Saıasat • 24 Jeltoqsan, 2019

Toqaevtyń basty 10 isi

315 retkórsetildi

Eýrazııalyq ıntegrasııa ınstıtýtynda Prezıdent Qasym-Jomart Toqaevtyń 2019 jyldyń qorytyndysy boıynsha atqarǵan «basty 10 isi» baıandamasynyń tusaýkeseri ótti.

Jınaqty jýrnalısterge tanystyrǵan saıasattanýshy Erlan Saırov bıylǵy jyldyń Qazaqstan tarıhyndaǵy mańyzyna toqtala kele, bılik tranzıtiniń óte ózekti másele ekenin atap kórsetti.

«Bıyl Qazaqstan úshin jaýapty kezeń. Alǵash ret bılik tranzıtiniń evolıýsııalyq jolmen ótýine kýá boldyq. Bul –  kún tártibindegi basty jáne jaýapty másele. Prezıdenttik saılaýda halyqtyń basym daýysymen Qasym-Jomart Toqaev jeńiske jetti. Osylaısha, zańdy memleket basshysy ǵana emes, halyqtyń senim mandatyna ıelendi. Qysqa merzim ishinde Q.Toqaev jaqsy isterge uıytqy bola bildi. Prezıdenttiń jarty jyldyq qyzmetin túıindeı kele, eń eleýli 10 istiń tizimin jasadyq», dedi Erlan Saıyrov.

Eýrazııalyq ıntegrasııa ınstıtýty sarapshylarynyń aıtýynsha, Q.Toqaev eń áýeli memlekettik baǵyttyń birizdiligin qamtamasyz etti. Bul – bılik tranzıtiniń basty sharty. Bir jaǵynan, qazirgi memlekettik baǵytty iske asyrýdy jalǵastyrsa, ekinshi jaǵynan, jańa serpin ákeldi. Sondaı-aq bıliktiń sabaqtastyǵyn qamtamasyz etip, qoǵammen dıalogqa, pikir plıýralızmine jáne áralýan kózqarasqa negizdelgen memlekettik damýdyń jańa baǵytyn qalady.

Memleket basshysy atqarǵan kelesi mańyzdy baǵyt – halyqtyń narazylyq kóńil-kúıin aqylǵa qonymdy qadamdar arqyly báseńdetti. Instıtýty sarapshylary Prezıdent Q. Toqaevtyń «kúshke salý» modelinen bas tartyp, halyqtyń qalaýyn oryndaýǵa talpynǵanyn aıtady.

«Jańa ishki saıası paradıgmalar jarııalandy: «ár alýan pikir – birtutas ult», «eldiń qoǵamdyq-saıası ómirin jańǵyrtpaı, tabysty ekonomıkalyq reformalardy iske asyrý múmkin emes», «Kúshti Prezıdent – yqpaldy Parlament – esep beretin Úkimet». Bıliktiń saıası leksıkony ózgerdi, oǵan «balamalyq», «plıýralızm», «birtindep saıası transformasııalaý» sııaqty uǵymdar endi. Memleket ınternetti buǵattaý, mıtıngterdi kúshpen taratý tájirıbesinen bas tartyp, qalalarda sanksııalanǵan mıtıngter ótkizildi», dedi E.Saırov.

Sondaı-aq Memleket basshysy jańa saıası standarttar belgiledi. «Halyq únine qulaq asatyn memleket» qaǵıdaty jarııalandy. Bıýrokratııalyq kedergiler joıylyp keledi, azamattardyń ýákiletti organdarǵa tikeleı suraq qoıý jáne olardy tolǵandyratyn problemalardyń barlyq aspektileri boıynsha jyldam jaýap alý múmkindigi jolǵa qoıyldy.

Prezıdent Toqaev árqashan ózekti oqıǵalardyń ortasynda boldy. Áleýmettik jelilerdiń belsendi qoldanýshysy retinde Memleket basshysy elimizdegi ózekti oqıǵalarǵa jedel baǵa berdi. Sonymen qatar rezonanstyq isterge qatysty pikirin bildirip otyrdy.

Instıtýt sarapshylarynyń paıymdaýynsha, Q.Toqaevtyń atqarǵan isteriniń taǵy bir parasy – azamattardyń quqyǵyn qoraýdy kúsheıtti. Máselen, Halyqqa Joldaýynda esirtkiniń zańsyz aınalymy, zorlaý, adam saýdasy, brakonerlik sekildi qylmystar úshin jazany qatańdatýdy talap etti. El Prezıdentiniń talaby boıynsha Májiliste osy baǵytta birqatar mańyzdy túzetý qabyldandy.

Sondaı-aq eń eleýli 10 istiń tizimine memlekettik apparattyń basqarylýyn saqtap qalý, Qazaqstannyń halyqaralyq arenadaǵy abyroıyn odan ári nyǵaıta túsý, memleketke senimdi arttyrý, ulttyq dıalog qalyptastyrý sekildi óte ózekti qadamdar engen.

Budan bólek, Memleket basshysy halyqtyń jekelegen toptarynyń, jalpy qoǵamnyń áleýmettik kóńil-kúıin arttyrýǵa baǵyttalǵan irgeli bastamalarǵa uıytqy boldy. Máselen, nesıelik raqymshylyq jasalyp, stýdenttik shákirtaqy, bıýdjettegiler – pedagogtar, azamattyq qorǵaý organdary men quqyq qorǵaý salasy qyzmetkerleriniń eńbekaqysy artady.

Sarapshylardyń sózine qaraǵanda, halyqtyń basym kópshiliginiń ıgiligi men múddesi úshin qabyldanǵa mundaı sheshimder Prezıdent Q.Toqaev baǵdaryna halyqtyq senimin nyǵaıtady.

Sonymen qatar Prezıdent Ulttyq ıdeologııanyń jańa tásilderin qalyptastyra bildi. Atap aıtqanda, kelesi jyly ál-Farabıdiń – 1150 jyldyǵy, Abaıdyń – 175 jyldyǵy jáne Altyn Ordanyń 750 jyldyǵy memlekettik deńgeıde ótedi. Semeı qalasynyń áýejaıy Abaı qurmetine ataldy, al Atyraý áýe aılaǵyna Hıýaz Dospanovanyń esimi berilmek. Atamekenge oralǵan otandastarǵa qatysty Memleket basshysy «qandas» termınin qoldanýdy usyndy.

Qoryta aıtqanda, elimizdiń damý traektorııasy mańyzdy tarıhı kezeńdi bastan ótkerip jatyr. Bul turǵydan alǵanda Prezıdent Q. Toqaevtyń el úshin etken eńbegi kóńilge senim uıalatady.

Sońǵy jańalyqtar

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Túrki murasyn túgendegen eńbek

Tanym • Búgin, 07:41

Ormandy saqtaýǵa baǵyttaldy

Ekologııa • Búgin, 07:36

Qoryqshylarǵa qos kater tartý etildi

Aımaqtar • Búgin, 07:35

Kıiktiń kıesi jibermeıdi

Qoǵam • Búgin, 07:30

Amal – aýyzbirshilik merekesi

Rýhanııat • Búgin, 07:26

«Admıraldan» basym tústi

Hokkeı • Búgin, 07:20

Uqsas jańalyqtar