Prezıdent • 12 Qańtar, 2020

Iran bıliginiń áýe apaty úshin kinásin moıyndaýy - mańyzdy sheshim - Prezıdent

61 retkórsetildi

Memleket basshysy Qasym-Jomart Toqaev óziniń twitter-paraqshasynda Iran bıliginiń áýe apaty úshin óz kinásin moıyndaýy mańyzdy sheshim bolǵanyn jazdy. 

«Iran bıliginiń birqatar memleket azamattarynyń ómirin qıǵan áýe apaty úshin óz kinásin moıyndaýy - mańyzdy sheshim boldy. Beıbit azamattardy da qurban qylatyn shıelenisti báseńdetý úshin, qalyptasyp otyrǵan jaǵdaıda barlyq taraptar ustamdylyq tanytýy kerek» dep jazdy Prezıdent.

Eske sala ketsek, buǵan deıin Iranda 180 jolaýshysy bar Ýkraına ushaǵy qulaǵany týraly málim boldy. Artynan Qazaqstannyń Syrtqy ister mınıstrligi ushaqta Qazaqstan azamattarynyń joq ekenin habarlady. Tegeranda qulaǵan Ýkraına ushaǵyndaǵy jolaýshylardyń barlyǵy mert bolǵany anyqtaldy. Kanada Premer-Mınıstri Iran jolaýshylar laınerin abaısyzda atyp jiberý múmkin degen boljamyn jarııalady. Al keshe Iran Qarýly Kúshteriniń Bas shtaby Tegeran mańynda qulaǵan ushaqty Irannyń Áýe qorǵanys kúshteri qyzmeti zymyranmen baıqaýsyzda atyp túsirgenin málimdedi. Iran Prezıdenti Hasan Roýhanı Ýkraına ushaǵynyń qulaýyna kináliler qylmystyq jaýapqa tartylatynyn aıtty.

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar