Parlament • 14 Qańtar, 2020

Muhtar Qul-Muhammed is-saparmen Almatyǵa bardy

52 retkórsetildi

Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed Ishki ister mınıstrligi men Shekara qyzmetiniń Almaty qalasynda ornalasqan áskerı jáne arnaıy oqý oryndarynda boldy. Bul týraly Parlament Senatynyń baspasóz qyzmeti habarlady.

Senator elimizdiń Ishki ister mınıstrliginiń quqyq magıstrlerin, sondaı-aq «Quqyq qorǵaý qyzmeti» mamandyǵy boıynsha PhD doktorlaryn daıarlaý baǵdarlamasy boıynsha bilim beretin Maqan Esbolatov atyndaǵy akademııasynyń jumysymen tanysty. Akademııa kýrsanttary sonymen qatar «Aqparattyq júıeler» jáne «Radıotehnıka, elektronıka jáne telekommýnıkasııa» mamandyqtary boıynsha bilim alady.

Depýtat kezdesý barysynda quqyq qorǵaý organdarynyń joǵary oqý oryndary arasynda jetekshi ǵylymı ári oqý-ádistemelik ortalyq bolyp tabylatyn akademııada ishki ister organdaryna mamandar daıarlaý úshin barlyq jaǵdaı jasalǵanyn atap ótti. Professorlyq-oqytýshylyq quram ishki ister organdarynyń jedel-qyzmeti men oqý prosesine engizilgen 500-den astam monografııalar, oqýlyqtar men oqý quraldaryn, praktıkalyq jáne ádistemelik usynymdar daıyndaǵan bolatyn.

M.Qul-Muhammed óz sózinde elimizdiń Tuńǵysh Prezıdenti – Elbasy N.Á.Nazarbaevtyń tapsyrmasy boıynsha 2019 jyly ázirlengen Qazaqstan Respýblıkasynyń Ishki ister organdaryn jańǵyrtý jónindegi 2019-2021 jyldarǵa arnalǵan Jol kartasyn iske asyrý máselelerine toqtaldy. Depýtat sondaı-aq qylmystyq jáne ákimshilik jaýapkershilikti qataıtý máseleleri boıynsha Parlament qabyldaǵan keıingi zańnamalyq aktiler týraly da aıtty.

Senat depýtaty Muhtar Qul-Muhammed Qazaqstan Respýblıkasy Ulttyq qaýipsizdik komıteti Shekara qyzmetiniń Almatydaǵy akademııasy kýrsanttarymen jáne professorlyq-oqytýshylyq quramymen kezdesý barysynda Memleket basshysy Q.Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýy aıasynda áskerı qyzmetshilerdi kásibı daıarlaý máselelerin talqylady.

Halyqaralyq qatynastar, qorǵanys jáne qaýipsizdik komıtetiniń tóraǵasy memleket egemendigin nyǵaıtý, ulttyq qaýipsizdik pen aýmaqtyq tutastyqty qamtamasyz etý Qazaqstan Respýblıkasynyń Qarýly Kúshterin, basqa da áskerleri men áskerı quralymdaryn qalyptastyrý men damytýdyń jańa tujyrymdamasy basymdyqtarynyń qatarynda ekenin atap ótti.

Senator óz sózinde Memleket basshysynyń Joldaýda alǵa qoıǵan basty mindetterdiń biri jańa Tujyrymdama negizinde jaýyngerlik qabiletti armııa qalyptastyrý bolyp tabylatynyn aıtty.

Shekara qyzmetiniń bolashaq ofıserlerine arnaǵan sózinde senator: «Memleket basshysy óz Joldaýynda kásibı daıarlyǵy mol, Otanǵa adal ofıser kadrlarmen jáne áskerı qyzmetshilerden jasaqtalǵan bizdiń áskerimiz jańa geosaıası ahýalda el qaýipsizdigine tónetin qaýip-qaterdi toıtarýǵa daıyn bolýy tıis ekenin atap ótti. Joǵary jaýyngerlik daıyndyq pen urysqa qabiletti bolýdy joǵary kásibı áskerı kadrlar ǵana qamtamasyz ete alatyny aqıqat. Memleket basshysynyń Joldaýyndaǵy asa mańyzdy shaqyrý eń aldymen, elimizdiń jetekshi áskerı oqý oryndarynyń ókilderine arnalǵan. Bizdiń áskerı bólimshelerdi, onyń ishinde memlekettik shekaradaǵy bólimshelerdi joǵary kásibı kadrlarmen sizder qamtamasyz etesizder» dedi.

Depýtat kezdesý barysynda Shekara akademııasynyń oqytý ádistemesimen jáne oqý-materıaldyq bazasymen tanysty, oqý synyptaryn, sport zalyn jáne jataqhanany aralap kórdi.

Sońǵy jańalyqtar

Almaty jasyl qalaǵa aınalady

Ekologııa • 17 Qańtar, 2020

Elimizde UFC TV telearnasy iske qosyldy

Sport • 17 Qańtar, 2020

Tátti ómirdi tárk etkender (vıdeo)

Vıdeo • 17 Qańtar, 2020

Kókshetaýda beti ashyq qudyq kóp

Aımaqtar • 17 Qańtar, 2020

Shymkentte Poezııa minberi ashyldy

Rýhanııat • 17 Qańtar, 2020

Bulandydaǵy berekeli is

Aımaqtar • 17 Qańtar, 2020

Mal baqqanǵa bitedi...

Aımaqtar • 17 Qańtar, 2020

Batys Qazaqstanda jańa jobalar maquldandy

Aımaqtar • 17 Qańtar, 2020

Kýveıt týrnırinde top jardy

Sport • 17 Qańtar, 2020

Gran-prı jarysyna qatysady

Sport • 17 Qańtar, 2020

Ekinshi qolany qorjynǵa saldy

Sport • 17 Qańtar, 2020

Atqa miný mádenıetin nasıhattady

Qoǵam • 17 Qańtar, 2020

Uqsas jańalyqtar