatyn eskertkishterdi qorǵaý boıynsha Qoja Ahmet Iаsaýı­diń kesenesi ornalasqan Túrkis­tan qalasynyń qazirgi zamanǵa saı damý taqyryby qozǵal­dy. Taraptar «Jibek jolynyń Ferǵana-Syrdarııa dáliziniń jelileri» transulttyq nomınasııasyna qatysty jáne taıaý jyldary IýNESKO-nyń búkilálemdik muralar tizimine serııalyq nomınasııalardy engizýge qatysty  ustanymdarymen kelisti.

Kezdesý sońynda Prezıdent Q.Toqaevtyń Qazaqstanǵa shaqyrý qaǵazy IýNESKO Bas hatshysy O.Azýlege tabystaldy. Ol shaqy­rý­dy rızashylyqpen qabyldady.

 

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar