Aımaqtar • 14 Qańtar, 2020

Aýyl kitaphanalary aıryqsha nazarda

63 retkórsetildi

Bıyl Pavlodar óńirindegi eldi mekenderdiń kitaphanalaryna erekshe kóńil bólinbek. Osyǵan oraı S.Toraıǵyrov atyndaǵy Pavlodar oblystyq kitaphanasy 2020 jyldy «Aýyl kitaphanalarynyń jyly» dep belgiledi.

«Aýyldyq kitaphana – áleýmettik ortalyq» jobasy aıasynda aldaǵy ýaqytta jergilikti eldi-mekenderdegi kitaphanalar tómendegi 5 baǵyt boıynsha halyqqa qyzmet kórsetetin bolady: 1) Kitaphana - kitaphanalyq qyzmet kórsetý ortalyǵy bolýy tıis. 2) Kitaphana - áleýmettik ortalyq, ıaǵnı, memlekettik qyzmet kórsetý pýnkti retinde qoldanylady. 3) Kitaphana - áleýmettik ortalyq retinde aýyldyq okrýgtegi ardagerler keńesiniń bas qosyp, keńesetin alańyna aınalady.  4) Kitaphana - jergilikti bılik organdary úshin dıalog alańy retinde paıdalanylady. 5) Kitaphana – kovorkıng ortalyǵy (bilim ortalyǵy) retinde halyqqa qyzmet kórsetýi tıis.

Osylaısha aýyldyq kitaphanalar turǵyndar úshin birneshe baǵyt boıynsha qyzmet kórsetetin ámbebap orynǵa aınalady. Atalǵan 5 baǵyttyń aýqymy keń. Máselen, ekinshi baǵyt boıynsha aýyl turǵyndary jergilikti kitaphana mamandarynyń kómegimen e-gov.kz baǵdarlamasy boıynsha elektrondy qyzmettiń ıgiligin kóre alady. Sondaı-aq jergilikti bılik organdary kitaphanada ártúrli baǵyttaǵy kezdesýler ótkizýge múmkindikteri bar. Budan bólek, aýyl kitaphanalarynda balalar men jasóspirimderge jáne egde jastaǵy adamdar úshin kompıýterlik saýat ashý kýrstary uıymdastyrylady.  Sonymen qatar múmkindigi shekteýli adamdarǵa da kitaphana qyzmeti qoljetimdi bolady. Bul oryn atalǵan sanattaǵy azamattar úshin rýhanı-mádenı qarym-qatynasty nyǵaıtatyn, qoǵammen etene baılanysýǵa yńǵaıly demalys ornyna aınalady. Belgilengen 5 baǵyttyń árqaısysynda osyndaı qoǵam úshin mańyzdy máseleler qamtylǵan.

Atalǵan bastamanynyń negizgi maqsaty – eldi meken turǵyndaryn kitaphanaǵa tarta otyryp, aýyl kitaphanalarynyń qoldanys aıasyn keńeıtý. Kitaphanalardy tek bir ǵana maqsatta paıdalanbaı, birneshe baǵyt boıynsha qyzmet kórsetýge beıimdeý. Búginde Pavlodar oblysy boıynsha 231 kitaphana jumys istep tur. Onyń basym bóligi, ıaǵnı, 201-i aýyldyq jerde ornalasqan. Sondyqtan da kitaphana qyzmetiniń sapasyn arttyrýdy eldi-mekenderden bastaý oń nátıje beretini sózsiz.

S.Toraıǵyrov atyndaǵy Pavlodar oblystyq kitaphanasy bıyl birneshe aýqymdy jobany júzege asyrýdy josparlaýda. Onyń ishinde aýyldyq kitaphanashylardyń biliktiligin arttyrý maqsatynda forsaıt sessııa ótkizilmekshi. Shara barysynda mamandar ár aýyldyń kitaphanalaryna baryp ádistemelik kómek kórsetedi. Sondaı-aq atalǵan joba aıasynda jyl boıy tájirıbelik jumystar, trenıngter, semınarlar ótkizý josparlanǵan.

Alpysbaı HONJ,

S.Toraıǵyrov atyndaǵy

Pavlodar oblystyq kitaphanasynyń qoǵammen baılanys menedjeri

Sońǵy jańalyqtar

Senat Bıýrosynyń otyrysy ótti

Parlament • Búgin, 19:00

Muhtar Tólegen: Abaı úni - halyq úni

Aımaqtar • Búgin, 17:31

О́z qarjysyna kitaphana salǵan

Aımaqtar • Búgin, 10:08

Sabannan jasalǵan qalashyq

Aımaqtar • Búgin, 10:05

Mýngııamen judyryqtasýy múmkin

Sport • Búgin, 10:04

Almatydan 356 km qashyqtyqta jer silkindi

Aımaqtar • Búgin, 09:55

Otanǵa qyzmet – ortaq paryz

Qoǵam • Búgin, 09:48

Kóp balaly otbasylar baspanaly boldy

Aımaqtar • Búgin, 09:42

Aýylǵa kel, jas dáriger

Aımaqtar • Búgin, 09:37

Ashyq ári ádil áleýmettik saty

Qoǵam • Búgin, 09:12

О́lketaný órenderdiń óresin ósiredi

Aımaqtar • Búgin, 09:09

Tarıh. Tulǵa. Túrkistan

Rýhanııat • Búgin, 09:06

Adamdyqtyń qaınary

Rýhanııat • Búgin, 08:55

Berik Ýálı: Abaı men Alash

Rýhanııat • Búgin, 08:54

Qoǵamdyq uıym ókilderimen kezdesti

Qazaqstan • Búgin, 08:43

Uqsas jańalyqtar