Úkimet • 10 Qańtar, 2020

E.Áýkenov Pavlodar oblysynyń turǵyndarymen kezdesti

113 retkórsetildi

Eńbek jáne halyqty áleýmettik qorǵaý vıse-mınıstri Erlan Áýkenov Pavlodar oblysyna jumys sapary barysynda óńir turǵyndaryna ataýly áleýmettik kómek (budan ári – AÁK) taǵaıyndaýdyń jańa tetikterin, «Eńbek» memlekettik baǵdarlamasyndaǵy jańashyldyqtardy túsindirdi, tabysy az otbasylardyń balalaryna arnalǵan kepildik berilgen áleýmettik toptamanyń tusaýkeserin ótkizdi jáne AÁK kórsetý máseleleri boıynsha óńirdiń qalalary men aýdandary ákimdikteriniń qyzmetkerlerimen selektorlyq keńes ótkizdi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Pavlodar oblysyna kelgennen keıin Erlan Áýkenov aldymen aýdannyń jumyspen qamtý jáne áleýmettik baǵdarlamalar bólimi men aýdandyq Halyqty jumyspen qamtý ortalyǵynda boldy, onda AÁK taǵaıyndaý úshin qujattaryn qabyldaý, Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasyn iske asyrý, sondaı-aq ardagerlermen jáne múgedektermen júrgizilip jatqan jumystarmen tanysty.

Joǵaryda atalǵan nysandardy aralaý barysynda vıse-mınıstr ataýly áleýmettik kómek alýǵa ótinish bildirgen azamattarǵa jańa tásilderge sáıkes qalaı kórsetiletinin túsindirdi.

«Biz buryn qoldanysta bolǵan shekti ólshemdi saqtadyq, oǵan sáıkes áleýmettik kómek taǵaıyndaý úshin otbasynyń árbir múshesine jan basyna shaqqandaǵy ortasha tabysy eń tómengi kúnkóris deńgeıiniń 70% - nan kem bolýy tıis. Otbasynyń barlyq músheleri úshin AÁK mólsheri jan basyna shaqqandaǵy tabys pen kedeılik sheginiń arasyndaǵy aıyrmashylyq retinde aıqyndalatyn bolady. AÁK ashyqtyǵyn qamtamasyz etý úshin toqsan saıyn taǵaıyndalady, al otbasynyń materıaldyq jaǵdaıyna tekserý júrgizý merzimi 3 kúnnen 7 kúnge deıin ulǵaıtylady, bul proseste ýchaskelik komıssııalardyń róli kúsheıtiledi» dedi Áýkenov.

Ol sondaı-aq aýyl turǵyndaryna AÁK alatyn tabysy az otbasylardyń balalaryna usynylatyn kepildik berilgen áleýmettik toptamany (budan ári-KBÁT) tanystyrdy. Vıse-mınıstr KBÁT-ǵa kiretin turmystyq hımııa ónimderi men taýarlarynyń sany men kólemin kórneki túrde kórsetip, onyń quramy Densaýlyq saqtaý mınıstrliginiń usynysy boıynsha qalyptastyrylǵanyn, ol balalardyń jas erekshelikterine baılanysty: 1-den 3 jasqa deıin jáne 3-ten 6 jasqa deıin erekshelenetinin atap ótti.

6 jastan 18 jasqa deıingi balalarǵa mektepterde ystyq tamaqpen, oqý quraldarymen jáne mektep kıimimen qamtamasyz etiledi, sondaı-aq olarǵa mektepke deıingi jol júrý shyǵyndary óteledi. Medısınalyq, onyń ishinde stomatologııalyq kómek 18 jasqa deıingi balalarǵa tegin medısınalyq kómektiń kepildik berilgen kólemi jáne mindetti áleýmettik medısınalyq saqtandyrý sheńberinde kórsetiletin bolady.

Erlan Áýkenov, sondaı-aq, Qazaqstanda kópbalaly otbasylardy qoldaý maqsatynda 2020 jylǵy 1 qańtardan bastap 4 jáne odan da kóp kámeletke tolmaǵan nemese 23 jasqa deıingi kúndizgi oqý bóliminde oqıtyn stýdent balalary bar otbasylarǵa jańa memlekettik járdemaqy engizilgenin atap ótti. Bul memlekettik járdemaqy otbasynyń tabysyna qaramastan tólenedi. Osy aıda ony jalpy somasy 17,7 mlrd teńgege 367 myń otbasy aldy.

Sonymen qatar vıse-mınıstr «Eńbek» memlekettik baǵdarlamasynyń jetildirilgen tetikterin egjeı-tegjeıli túsindirdi.

«Kópbalaly jáne tabysy az otbasy múshelerin kásipkerlikke tartý úshin olarǵa mıkrokredıtter jyldyq 4% - dan aspaıtyn paıyzdyq mólsherlememen 7 jylǵa deıingi merzimge jeńildikti sharttarmen beriletin bolady. Budan basqa, halyqtyń barlyq sanattary úshin memlekettik granttardyń biryńǵaı mólsheri – 200 AEK belgilengen. Sonymen qatar kópbalaly jáne tabysy az otbasy músheleri aldyn ala oqýsyz grant alýǵa quqyly» dedi ol.

Oblystyq ákimdikte vıse-mınıstr óńirdiń qalalary men aýdandarymen jańa formattaǵy AÁK taǵaıyndaý jáne tabysy az otbasylardyń balalaryna kepildik berilgen áleýmettik toptamalarmen qamtamasyz etý máseleleri boıynsha selektorlyq semınar-keńes ótkizdi. Erlan Áýkenov, sondaı-aq ataýly áleýmettik kómek taǵaıyndaýǵa úmitker otbasylardyń materıaldyq jaǵdaıyna tekserý júrgizý kezinde ýchaskelik komıssııalardyń jumysyn qalaı qurý kerektigin egjeı-tegjeıli aıtyp berdi.

Jumys sapary barysynda Áýkenov «bir tereze» qaǵıdaty boıynsha ártúrli memlekettik qyzmetterdi usynatyn «Open Pavlodar» front-keńsesiniń jumysymen tanysty.

Esterińizge sala keteıik, keshe vıse-mınıstr ShQO-da qujattardy qabyldaý barysymen tanysyp, óńir turǵyndaryna AÁK kórsetýdiń jańa tetikterin túsindirdi.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar