Qoǵam • 15 Qańtar, 2020

Ádebı marafon bastaldy

32 retkórsetildi

L.N.Gýmılev atyndaǵy Eýrazııa ulttyq ýnı­ver­sıtetinde Abaıdyń 175 jyldyǵyna oraı Muhtar Áýezovtiń «Abaı joly» epopeıasyn oqýǵa arnalǵan ádebı marafon bastaldy.

Bul ıgi shara 2020 jyldyń 10 qańtarynda Memleket basshysy Qasym-Jomart Toqaevtyń Abaı Qunanbaıulynyń 175 jyl­dyǵyna arnalǵan «Abaı jáne XXI ǵasyrdaǵy Qazaqstan» atty maqalasyn zerdeleýge ar­nal­ǵan EUÝ ǵalymdary men oqy­týshy­lary bas qosqan «Biz Abaı jo­lyn­­damyz» atty jıynda má­lim boldy.

Sharada EUÝ jaratylystaný ǵylymdary fakýltetiniń 3-kýrs stýdenti, «Qamqor» erik­ti­­ler qozǵalysynyń múshesi Dı­ana Saılaýbaeva Eýrazııa ult­­­tyq ýnıversıtetiniń rektory, QR UǴA akademıgi Er­lan Sydyqovqa usynys jasap, Muh­tar Áýezovtiń «Abaı joly» epopeıasynan úzindi oqý­dy ótindi. Rektor Erlan Bát­tash­­uly stýdent usynysyn qa­byl alyp, ádebı marafondy ál-Farabı atyndaǵy Qazaq ult­­­tyq ýnıversıtetiniń rekto­ry Ǵalymqaıyr Mutanov pen álemdi aýzyna qaratqan ánshi Dı­mash Qudaıbergenovke, QR má­denıet jáne sport mınıs­trliginiń Sport jáne dene­shy­nyqtyrý komıtetiniń tór­aǵasy, olımpıada chempıony Serik Sápıevke joldady.

L.N.Gýmılev atyndaǵy Eý­razııa ulttyq ýnıversıteti bas­taǵan aýqymdy marafonǵa ýnı­versıtetimizdiń jıyrma myńnan asa stýdentteri men eki myńǵa jýyq professor-oqytýshylary jáne sala qyzmetkerleri qo­syldy.

Endigi jerde Eýrazııa ulttyq ýnıversıtetiniń resmı saıtyn­da, áleýmettik jelilerde, Qazaq­stan tele­arnalarynda, kez kel­gen jas­­taǵy jáne ártúrli kásip­tegi adamdar Muhtar Áýezovtiń «Abaı joly» epopeıasyn aýdar­ma­­ny qoldana otyryp, qa­zaq já­ne orys tilinde oqıtyn bolady.

Sondaı-aq bul sharaǵa biz­diń Qazaqstannyń eń alys túkpi­rindegi oqyrmandar men shetelde turatyn qandastarymyz da belsene qatysady degen senimdemiz.

 

 

 

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar