Parlament • 06 Qańtar, 2020

Dáýren Ádilbekov jańa úlgidegi aýdandardyń jumysymen tanysty

29 retkórsetildi

Parlament Senatynyń depýtaty Dáýren Ádilbekov «Azamattarǵa arnalǵan úkimet» memlekettik korporasııasy» KEAQ-nyń, Aqmola oblysynyń jumyspen qamtýdy jáne áleýmettik baǵdarlamalardy úılestirý, bilim basqarmalarynyń, Kókshetaý qalalyq halyqty jumyspen qamtý ortalyǵy men bóliminiń ókilderimen birge dóńgelek ústel otyrysyna qatysty. Bul týraly Parlament Senatynyń baspasóz qyzmeti habarlady.

Otyrysta áleýmettik kómek taǵaıyndaý, áleýmettik dárigerlik saqtandyrý júıesine azamattardy kiriktirý, az qamtylǵan otbasylardaǵy balalardy áleýmettik kómek toptamasymen qamtamasyz etýdiń negizgi máseleleri qaraldy.

О́tken jyly Aqmola oblysynda 9 myńnan astam otbasy ataýly áleýmettik kómek alǵan bolatyn. Bıyl kóp balaly otbasylarǵa arnaıy memlekettik járdemaqylar taǵaıyndalǵanyn esepke ala otyryp, ataýly kómekti alýshylar sany eki ese qysqaratyny jáne 4,5 myńǵa jýyq otbasyn quraıtyny boljanyp otyr. Aýdandarda jańa sıpattaǵy jumysqa daıyndyq úshin keńester men praktıkalyq semınarlar ótkizilip, azamattardyń máselelerin sheshý úshin Ashyq esik kúnderin ótkizý tájirıbesi júzege asýda.

Jumyspen qamtýdy úılestirý basqarmasynyń basshysy Dına Ahmetjanova atap ótkendeı, áleýmettik medısınalyq saqtandyrý júıesine azamattardy engizý jónindegi jumys is júzinde aıaqtaldy, 6 jasqa deıingi balalardy kepildi áleýmettik paketter aıasynda azyq-túlikpen qamtamasyz etý úshin «Esil» áleýmettik-kásipkerlik korporasııasymen yntymaqtastyq jolǵa qoıylǵan. Sondaı-aq bilim basqarmasynyń jelisi boıynsha oqýshylardy kıim-keshekpen, keńse qural-jabdyqtarymen jáne ystyq tamaqpen qamtamasyz etý uıymdastyrylady.

Dóńgelek ústelde sondaı-aq memlekettik qyzmetkerler men bıýdjettik uıymdar qyzmetkerleriniń jalaqysyn arttyrý qajettigi, qazynashylyqty tehnıkalyq jańǵyrtý máseleleri kóterildi.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar