Qoǵam • 14 Qańtar, 2020

Ermek Serkebaev esimi óner kolledjine beriledi

29 retkórsetildi

Májilis depýtaty Káribaı Musyrman Soltústik Qazaqstan oblystyq til janashyrlarymen kezdesti. Oblystyq Aqsaqaldar alqasynyń tóraǵasy Bolat Saǵyndyqov aqsaqal uıymdastyryp, oblystyq «Nur Otan» partııasynyń ǵımaratynda bolǵan osy kezdesýde kóptegen máseleler ashyq aıtylyp, ókpe-nazdar taýdan qulaǵan seldeı aqtaryldy.

Sonyń ishinde qazaq tiliniń azyp bara jatqany, qazaqsha oqytatyn mektepterdiń ózinde balalardyń tek oryssha sóıleıtindigi, mektep basshylyǵynyń ana tilinde sóıleýdi talap etpeıtini - ata-analar men til janashyrlary tarapynan narazylyq otyn týdyrdy. Sózdiń qorytyndysynda jınalǵandar «Til týraly» zańdy qataıtyp, ony Prezıdent Q.Toqaev talap etken «etnosaralyq qatynas tili» deńgeıine jetkizý qajettigi aıtyldy. 

Til janashyrlaryn tek Memlekettik tildi damytý basqarmasynyń bastyǵy Kemel Ospanov jarııalaǵan keıbir aqparattar ǵana sabasyna túsirip, rızashylyqtarǵa bóledi. Sonyń ishinde Kemel Qarashauly qaladaǵy О́ner kolledjine ataqty jerlesimiz Ermek Serkebaevtyń esimi beriletin boldy degen aqparatqa jınalǵandardyń bári serpilip qaldy. Alaıda bul áli túpkilikti sheshilmegen másele eken, ázirge ol Bilim men ǵylym, Mádenıet jáne Ádilet mınıstrligi qoldapty. Endi qalǵan bıýrokratııalyq kedergilerden ótýi kerek eken. Sonsha qıyndatyp, eshqandaı qatysy joq mınıstrlikter men vedomstvolardyń kelisimin alýdyń keregi joq edi degen sózdi sheneýniktiń ózi de aıtyp qaldy.

Sonymen birge bıyl Soltústik Qazaqstannyń aýyl-selolarynda 276 kósheniń attary ózgertiletin bolypty. Bular keshegi «kún kósemder» men olardyń áıelderi men jandaıshaptarynyń atymen atalǵan kósheler. Solardyń bári endi ǵana ózgertilip, durys jolǵa salyna bastaǵan eken.

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar