Qazaqstan • 14 Qańtar, 2020

«Kıeli Qazaqstan» ekspedısııasy atqa miný mádenıetin óńirlerde jandandyrdy

73 retkórsetildi

10-12 qańtar aralyǵynda «Kıeli Qazaqstan» ekspedısııasy músheleri Pavlodar oblysyna jınaldy. Atalǵan ekspedısııanyń maqsaty - jylqyny qolǵa úıretý mádenıetin dáriptep, ishki týrızmdi nasıhattaý.

Sharaǵa tájirıbeli shabandozdar, qusbegiler, trevel-blogerler men tilshiler, fotograftar jáne vıdeooperatorlar qatysty.  

Ekspedısııanyń alǵashqy kúni qatysýshylar Sátbaev aýylynan Dalba taýynyń etegine deıin jetip,  Buqar jyraý jerlengen uly abyzdyń kesenesin aralady. Ári qaraı, «Imantaıuly Sátbaev» kesenesi men «Teńdik» kesenelerine de jaıaý bet aldy. Osylaısha, atqa mingen saıahattaýshylar ekspedısııanyń alǵashqy kúni 60 shaqyrym joldy júrip ótti.

Al, ekinshi kúni, ekspedısııa músheleri Q.Sátbaev aýylynda mektep oqýshylary men aýyl jastary arasynda erteden kele jatqan ulttyq at sporty oıyndaryn uıymdastyrdy. Jasóspirimder atqa minýge mashyqtanyp, asaý jylqyny júgendeý, miný, jegý tásilderin úırendi.

«Atqa miný mádenıeti – qazaq halqynyń qanyna sińgen, ómirlik serigine aınalǵan úrdis. Ekspedısııa jasóspirimder arasynda ulttyq at sportyn nasıhattap, jańa týrıstik baǵyttardy jasaý jáne týǵan jerimizdi zertteýge yqpal etedi. Ekspedısııa nátıjesinde elimizdiń tabıǵı nysandary boıynsha jańa týrıstik baǵyttar, sapaly foto jáne vıdeolar jasaqtalmaq, Sondaı-aq ıllıýstrasııalanǵan jolnusqa da jasalatyn bolady» dedi At-TRAVEL klýbynyń jetekshisi Berik Aqylbekov.

Ekspedısııa «Jabaǵy» jarysy men «Teńge alý» saıystaryna qatysyp, úzdik atanǵan  jasóspirimderdi marapattaý rásimimen qorytyndylandy.

Aıta keteıik, «Kıeli Qazaqstan» ekspedısııasy «Kazakh Tourism» UK men «QazaqGeography» respýblıkalyq qoǵamdyq birlestiginiń uıymdastyrýymen 3-márte júzege asyp otyr. Munan aldyn saıahatshylar Aqmola, Pavlodar oblystary men Buırataý, Baıanaýyl ulttyq parkterin júrip ótken bolatyn.

Sońǵy jańalyqtar

Qazaqy as: dástúr men dám

Rýhanııat • Keshe

Terezeden qarama...

Rýhanııat • Keshe

Qyzmet barysynda qaza tapty

Rýhanııat • Keshe

Bozingendi ıdirgen kúı edi...

Rýhanııat • Keshe

Aǵa men ini

Qoǵam • Keshe

Ysqaq qajy áýlıe

Rýhanııat • Keshe

Qaban, Táńki jáne Bydyq

Rýhanııat • Keshe

Qaıyq kútken kún

Rýhanııat • Keshe

Uqsas jańalyqtar