Prezıdent • 23 Jeltoqsan, 2019

Prezıdent S. Seıfýllın atyndaǵy Qazaq agrotehnıkalyq ýnıversıtetine bardy

18 retkórsetildi

Memleket basshysy oqý ornynyń bilim berý jáne ǵylym-zertteý jumystarymen tanysty, sondaı-aq oqytýshylarmen, stýdenttermen áńgimelesti. Bul týraly Aqordanyń baspasóz qyzmeti habarlady. 

Ýnıversıtet rektory Aqylbek Kúrishbaev Prezıdentke molekýlıarlyq bıologııa men gendik ınjenerııanyń zamanaýı ádisterin paıdalana otyryp shyǵarylǵan aýyl sharýashylyǵy daqyldarynyń jańa sorttaryn kórsetti. 5 jyl ishinde joǵary oqý ornynyń ǵalymdary bıdaı men arpanyń qurǵaqshylyqqa tózimdi jańa sorttaryn shyǵardy.

Qasym-Jomart Toqaevqa bıoorganıkalyq tyńaıtqyshtar óndirý úderisindegi  jańa tehnologııanyń qoldanylýy, veterınarııa júıesiniń sıfrlandyrylýy, janýarlardy esepke alý úderisi jaıynda málimet berildi.

Memleket basshysy jerdi paıdalaný prosesin baqylaýǵa múmkindik beretin ǵaryshtan monıtorıng jasaýdyń jáne jerdi qashyqtyqtan zondtaýdyń zamanaýı ádisterimen tanysty. Atalǵan ádister Aqtóbe jáne Aqmola oblystarynda qoldanylýda. Prezıdent mundaı tájirıbeni ózge óńirlerde de paıdalaný qajet dep sanaıdy.

1

Sonymen qatar, Qasym-Jomart Toqaevqa  ýnıversıtettiń álemdegi jetekshi ǵylym jáne bilim berý ortalyqtarymen baılanystary týraly baıandaldy. Aqylbek Kúrishbaevtyń aıtýynsha, Fransııanyń AgroParisTech ýnıversıtetimen birlese ázirlengen, qos dıplomdyq bilim berý júıesine kóshýge múmkindik beretin jol kartasynyń iske asyrylýy Qazaq agrotehnıkalyq ýnıversıtetiniń halyqaralyq yntymaqtastyǵyndaǵy negizgi baǵyttardyń biri.

Stýdenttermen áńgimelesý barysynda Qazaqstan Prezıdenti ozyq tehnologııalardy qoldanýdyń ózektiligin atap ótti.

sh

– Sizder óte mańyzdy jumyspen aınalysyp jatyrsyzdar. Robot tehnıkasy, sıfrlandyrý jáne jasandy ıntellekt – qazirgi zaman talaby, ásirese,  damyǵan elderde. Sondyqtan bizge artta qalyp qoıýǵa múldem bolmaıdy. Jaqsy oqysańyzdar, sizder de mindetti túrde keleshekte óz oryndaryńyzdy tabasyzdar. О́ıtkeni bizge jeke sektorda da, memlekettik sektorda da bilikti mamandar qajet, – dedi Memleket basshysy.

Stýdentter Prezıdentke qoldaý kórsetkeni jáne 2020 jyldyń qańtarynan bastap shákirtaqy kólemin 25 paıyzǵa arttyrý jónindegi tapsyrmasy úshin alǵys aıtty.

sh

Sońǵy jańalyqtar

Sarbaz qarý-jaraqpen qashyp ketti

Qazaqstan • Búgin, 20:14

Qyzylordada esirtki tárkilendi

Aımaqtar • Búgin, 20:11

Búgingi jańalyqtar (20.02.2020)

Vıdeo • Búgin, 18:45

Ortalyqqa 10 velosıped syılady

Sport • Búgin, 17:35

Abaı murasyna arnalǵan kórme

Rýhanııat • Búgin, 15:41

Elordany kezgen elik ustaldy

Qoǵam • Búgin, 15:40

Jaǵa ustatqan jat qylyq

Aımaqtar • Búgin, 14:29

10 jyl sýbsıdııalanǵan salanyń jyry

Ekonomıka • Búgin, 14:08

Basylym basshylary - Saýytbek ABDRAHMANOV (1951)

Basylym basshylary • Búgin, 12:42

Uqsas jańalyqtar