Aımaqtar • 12 Qańtar, 2020

Qyzylorda: El tilegi eskerýsiz qalmaıdy

14 retkórsetildi

Qyzylorda oblysynyń ákimi Qýanyshbek Ysqaqov Qazaly aýdanyna jasaǵan sapary kezinde Qaraqum men Qyzyldyń qııasyndaǵy 15 eldi mekendi aralap, halyqtyń ótinish-tilekterin tyńdady, suraqtaryna jaýap berdi. Kóptegen máselelerdiń sheshimi tabylatyn boldy. Bul týraly Qazaly aýdany ákimdiginiń baspasóz qyzmeti habarlady.

Sarykól aýyldyq okrýgi quramyndaǵy Abaı aýylynyń turǵyndaryn tolǵandyratyn máselelerdiń biri dárigerlik ambýlatorııanyń qysqarýy men aýyl mańyndaǵy «Aqsaı» arnasyna tospa salý bolyp otyr. Aımaq basshysy aýyl turǵyndaryna dárigerlik ambýlatorııa jabylmaıtynyn, tek halyq sanynyń jetispeýine baılanysty feldsherlik-akýsherlik pýnkt bolyp ózgeretinin túsindirdi. Ataýy ózgergenimen halyqqa burynǵysha dárigerlik kómek kórsetile beredi. Al, «Aqsaı» arnasyna tospa salý úshin Qazaly aýdanynyń ákimdigi tıisti jumystar jasap jatqanyn jetkizdi. Aldymen bul jerlerdiń ıesi bar-joǵy anyqtalyp, aýdannyń kommýnaldyq menshigine alynady. Munan soń tıisti basqarmaǵa tospa salý úshin usynys beriledi.

Áıteke bı kentine jaqyn ornalasqan Q.Pirimov aýylynda 5 jasqa deıingi 125 bala bar. Onyń 50-i ǵana № 92 mektep janyndaǵy shaǵyn ortalyqta tárbıelenýde. Sondyqtan Qumjıek aýyldyq okrýgine balabaqsha salý qajettigi týyndap otyr. Sondaı-aq, turǵyndar aýylǵa gaz jelisin tartý máselesin de kóterdi.

Aýdan ortalyǵynan 110 shaqyrym qashyqtyqtaǵy Sháken aýyly turǵyndary kópten beri kúrmeýi sheshilmeı kelgen jol, uıaly baılanys, ınternet jáne taza aýyz sý sııaqty máselelerdi usyndy. Oblys ákimi osy aýyldyq okrýgke qarasty Shıli eldi mekeninde de bolyp, turǵyndardyń jaı-kúıimen tanysty.  

a

«Batys Eýropa – Batys Qytaı» halyqaralyq avtojolynyń boıynda ornalasqan Aqsýat aýylynda byltyr saıabaq salynyp, balabaqsha qurylysy bastaldy, kósheler jóndeldi. Endi Maılybas aýyldyq okrýginiń ortalyǵyna gaz jelisin tartyp, aýylǵa klýb salynsa degen usynys aıtty. Al, okrýgke qarasty Baıqoja eldi mekeniniń turǵyndary osyndaǵy toptyq sý júıesin jańǵyrtý qajettigin kóterdi.

Aımaq basshysy Baıqoja toptyq sý júıesin qaıta jańǵyrtý úshin joba-smetalyq qujattary daıyn ekendigin, ony saraptamadan ótkizý úshin oblystyq bıýdjetten tıisti qarjy bólingenin jetkizdi. Al, klýb pen balabaqsha salý, gaz jelisin tartý jergilikti kásipkerlermen birlesip memlekettik-jekeshelik áriptestik negizinde qarastyrylady.

 

Qyzylorda oblysy

 

 

 

Sońǵy jańalyqtar

Aqtóbede dinı ahýal turaqty ma?

Aımaqtar • Búgin, 17:48

Mańyzdy maqsattarǵa basymdyq beriledi

Qazaqstan • Búgin, 16:46

Maqsat – jol sapasyn jaqsartý

Úkimet • Búgin, 11:45

Qoltańba

Aımaqtar • Búgin, 09:42

Jalpy otyrystyń kún tártibi naqtylandy

Parlament • Búgin, 08:42

Dárigerlerdi qoldaýǵa shaqyrdy

Qoǵam • Búgin, 08:36

Básekege qabilettilikti arttyrý mańyzdy

Parlament • Búgin, 08:28

Shekarashylar aldanbady

Qoǵam • Búgin, 08:22

Lısenzııasynan aıyrdy

Qoǵam • Búgin, 08:20

О́nerlige óris keń

Aımaqtar • Búgin, 08:16

Synaqtan saǵy synbaǵan

Aımaqtar • Búgin, 08:11

Býllıng qurbany – jasóspirimder

Qoǵam • Búgin, 08:10

Birneshe sıfrly joba iske qosyldy

Aımaqtar • Búgin, 08:08

Ýaqyty kelgen ıgilik

Tehnologııa • Búgin, 08:05

Sálemde bereke bar

Rýhanııat • Búgin, 08:03

Mysty qalada myltyq nege atyldy?

Aımaqtar • Búgin, 08:02

Uqsas jańalyqtar