Rýhanııat • 01 Qańtar, 2020

Kitaptaǵy kúnshýaq

76 retkórsetildi

Áýejaıda ýaqyt qysqartpaq bolyp, ózimen birge ala shyqqan bir qyzyq kitaptyń betin ashqany sol edi, kenet jarnama agenttiginiń bir qyzmetkeri janyna kelip: «Sálamatsyz ba, – dedi ony kópten tanıtyn kisi sııaqty kúlimsirep. – Keshirińiz, siz jıi ushasyz ba? Olaı bolsa, biz osyndaǵy restorandarǵa, kafelerge, sondaı-aq, ártúrli aqyly qyzmetterge jıyrma paıyzǵa deıin jeńildik jasaı alamyz».

«Rahmet, – dedi ol oıy bólinip, kóńiline kirbiń túskenin sezdirgendeı salqyn qabaq tanytyp. – Bilemin».

«Tyńdańyzshy, bul sizge...».

«Jo-joq. Qajet emes».

Jarnama agentiniń júzindegi jyly shýaq bultqa jasyrynǵan kún sekildi lezde kúńgirt tartty da jar­namaǵa erip, áp-sátte tutynýshyǵa aı­nala salmaǵan janǵa ókpelegendeı jalt burylyp ketti.

Ol kitapqa qaıta úńilip, ondaǵy qyzyq oqıǵa jelisine endi-endi ene bastaǵanda naq tóbesinen tóne qaraǵan taǵy bir kisiniń: «Áı, baýyrym, qaıda baryp temeki tartyp alsaq bolady eken, a?!» degen daýsy jetti qulaǵyna.

«Tú-ýh!» dedi ishteı keıip. «Bil­meımin».

Arada jáne birneshe mınýt ótken­de etjeńdileý kelgen bir apaı aıaǵyn balpań-balpań basyp bara ja­typ ushaqqa otyrǵyzý dáliziniń qaı­­da ekenin surady. Odan keıin qolyn­da sábıi bar jas kelinshekke «Ana men bala» bólmesiniń qaıda ekenin kórsetip, jón siltep jiberýge týra keldi.

Ol tipti, qolyndaǵy kitaptyń kelesi betin ashyp ta úlgergen joq. О́ıt­keni qasyndaǵy oryndyqta otyr­ǵan tórtpaq deneli, qarasur kisi qol júkterin qaraı turýyn ótinip, ájet­hanaǵa qaraı bettedi.

Osy sátte: «Iаpyr-aý, osy jurt meni nege mazalaı beredi? – degen oı keldi oǵan. – Basqalardan surasa bolmaı ma?».

Kitaptan basyn kóterip, jan-jaǵy­na qarap edi, qaz-qatar tizilgen oryn­dyqta otyrǵan jolaýshylardyń barlyǵy derlik qalta telefondaryna úńilip, qybyr etpeı qalypty.

Kenet ol óziniń kópten bólinip, bóten soqpaqqa túsip ketkenin túsindi. Rasynda da búgingi el bir-birimen ınternet arqyly jalǵasyp, ınternet arqyly tanysyp, oı bólisip, jumys istep jatqanda, olardyń qataryndaǵy jaı ǵana kitap oqyp otyrǵan kisi ne isterin bilmeı, erigip otyrǵan bireý bolyp kórinbeı me!..

Tap osy sátte áýejaıdaǵy habarlandyrý bıýrosy olar bılet al­ǵan ushaqqa otyrǵyzý segizinshi dálizde bastalǵanyn habarlady. Bir qy­zyǵy, ol qolyndaǵy kitaptyń betin jaýyp, ornynan turýy muń eken, kóńil kúıine kirbiń uıalatqan álgi bir jaǵymsyz oı sol jerde tógilip qal­ǵandaı boıy-basy jeńildep, erkin tynys aldy.

Áne, sol kezde baryp onyń ishki dúnıesinde: «Bálkim, kitap oqyp otyrǵan kisi ózgelerge qaraǵanda áldeqaıda qaıyrymdy, júreginiń jylýy bar, ıi jumsaq jan bolyp kórinetin shyǵar,» degen oı shýaq shashty.

 

Sońǵy jańalyqtar

Qyzylorda: Kásipkerler jaýapqa tartyldy

Aımaqtar • Búgin, 16:31

Jambyldyq eriktiler jarap tur

Aımaqtar • Búgin, 16:30

Avtovolonterler azyq-túlik jetkizýde

Qazaqstan • Búgin, 16:19

Sóz qasıeti – em qasıeti

Qoǵam • Búgin, 16:11

Ustalyq – kıeli kásip

Qazaqstan • Búgin, 16:05

Qarataýdy ańsaǵan qyran

Tanym • Búgin, 15:54

Áýlıeaǵash týraly áńgime

Tanym • Búgin, 15:38

Aqmola oblysynda karantın

Aımaqtar • Búgin, 15:22

Armannyń azamattyǵy

Aımaqtar • Búgin, 15:13

Jetisýda jetinshi adam indet juqtyrdy

Aımaqtar • Búgin, 15:08

Aınurdyń ádemi álemi

Rýhanııat • Búgin, 14:13

Atyraýda 700-ge jýyq ekspress-test bar

Aımaqtar • Búgin, 14:07

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Sý tasqynyna qarsy áreketter bastaldy

Aımaqtar • Búgin, 13:00

Juqpaly aýrýlar jaıly jaýhar fılmder

Rýhanııat • Búgin, 12:50

Uqsas jańalyqtar