Qoǵam • 13 Qańtar, 2020

Múgedekterdi qoldaýdyń jańa tásilderi

16 retkórsetildi

Eńbek jáne halyqty áleýmettik qorǵaý vıse-mınıstri Erlan Áýkenov Shyǵys Qazaqstan oblysyna jumys sapary barysynda jergilikti turǵyndarmen birqatar kezdesý jáne memlekettik organdardyń qyzmetkerlerimen keńes ótkizdi.

Jıyn barysynda ataýly áleýmettik kómek kórsetýdiń jańa tetikterin egjeı-tegjeıli túsindirip, múgedekterge arnal­ǵan áleýmettik qyzmetter portalyn engizýdiń artyqshylyqtary týraly aıtty.

Vıse-mınıstr Ulan aýdany­nyń Halyqty jumyspen qamtý ortalyǵynda AÁK taǵaıyndaýǵa ótinish bildirgen azamattardan qujattardy qabyldaý barysymen, jergilikti atqarýshy or­­gan­dardyń tabysy az otba­sy­lardyń balalaryna kepil­dik berilgen áleýmettik toptamamen qamtamasyz etýge daıyn­dy­ǵymen tanysty. Sonymen qatar jergilikti HQO-da boldy.

О́skemen qalasynda mem­lekettik organdar ókilderiniń, oblystyń múgedekter qoǵam­dyq birlestikteriniń jáne múge­dektigi bar adamdardyń qaty­sýy­men dóńgelek ústel ótkiz­di. Vıse-mınıstr is-sharaǵa qatysý­shylardy múgedekter kóteretin máseleler jáne ony sheshý bo­ıynsha qabyldanyp jatqan sharalar týraly habardar etti.

«Jeke kómekshilerdiń qyz­met­terin usynatyn ÚEU-ǵa kóp­tegen shaǵym kelip túse­di. Atap aıtqanda, olardyń qyz­meti ashyq emes, ákimshilik shy­ǵyn­darǵa qarajattyń 10%-yn ustap qalady, qyzmetterge ýaqtyly tólemeý, jumys istegen ýaqyt sanyn durys baǵalamaý jáne t.b.», dedi ol.

E.Áýkenovtiń aıtýynsha, múge­dekter belgilegen másele­lerdi sheshý úshin 2015 jylǵy 22 qańtardaǵy qoldanystaǵy buıryqqa jeke kómekshilerdiń qyzmet kórsetýin retteıtin, jeke kómekshilerdiń qyzmet kórsetýleri boıynsha eń kóp saǵat kólemin aıyna 176 saǵattan asyrmaı belgileý; ÚEU-ny ákimshilik shyǵyndarǵa 5%-dan asyrmaı ustap qalýdy boljaıtyn normalardy engizý; qyzmet kórsetýdiń biryńǵaı standarttaryn jáne jeke kómek­shilerge qoıylatyn talaptardy anyqtaý bóliginde ózgerister engiziletin bolady. Bul rette, múgedektigi bar adamdardyń eskertýlerin es­kere otyryp, buıryq jobasy­nan jaqyn týystaryna jeke kómek­shiler qyzmetin kórsetýge tyıym salatyn norma alynyp tastaldy.

Vıse-mınıstr sondaı-aq 2020 jylǵy shildeden bastap jeke kómekshilerdiń qyzmetteri áleýmettik qyzmetter portalyna aýystyrylatynyn, sodan keıin shart múgedektigi bar adamnyń ózi jeke kómekshisimen nemese ÚEU-men jasalaty­nyn jetkizdi. Qyzmetti portalǵa aýystyrý Bas prokýratýra men Sybaılas jemqorlyqqa qarsy is-qımyl agenttigi anyqtaǵan osy saladaǵy buzýshylyqtardy azaıtýǵa múmkindik beredi.

«Budan basqa, kóptegen óti­nish­­ medısınalyq-áleý­met­tik saraptamadan (budan ári – MÁS) ótýge jáne múge­dek­­tikti belgileýge baılanysty. Múge­dek­tigi bar adamdar qolaı­syz ońalt­ý boljamy bar aýrýlar bo­ıyn­sha qaıta kýálandyrýdan jıi ótý qa­jettigine baılanysty qo­laı­syz­dyqtardy birneshe ret atap ótti», dedi E.Áýkenov. Osy máse­leni sheshý úshin Eńbekmıni Me­dı­sınalyq-áleýmettik saraptama júrgizý qaǵıdalaryn ázirledi.

Vıse-mınıstr sondaı-aq oblystyq Jumyspen qamtýdy úılestirý jáne áleýmettik baǵ­dar­lamalar basqarmasynyń ujy­mymen kezdesip, oblys ákimdiginde óńirdiń qalalary­men jáne aýdandarymen jańa formattaǵy AÁK taǵaıyn­daý jáne az qamtylǵan otbasy­lar­daǵy balalardy kepildik beril­gen áleýmettik toptamamen qam­t­a­ma­syz etý máseleleri boıynsha selektorlyq semınar-keńes ótkizdi.

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Uqsas jańalyqtar