Aımaqtar • 07 Qańtar, 2020

SQO polısııasy jyldy qorytyndylady

93 retkórsetildi

Byltyr Soltústik Qazaqstanda barlyǵy 6381 qylmys tirkelipti, bul 2018  jylmen salystyrǵanda jeti paıyzǵa tómen. Sonyń ishinde kisi óltirý, denege aýyr jaraqat salý, tonaý sııaqty aýyr qylmystar azaıǵan. Bul týraly SQO Polısııa departamentiniń byltyrǵy jumysyn qorytyndylaǵan keńeste departament bastyǵynyń birinshi orynbasary polısııa polkovnıgi Dýman Taev atap óttti.

Osy faktilerdi ataı kelip ol otbasylyq-turmystyq qylmystyń aldyn alýǵa aıryqsha nazar aýdardy. Byltyr osy baǵyttaǵy qylmysy úshin 1921 adam ákimshilik jaýapkershilikke tartylǵan. Sonyń ishinde 442adam qamalǵan. Qylmystyq jazasyn óteý oryndarynan shartty merzimmen bosatylǵandar arasynan qylmys jasaýshylar da azaımaı otyrǵan kórinedi. Sonyń ishinde 41 adam  jazasyn óteý oryndaryna qaıtarylǵan.

Jedel qyzmetter salasy boıynsha baıandaǵan polkovnık Rýslan Nazarov alaıaqtyq qylmystyq arta túskenin tilge tıek etti. Sonyń jartysy, atap aıtqanda 230-y Internet arqyly jasalǵan alaıaqtyq bolyp otyr. Japa shegýshilerdiń negizgi bóligi 18 ben 35 jastar arasyndaǵy jastar. Olar onlaın-kredıtter nemese búkilálemdik shyrmaýyq arqyly satyp alýlar jasaý kezinde japa shekken. Byltyr barlyǵy 74 mıkrokredıt resimdegen oblys turǵyndary aldanyp qalǵan.

Sybaılas jemqorlyq boıynsha qylmys túrleri azaıa túskendigi belgili boldy. Bul iste aldyn alý sharalary óziniń jemisin berdi dedi osy salanyń basshysy podpolkovnık Arman Atanovóziniń sózinde.

Keńes barysynda esirtki men esirtkige qarsy kúreste belsendilik kórsetken úzdik ardagerlik uıymdar marapattaldy.

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar