Saıasat • 15 Qańtar, 2020

О́ndiristi óńirde boldy

17 retkórsetildi

Parlament Senaty Tóraǵasynyń orynbasary Asqar Shákirov, sondaı-aq senatorlar Rysqalı Ábdikerov pen Sergeı Ershov depýtattardyń aımaqtarǵa sapary aıasynda Qaraǵandy oblysynda boldy.

Parlament joǵarǵy palatasynyń depýtattary «ArselorMıttalTemirtaý» AQ-tyń negizgi obektilerinde,  atap aıtqanda, №3 domna peshinde jáne №1 jalpaq temir sehynda bolǵan kezde kásiporyn qyzmetimen jáne jumysshylardyń eńbek jaǵdaıymen tanysty.

Kásiporyn basshylyǵymen jáne kásipodaq uıymynyń ókilderimen mazmundy áńgime óristedi. Júzdesý kezinde  eńbek qaýipsizdigin qam­tamasyz etý, óndiris qýattylyǵyn jań­ǵyrtý, eńbekshilerdiń múddelerin ilgerile­týdegi kásibı odaqtardyń rólin nyǵaıtý máse­leleri talqylandy.

Senat depýtattary halyqtyń ál-aýqaty qorshaǵan ortaǵa tyǵyz baılanysty ekenine jáne zııandy shyǵaryndylardy azaıtý jó­nindegi qazirgi zamanǵy tehnologııalardy engizý boıynsha Prezıdent Q.Toqaevtyń Qazaqstan halqyna Joldaýynda atap kórsetilgen sharalardy qabyldaý qajettigine kásiporyn basshylyǵynyń nazaryn aýdardy.

Tutastaı alǵanda, kásiporyndy ornyqty damý traektorııasyna shyǵarý, óndiris ól­shemderi men básekege qabilettiligin jaqsartý, Temirtaý qalasyndaǵy ekologııalyq ahýaldy qalypqa keltirý jónindegi tıisti sharalardy qabyldaý máseleleri senatorlar saparynyń nátıjesi boıynsha «ArselorMıttalTemirtaý» AQ jumysynyń negizgi basymdyǵy retinde aıqyndaldy.

Depýtattar sondaı-aq Qaraǵandy medı­sınalyq ýnıversıtetiniń klınıkalyq bazasy – №1 kópsalaly aýrýhanasynda bolyp, stasıonar jaǵdaıynda medısınalyq qyzmetter kórsetýdiń mýltıdıssıplınarlyq júıesimen tanysty, tutastaı alǵanda óńirdegi klınıkalyq mamandyq kadrlarymen qamtamasyz etý deńgeıine, densaýlyq saqtaýdaǵy kópsalaly mekemelerdiń tehnıkalyq jabdyqtalýyna nazar aýdardy.

Aýrýhana qyzmetkerlerimen jáne ýnı­ver­sıtettiń professor-oqytýshylar qura­mymen kezdesý barysynda memleket qa­byldap jatqan mamandandyrylǵan medı­sınalyq kómekti alýǵa qoljetimdilik jónin­degi sharalar, atap aıtqanda, Qazaqstan Res­pýblıkasynyń 2020-2025 jyldarǵa arnalǵan densaýlyq saqtaýdy damytýdyń memlekettik baǵdarlamasy aıasyndaǵy sharalar talqylandy.

Kezdesý barysynda 2020 jylǵy 1 qańtar­dan bastap kúshine enetin mindetti áleýmet­tik medısınalyq saqtandyrý jónindegi zańna­madaǵy jańalyqtardy talqylaýǵa erekshe mán berildi. О́tken jylǵy qyrkúıekten bas­tap Qaraǵandy oblysynyń medısınalyq uıym­darynda mindetti áleýmettik medısınalyq saqtandyrý júıesine qanatqaqty baıqaý jasaldy. О́ńirde mindetti áleýmettik medısınalyq saqtandyrýdy engizýdiń nátıjeleri depý­tattarǵa kórsetildi.

Jumys sapary elimizdiń Ishki ister mınıstrliginiń B.Beısenov atyndaǵy Qara­ǵandy akademııasynda odan ári jalǵasty. Oqý ornynyń basshylyǵymen jáne professor-oqytýshylar quramymen kezdesý barysynda quqyq qorǵaý júıesine reforma júrgizý, oǵan sáıkes «Ishki ister organdaryn jańǵyrtý boıynsha jol kartasyn» qabyldaý jóninde pikir almasyldy.

Kezdesýge qatysýshylar polısııany mem­le­kettiń qarýly quralynan azamattardyń qaýip­sizdigin qamtamasyz etýge arnalǵan, qyzmet kórsetetin organǵa aınaldyrý jónindegi Memleket basshysy alǵa qoıǵan mańyzdy mindettiń aıasynda basymdyqqa ıe máselelerdi talqylady.

Depýtattar óz sózderinde qylmystyq, qyl­mystyq-prosestik zańnamany jetildirý máseleleri boıynsha mańyzdy zańnamalyq ózgerister men tolyqtyrýlar engizý;  jeke adam quqyqtaryn qorǵaýdy kúsheıtý; qylmystyq prosess pen jazalardy oryndaý júıesin odan ári izgilendirý jáne jazalaýdy azaıtý týraly aıtty.

 

Qaraǵandy oblysy

 

Sońǵy jańalyqtar

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Muqtaj jandarǵa kómektesedi

Rýhanııat • Búgin, 08:10

Uqsas jańalyqtar