Aımaqtar • 31 Jeltoqsan, 2019

Aqmola oblysynda aýyl sharýashylyǵy salasy qarqyndy damýda

18 retkórsetildi

Memleket basshysy Qasym-Jomart Toqaev óziniń Qazaqstan halqyna Joldaýynda «El ishinde ǵana emes, shetelde de suranysqa ıe organıkalyq jáne ekologııalyq taza ónim óndirý úshin zor múmkindikter bar» deı kele, aýyl sharýashylyǵy óniminiń kólemin 4,5 ese arttyrýdy mindettegen bolatyn. Aqmola óńiri atalmysh baǵytta aýqymdy jumystar atqarýda.

Aqmolalyq dıqandar kóktemde 4 mıllıon 300 myń gektar egistik alqabyna dándi-daqyldar tuqymyn sińirdi. Aýa raıynyń qolaısyzdyǵyna qaramastan agrotehnıkalyq sharalardy utymdy paıdalanýdyń  arqasynda 5 mıllıon tonnadan astam altyn astyq qambaǵa quıyldy. Gektar berekesi 11,7 sentnerden aınaldy. 250 myń gektarǵa jýyq alqaptan 170 myń tonna maıly daqyldar jınaldy.

–Bıylǵy jyldyń negizgi kórsetkishteri táýir.  Qambaǵa 5 mıllıon 1 myń tonna astyq jınaldy. Aýyl sharýashylyǵy taýar óndirýshilerimen de keshendi is-sharalar atqaryldy. Ásirese agrotehnıkalyq sharalar: dán sińirý, ylǵal jabý, tyńaıtý máseleleri der kezinde nazarǵa alynyp, bul baǵytta júıeli túrde jumys júrgizildi, deıdi oblystyq aýyl sharýashylyǵy basqarmasy basshysynyń orynbasary Qasym Itqusov. 

Prezıdent Joldaýynda aıtylǵan aýyl sharýashylyǵy ónimin eksporttaý isinde de Aqmola óńiri aıtarlyqtaı tabystarǵa jetip otyr. Aımaqtaǵy mal sharýashylyǵy da birtindep damyp keledi. Oblystaǵy iri qara 439 myń, jylqy 190, shoshqa 104 myńnan asyp jyǵylady. Bıylǵy jyly 80 myń tona astam et óndirildi. Basym bóligi qus eti. О́ńdelgen sút kólemi 370 myń tonnaǵa jýyqtaıdy. Et ónimderin óńdeıtin 15 iri kásiporyn bar. Aǵymdaǵy jyldyń 11 aıynda jalpy somasy 84,4 mıllard teńgeden astam azyq-túlik ónimderi daıyndaldy.  

–Aımaqtaǵy iri qara maldyń uzyn sany ótken jylǵy kórsetkishten 4 prosent joǵary. Onyń 29 prosenti et baǵytynda. 80 myń tonna et óndirilgen. Basym bóligi qus eti. Bul byltyrǵy kórsetkishten 37 prosentke kóbeıdi. О́ńdelgen sút 370 myń tonna. Bul oraıda da ósim bar, deıdi oblystyq aýyl sharýashylyǵy basqarmasynyń bólim basshysy Qaırat Kóshenov.  

Agrarly-ındýstrııaly aımaq sanalatyn Aqmola oblysy Memleket basshysy qoıǵan mindettemelerdi júzege asyrýda utymdy jobalardy júzege asyryp, óńir ekonomıkasyn arttyrýda.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar