Qoǵam • 13 Qańtar, 2020

Almaty ákimdigi jeke jer telimderin naryq baǵasy boıynsha satyp alady

31 retkórsetildi

Almaty ákimdiginiń baspasóz ortalyǵynda ótken brıfıngte Almaty qalasy jer qatynastary basqarmasynyń basshysy Ardaq Samambetov «Almaty qalasynyń erekshe mártebesi týraly» Zańǵa engizilgen ózgerister men tolyqtyrýlar aıasynda ákimdiktiń jańa quzyreti týraly áńgimeledi. Bul týraly qala ákimdiginiń resmı saıty habarlady.

Ardaq Samambetov qalanyń ınfraqurylymyn odan ári damytý maqsatynda memlekettik qajettilik úshin jer telimderin qaıtarý tetiginiń engiziletinin aıtty. Jalpy, Almaty qalasynda búgingi kúnge deıin jerdiń 95%-y jeke menshiktiń qolynda.

Aıta keterligi, memlekettik qajettilikke qaıtarylatyn jer telimderine qatysty oqıǵalar tizbeleri Qazaqstan Respýblıkasynyń Jer kodeksinde jáne Qazaqstan Respýblıkasynyń «Memlekettik múlik týraly» Zańynda bekitilgen. Atalǵan zańnamalyq aktilerde jer telimderin nemese basqa da múlikterdi qaıtarýǵa májbúrleý nemese toqtatý oqıǵalary, qaǵıdattary jan-jaqty túsindirilgen. Osyǵan oraı, «Almaty qalasynyń erekshe mártebesi týraly» Zańǵa engizilgen ózgerister men tolyqtyrýlar árbir isti naqtylaıdy ári Qazaqstan zańnamasyna saı qabyldanǵan.

A. Samambetov aıtyp ótkendeı, jer telimderin qaıtarý kólik, energetıkalyq ınfraqurylymdaryn salýǵa jáne basqa máselelerge qatysty bolýy múmkin. Mysaly, qazirgi kezde kólik ınfraqurylymyn, áleýmettik jáne energetıkalyq nysandardy salýdy damytý boıynsha 21 joba jumys ústinde.

Olardyń arasynda Seıfýllın dańǵyly-Jansúgirov kóshesi, Rysqulov dańǵyly-Emsov kóshesi boıyndaǵy birqatar iri jolaıryqtary, Abaı dańǵylyn úńgileý bar. Bul tizim tolyǵatyn bolady.

Aıta keterligi, Ardaq Samambetov jer telimderine ótemaqy naryqtyq baǵa boıynsha júzege asatynyn qadap turyp aıtty.

«О́temaqyǵa keler bolsaq, jer telimderiniń aqysy kadastrlyq baǵa nemese naryq baǵasynan tómen kelisim boıynsha eseptelgende bizde problema boldy. Almaty ákimdiginiń bastamasy boıynsha atalǵan zańǵa ótken jyldyń basynan bastap ózgerister engizildi. Biz memlekettik qajettilik úshin qaıtaryp alynatyn múlikke ótemaqyny tek naryqtyq baǵa boıynsha tóleımiz. Sondyqtan qazirgi kezde bizde ótemaqyǵa qatysty problema joq», - dedi A. Samambetov.

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar