Parlament • 10 Qańtar, 2020

Senator Talǵar aýdanynda birqatar kezdesý ótkizdi

27 retkórsetildi

Senat depýtaty Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkov aımaqtarǵa sapar aıasynda Talǵar aýdanynda birqatar kezdesý ótkizdi. Bul týraly Parlament Senatynyń baspasóz qyzmeti habarlady.

Aýdan ákimi Jolan Omarovpen jáne «Qazavtojol» ókilderimen kezdesý barysynda respýblıkalyq mańyzy bar Almaty-Talǵar-Evgenevka avtomobıl jolyn jańartý jáne keńeıtý máselesi boıynsha depýtattyq saýaldyń oryndalý qorytyndysy qaraldy.

Polısııa basqarmasynyń jeke quramynyń qatysýymen ótken semınar - keńeste senator quqyq qorǵaý organdary júıesinde júrgizilip jatqan jańa reformalar týraly aıtyp, IIM reformasyna úsh jyl ishinde 1,73 mlrd.teńge bólinetinin habarlady. Sharaǵa qatysýshylar quqyq qorǵaý júıesin odan ári reformalaýǵa qatysty basqa da birqatar máselelerdi talqylady. Kezdesý barysynda kadrlardyń, ásirese ýchaskelik polısııa ınspektorlarynyń jetispeýshiligi sııaqty problemalyq máseleler kóterildi. Osyǵan baılanysty halyq sanyn eskere otyryp, shtat sanyn qysqartýdyń ońtaıly júıesin pysyqtaý qajettigi, sondaı-aq polısııa ǵımaratynyń qanaǵattanǵysyz jaǵdaıyna nazar aýdarý kerektigi aıtyldy.

Sol kúni ortalyq aýdandyq aýrýhananyń dárigerlerimen de kezdesý boldy. Senator aýrýhanadaǵy ózekti máselelerimen tanysty. Jedel járdem brıgadalarynyń 2 jáne odan da kóp saǵatqa deıin keshigýine baılanysty turǵyndardyń shaǵymdaryn eskere otyryp, ákimshilik jedel járdem qyzmetin aýdandyq aýrýhananyń qaramaǵyna qaıtarý máselesin qarastyrýdy ótindi. Sondaı-aq ortalyq aýrýhananyń materıaldyq-tehnıkalyq jabdyqtalýyna qatysty jaǵdaılar, onyń ishinde mundaǵy park 4 jyldan beri jańartylmaǵany aıtyldy. Mindetti áleýmettik medısınalyq saqtandyrý júıesin engizý máselesi, onyń ishinde turǵyndar arasynda habardar etý jumystarynyń jetkiliksizdigi qozǵaldy. Kezdesýde sondaı-aq Qazaqstan Respýblıkasynyń Densaýlyq saqtaý salasyn damytýdyń 2020-2025 jyldarǵa arnalǵan jańa memlekettik baǵdarlamasy talqylandy, dárigerlerdiń pikirinshe, bul salada kóptegen máseleler bar.

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar