Qoǵam • 13 Qańtar, 2020

N.Muqyshev Aqtóbe oblysynyń turǵyndaryna AÁK kórsetýdiń jańa tetikterin túsindirdi

42 retkórsetildi

Eńbek jáne halyqty áleýmettik qorǵaý vıse-mınıstri Narıman Muqyshev Aqtóbe oblysyna jumys sapary barysynda jergilikti turǵyndarǵa ataýly áleýmettik kómektiń (budan ári – AÁK) jańa formatyn  taǵaıyndaý tetikterin jáne kópbalaly otbasylardy memlekettik qoldaýdyń jańa sharalaryn túsindirdi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Vıse-mınıstr óńirdegi baǵdarlamasyn Karǵaly aýdanynyń Kosestek aýyldyq okrýgine saparynan bastady, onda 2019 jyly AÁK alǵan otbasylarmen kezdesti. Muqyshev aýyl turǵyndaryna ataýly áleýmettik kómek járdemaqy emes jáne ár otbasyǵa berilmeıtindigin, biraq bul memlekettiń qoldaýyn qajet etetin adamdarǵa ǵana kórsetiletinin atap ótti.

«Tabysy az otbasylarǵa ataýly áleýmettik kómek kórsetiledi. Oǵan balalardyń sany, bir bala nemese tórt bala bolýy mańyzdy emes. AÁK kórsetýdiń negizgi krıterııi – jan basyna shaqqandaǵy tabystyń óńirlik kúnkóris deńgeıiniń 70%-ynan tómen bolýy.  Eger otbasy ózderine AÁK qajet dep sanasa, onda qańtarda áleýmettik kómek taǵaıyndaý úshin qujattar tapsyra alady. AÁK alatyn barlyq otbasylardyń balalaryna memleket kepildik bergen áleýmettik toptama usynylady», – dedi Muqyshev.

Vıse-mınıstr atap ótkendeı, 1 jastan 6 jasqa deıingi balalar úshin áleýmettik toptamaǵa azyq-túlik jıyntyqtary men gıgıenalyq quraldar kiredi. 6 jastan 18 jasqa deıingi balalar úshin mektepterde ystyq tamaq, oqý quraldary men mektep kıimderin berý kózdeledi. Sondaı-aq, osy sanattaǵy balalar úshin mektepke deıingi jol júrý shyǵyndary óteletin bolady.

Narıman Muqyshev sondaı-aq aǵymdaǵy jylǵy 1 qańtardan bastap Qazaqstanda 4 jáne odan da kóp kámeletke tolmaǵan nemese 23 jasqa deıingi kúndizgi oqý bóliminde oqıtyn stýdent balalary bar kópbalaly otbasylarǵa arnalǵan jańa memlekettik járdemaqy engizilgenin atap ótti. Bul memlekettik járdemaqy otbasynyń tabysyna qaramastan 42 496 teńgeden 74 388 teńgege deıin saralanǵan mólsherde tólenedi. Osyndaı tólemdi aǵymdaǵy jylǵy qańtarda 367 myń otbasy aldy, olarǵa 17 mlrd teńgeden astam qarjy tólendi.

Qosestek aýyldyq okrýgine barǵan kezde vıse-mınıstr AÁK alýshylardyń biri Ksenııa Danııarovanyń jınalǵan qarajatyna ashqan «Alhan» tigin sheberhanasynyń jumysymen tanysty.

«Bul qıyn ómirlik jaǵdaıǵa tap bolǵan azamattardyń memlekettik qoldaý arqyly óz otbasylarynyń qarjylyq jaǵdaıyn jaqsartyp qana qoımaı, óz isin ashqan jaqsy mysaldardyń biri. Kópbalaly jáne tabysy az otbasy múshelerin kásipkerlikke tartý úshin Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasyna qajetti ózgerister engizildi. Endi olarǵa mıkrokredıtter jyldyq 4%-dan aspaıtyn paıyzdyq mólsherlememen 7 jylǵa deıingi merzimge jeńildikti sharttarmen beriledi. Sonymen qatar, kópbalaly jáne tabysy az otbasy músheleri aldyn ala bilim almaı grant alýǵa quqyly», – dep atap ótti Muqyshev.

Jumys sapary barysynda vıse-mınıstr Qarǵaly jáne Hromtaý aýdandarynyń halyqty jumyspen qamtý ortalyqtaryna baryp, ataýly áleýmettik kómek alýǵa úmitker azamattardan ótinish alý barysymen tanysyp, AÁK taǵaıyndaý kezinde ýchaskelik komıssııanyń qalaı jumys isteýi kerektigin túsindirdi.

Sońǵy jańalyqtar

Bul – jańa ekonomıkalyq baǵyt

Qoǵam • Búgin, 07:12

Ýhandaǵy 61 stýdent elge qaıtady

Qoǵam • Búgin, 07:04

Traktormen kelgen feldsher

Aımaqtar • Búgin, 07:00

Tolǵaq qyssa, qarly boranǵa qaraı ma?!.

Aımaqtar • Búgin, 06:55

Sabaq toqtady, joldar jabyldy

Aımaqtar • Búgin, 06:53

Qar qalyń, qaýip kóp

Aımaqtar • Búgin, 06:51

Yrǵyn qar yryq berer emes

Aımaqtar • Búgin, 06:50

143 jolaýshy qutqaryldy

Aımaqtar • Búgin, 06:47

Máselelerdi birigip talqylady

Qoǵam • Búgin, 06:45

Jyraqtaǵy juldyzdar

Qoǵam • Búgin, 06:43

qolań kúńkili

Rýhanııat • Búgin, 06:41

Ázİl-ospaq, syn-syqaq

Qoǵam • Búgin, 06:39

Tońazytqyshtyń topalańy

Rýhanııat • Búgin, 06:38

Qojanasyr hıkaıalary

Rýhanııat • Búgin, 06:35

Shaıtannyń kókesi

Rýhanııat • Búgin, 06:34

Shyǵystaný ǵylymynyń jańa jetistigi

Rýhanııat • Búgin, 06:31

Tarbaǵataıda dárilik shópter kóp

Qoǵam • Búgin, 06:29

Elektiń sory – alty valentti hrom

Qoǵam • Búgin, 06:27

Taksı jáne toıymsyzdyq

Qoǵam • Búgin, 06:14

Hakim tutynǵan jádigerler

Abaı • Búgin, 06:10

Balabaqsha bos tur

Qoǵam • Búgin, 06:00

AÁK: jańa tártip tıimdi me?

Medısına • Búgin, 05:56

Árbir tapsyrma oryndalýymen qundy

Úkimet • Búgin, 05:54

Uqsas jańalyqtar