Aımaqtar • 15 Qańtar, 2020

Agrarly-ındýstrııaly baǵyt tıimdi

20 retkórsetildi

Jýyrda Soltústik Qazaqstan oblysy ákimdiginde qoǵam qaıratkerleri, bıznes qaýymdastyǵy, BAQ pen saıası partııalar ókilderi, qatysqan keńeıtilgen otyrys ótti. Jıyn barysynda ekonomıkanyń barlyq salasy boıynsha jańa jyldaǵy jumys jospary jarııalandy.

Aldymen aýyl sharýashy­lyǵy basqarmasynyń bastyǵy Erbolat Bekshenovtiń, ındýs­trııalyq-ınnovasııalyq damý bas­qarmasynyń bastyǵy Ar­man Orazǵulovtyń, qurylys, sáýlet jáne qala qurylysy bas­­qarmasynyń bastyǵy Serik Mu­hamedıevtiń jáne taǵy bas­qa­larynyń baıandamalary tyń­daldy. Onda aıtylǵandaı, bı­yl óndiriske otandyq jáne shet­eldik 226,3 mlrd teńge kapıtal quıylyp, sonyń nátıjesinde 34 joba iske asyrylmaq. Bul ja­ńadan 3000 jumys ornyn ashý­ǵa jol ashady.

Agroónerkásip salasyna byl­­tyr salynǵan jáne jańa jylda jalǵasatyn ınvestııasııa men iske asyrylatyn jobalar týra­ly aıtyldy. «Jalpy, bul sala boıynsha 2020 jyly biz 13 iri ın­vestısııalyq jobany iske asyrýdy josparlap otyrmyz. Oǵan 22,8 mlrd teńge saly­nyp, jańadan 300 jumys ornyn ashý josparlanǵan», dedi tıisti basqarma basshysy E.Bekshenov. Onyń aıtýyna qaraǵanda, oblys azyq-túlik qaýipsizdigin qamtamasyz etýdiń bir amaly retinde taýarly-sút fermalaryn kóptep qurýǵa nazar aýda­ryp otyr. Máselen, byltyr «Qy­zyljar-Sút» JShS sút ón­dirýge 2,1 mlrd teńge quıy­lyp, 720 oryndyq keshen sa­lynǵan. Aldymyzdaǵy kóktemde 1,8 mlrd teńgege Avstrııadan 360 bas sútti sıyr jetkiziledi, sóı­tip ja­ńadan 35 jumys orny ashy­lady.

Jalpy, sút fermasyn ashý­dy kózdep otyrǵan sharýa­lar barshylyq. Aıtalyq Ǵabıt Mú­sirepov aýdanyndaǵy «Voz­vyshenka SK» 600 oryndyq sút ke­shenin salýdy qolǵa al­ǵan. A.Nýkaev basshylyq ete­tin bul seriktestik jobaǵa 1,2 mlrd teńge quıýǵa daıyn. Sondaı-aq A.Saparov basqaratyn «Noǵaıbaı» JShS da osyndaı jobany júzege asyryp jatyr.

Asyl tuqymdy mal basyn kóbeıtý isi de nazardan tys qal­­maıdy. Máselen, Aqjar aýda­nyndaǵy T.Arǵynbaev bas­qa­ratyn «Bereke-Aqjar» JShS 2500 bas buqa ósirmek, sony­­men qatar 3000 bas mal semirtý alańyn salyp jatyr. Bul ju­mysqa «Bereke – Aqjar» bar­lyǵy 2,5 mlrd teńge qarajat jum­salmaq. Seriktestik qazirdiń ózind­e mal satyp alý úshin Avs­trııanyń fırmasymen kelisim­shart jasap qoıǵan.

Osyndaı mal semirtý alań­­daryn «Eleskoe» JShS, «Jer­qýar» agrofırmasy, «As­tyq satý kompanııasy» JShS qol­ǵa alyp otyr. Árqaısysy bul iske 2-3 mlrd teńgeden aqsha quıa­dy. Qus etin óndirý boıynsha «Iаkorskaıa ptısefabrıka» JShS óndiristi damytýǵa 0,6 mlrd teńge quıyp, qus sanyn qosymsha 75 myńǵa arttyrmaq, bul jumyrtqa óndirý kólemin táýligine 100-den 150 mln danaǵa deıin ulǵaıtýǵa múmkindik beredi.

Et-sút ónimderin shyǵarý bo­ıyn­sha aldaǵy jyly «Maslo-Del» JShS atty iri fırma ón­diriske 4,2 mlrd teńge quıyp, jyl­­­dyq qýaty 32 myń tonna ónim shyǵarýdy josparlap otyr. Sondaı-aq Shveı­sarııanyń Eksoıl Grýpp maı shyǵarý zaýy­ty­­men birlesken ja­ńa ká­sip­oryn salý boıynsha kelis­sózder júrgizilýde.

Oblys ortalyǵynda kópten beri bos turǵan jerde byltyr «Dostyk Mall» saýda ortalyǵy ashylyp, oǵan memleket pen je­kemenshik kapıtal birlesip 5,4 mlrd teńge ınvestısııa quı­ǵanyn aıta keteıik. Qazir saýda ortalyǵy shahardyń da sánin arttyryp tur.

Al Aıyrtaý aýdanynda otan­dyq ınvestor «Energo Trust» JShS jelden qýat alatyn park salýdy josparlap otyr. Jalpy oblysta barlyǵy 25 jel generatory ornatylady dep kútilýde. Eger olardyń bári ornatylsa, 50 megavatt elektr qýaty óndi­ril­mek.

«Bul jobalar óńir ekonomıkasyna tyń serpin beredi. Biz­diń maqsatymyz – ekonomıkany agrarly-ındýstrııaly etý. Jańa kásiporyndar ashyp, óndiris kó­lemin ul­ǵaı­tý kerek», dedi Qumar Aq­sa­­qalov.

 

Soltústik Qazaqstan oblysy

 

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar