Parlament • 14 Qańtar, 2020

Taıynsha qalasynyń turǵyndary jańa mektep salý qajettigin aıtty

15 retkórsetildi

Parlament Senatynyń depýtaty Olga Perepechına Soltústik Qazaqstan oblysyndaǵy jumys sapary barysynda Taıynsha aýdanyndaǵy Taıynsha qalasy men Qaraǵash aýylynda boldy. Kezdesýge aýdan ákimi, «NurOtan» partııasynyń músheleri, máslıhat depýtattary, áleýmettik sala qyzmetkerleri men zeınetkerler qatysty. Bul týraly Parlament Senatynyń baspasóz qyzmeti habarlady.

Senator kezdesý barysynda «Pedagog mártebesi týraly» jáne «Mindetti áleýmettik saqtandyrý týraly» zańdar men Ákimshilik kodeks, Bilim jáne ǵylym, Densaýlyq saqtaýdy damytý salasyndaǵy jańa memlekettik baǵdarlamalar aıasyndaǵy 2019 jylǵy Parlamenttiń jumysy jáne 2020 jylǵy 1 qańtardan bastalatyn ózgerister týraly habardar etti. Depýtat sondaı-aq 2025 jylǵa deıingi О́ńirlerdi damytýdyń qoldanystaǵy baǵdarlamasy boıynsha, atap aıtqanda «Aýyl-el besigi» arnaıy jobasynda kózdelgen aýyl ómiriniń sapasyn jaqsartý, aýyldyq aýmaqtardyń ınfraqurylymyn jańǵyrtý jáne olardy óńirlik standarttar júıesiniń parametrlerine jetkizý múmkindikteri týraly aıtty.

Kezdesýge qatysýshylar júzdesý barysynda depýtatqa ózderin tolǵandyrǵan suraqtaryn qoıdy. Atap aıtqanda, aýdandyq mańyzy bar joldardy jóndeýge qarjy bólý, Taıynsha qalasynda 600 oryndyq jáne Vıshnevka aýylynda 125 oryndyq apatty mektepterdiń ornyna mektep salý qajettigi, memlekettik organdardy elektrondyq qujat aınalymyna kóshirý jáne derekterdiń saqtalýy men qupııalylyǵyna kepildik berý, hakerlik buzýlardan qorǵaý, standarttar men normatıvterge sáıkes kelmegendikten aýyldyq jerlerde dárihanalardy jabý, ataýly áleýmettik kómekti berý, turǵyn úımen qamtamasyz etý, jer qoınaýyn paıdalaný mólsherlemesi, aýyl sharýashylyǵy boıynsha sýbsıdııalarǵa ótinish berý kezinde «Qoldaý» júıesiniń jumysyndaǵy irkilister, shetelden mal ákelýge elimizdiń Aýyl sharýashylyǵy mınıstrliginen ruqsat alý jáne t. b. máseleler talqylandy.

Senator sondaı-aq Vıshnevka aýylyndaǵy apattyq jaǵdaıdaǵy orta mektepte, Qaraǵash aýylyndaǵy mal ósirý men kókónisti tamshylatyp sýarýǵa mamandanǵan «Astyq-STEM» seriktestiginde boldy. Senator eńbek ujymymen kezdesti jáne kókónis saqtaý qoımasyn, materıaldyq-tehnıkalyq jabdyqtalýyn, jańa tehnıkany, kókónisterdi ósirý, saqtaý jáne suryptaýǵa arnalǵan jabdyqtardy kórdi.

Qaraǵash orta mektebinde aýyl turǵyndarymen kezdesý boldy, onda 2020 jyldyń 1 qańtarynan bastap júzege asatyn ózgerister túsindirildi.

Senator kezdesý barysynda qoıylǵan barlyq suraqtarǵa jaýap berdi, keıbir máseleler jeke baqylaýǵa alyndy.

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar