Aımaqtar • 19 Jeltoqsan, 2019

Sybaılas jemqorlyq jarǵa jyǵady

45 retkórsetildi

Qazaqstan Respýblıkasy Sybaılas jemqorlyqqa qarsy is-qımyl Agenttiginiń Jambyl oblysy boıynsha departamenti sybaılas jemqorlyqqa qarsy is-qımyl jáne onyń kez kelgen  kórinisterinen azamattardyń quqyqtaryn qorǵaý baǵytynda jumystar júrgizýde.

Atalǵan departament basshysynyń orynbasary Núrken Islamovtyń aıtýynsha, 2019 jyly Jambyl oblysynyń aýmaǵynda áleýmettik kómek kórsetý salalarynda sybaılas jemqorlyq sıpatynda jasalǵan 5 qylmys tirkelgen. Al 2018 jyly 4 kórsetkish tirkelipti. «Atalǵan salalarda sheneýnikter tarapynan tapsyrylǵan bóten múlikti ıemdenip alý nemese talan-tarajǵa salý, laýazymdyq ókilettikterdi teris paıdalaný, para alý sııaqty qylmystar keńinen taralǵan», deıdi ol.

Atap aıtsaq, departamentpen bıylǵy jyly jedel jolmen Jambyl aýdany, Kólqaınar aýyldyq okrýgi ákimdiginiń laýazymdy tulǵalary ataýly áleýmettik kómek alýǵa muqtaj emes tulǵalarǵa belgili bir syıaqyǵa jalǵan qujat jasaǵan derekteri anyqtalǵan. Paraqorlyq sanatta qozǵalǵan qylmystyq is boıynsha keshendi sot-saraptama taǵaıyndalyp, jan-jaqty tergep-tekserý amaldary júrgizilýde. «Budan basqa, Taraz qalasy ákimdiginiń jumyspen qamtý jáne áleýmettik baǵdarlamalar bóliminiń bas mamany N.Bıjanov ataýly áleýmettik kómekti alyp berý jáne ári qaraı qamqorlyq jasaý maqsatynda azamatsha G.Salıevadan  bir aılyq járdemaqy 103 000 teńge, D.Ahmetovadan bir aılyq járdemaqy 96 000 teńge para alý deregimen quryqtalyp, jan-jaqty tergep-tekserý amaldary júrgizilip, qazirgi tańda negizinen qaraý úshin Taraz qalalyq №2 sotyna joldanǵan. Sonymen qatar, 2018 jyly Sarysý aýdandyq ákimdiginiń jumyspen qamtý jáne áleýmettik baǵdarlamalar bóliminiń bas mamany N.Aıymbetova kóp balaly analarǵa arnalǵan áleýmettik kómek alýǵa kómektesemin dep ári qaraı qamqorshylyq jasaý maqsatynda azamatsha G.Abdýllaeva men G.Abıshevalardan 100 000 teńge para alý deregimen quryqtalǵan, jan-jaqty tergep-tekserý amaldary júrgizilip, Sarysý aýdandyq sotymen N.Aıymbetova kináli dep tanylyp,

2 000 000 teńge aıyppul jazasyna sottaldy. Departamenttiń jedel qyzmetkerlerimen jedel izdestirý is-sharalaryn júrgizý barysynda T.Rysqulov aýdany ákimdiginiń bilim bóliminiń bas mamany, aýdandyq qorǵanshylyq jáne qamqorshylyq keńesiniń hatshysy Sh.Maýtbaev ata-anasynyń qamqorlyǵynsyz qalǵan balaǵa qorǵanshylyq belgileý jáne ony odan ári asyrap alý týraly máseleni oń sheshýge járdem kórsetýge Z.Kadyrovadan 350 000 teńge para alý deregimen quryqtalǵan, jan-jaqty tergep tekserý amaldary júrgizý nátıjesinde sotqa joldanyp, T.Rysqulov aýdandyq sotynyń úkimimen Sh.Maýtbaevqa 3 jyl bas bostandyǵynan aıyrý jazasy taǵaıyndalǵan», deıdi departament basshysynyń orynbasary.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Uqsas jańalyqtar