Parlament • 15 Qańtar, 2020

Senatorlar nárestelerdiń der kezinde tekserilmeýine alańdaýly

29 retkórsetildi

Parlament Senatynyń depýtattary Erbolat Muqaev pen Narıman Tóreǵalıev Batys Qazaqstan oblysynyń Bórli aýdanynda bolyp qaıtty. Depýtattar aýdandyq aýrýhanada medısınalyq qyzmettiń jaı-kúıimen tanysty. Senatorlar sábılerdiń der kezinde tekserilmeýine jáne aýrýdyń aldyn alý sharalarynyń kenje qalyp otyrǵanyna alańdaýshylyq bildirdi. Bul týraly Parlament palatasynyń baspasóz qyzmeti habarlady. 

Keıingi jyldary balalardyń sóıleý men estý qabiletiniń buzylýy baıqalyp otyr. Dárigerler ony ata-analardyń jumysbasty bolyp, balalardy der kezinde tekserý men sporttyq damýyna nazar aýdarmaýyna baılanysty ekenin aıtty. Aýdanda salmaǵy aýyr balalar men eresekter sany artyp keledi.

Dárigerler qaýymy qazirgi kezde aýdanda túrli mamandyqtaǵy 15 dáriger jetispeıtinin jetkizdi. «Kadrlar tapshylyǵy basqa aımaqtardaǵy sııaqty 25 paıyzdyq aýyldyq jeńildikterdiń bolmaýyna baılanysty bolyp otyr. Aýdan ortalyǵynda sonymen qatar jeke medısınalyq klınıkalar da bar. Joǵary bilikti mamandar kóbirek jalaqy usynatyn mekemelerge ketedi», - dedi bıýdjet salasynyń qyzmetkerleri.

Depýtattar múmkindigi shekteýli balalar máselelerin de nazardan tys qaldyrǵan joq. Aýrýhana janyndaǵy ońaltý ortalyǵynda ortalyq júıke júıesi buzylǵan 40 bala esepte tur, mamandardyń kómegimen olardyń jartysy óz betinshe otyrýdy úırendi.

Senatorlar pedagogtarmen kezdesý barysynda Qazaqstan Respýblıkasynyń Bilim jáne ǵylym salasyn damytýdyń 2020-2025 jyldarǵa arnalǵan memlekettik baǵdarlamasyn jáne «Pedagog mártebesi týraly» jańa zańdy talqylady.

Oqytýshylar balabaqshalardaǵy tálimger tárbıeshilerge mekteptegi tálimgerlikke uqsas qosymsha aqy tóleýdi usyndy. N.Tóreǵalıev bul másele baqylaýǵa alynǵanyn jáne salalyq mınıstrlikter ókilderimen talqylanatynyn atap ótti. Pedagogtar sonymen qatar mektep, balabaqsha basshylarynyń eńbekaqysy týraly máselelerdi de kóterdi. Senator bilim berý mekemeleri basshylarynyń jalaqysy 2020 jyldan bastap kóteriletinin, sondaı-aq 2022 jyldan bastap basqarý sheberligi úshin qosymsha aqy tóleý josparlanǵanyn túsindirdi.

Aýdan aktıvimen kezdesý barysynda jańa sıpattaǵy ataýly áleýmettik kómekke qatysty jańalyqtardy, zorlyq-zombylyq pen mal urlyǵy úshin jaýapkershilikti qatańdatýǵa qatysty qylmystyq kodekske engizilgen túzetýler túsindirildi. Aýdan turǵyndary tarapynan Keńtúbek aýylynyń mártebesin anyqtaý, Jarsýat aýyly aımaǵynda Jaıyq ózeniniń jaǵasyn nyǵaıtý, memlekettik qyzmetkerlerdiń jalaqysyn kóterý jáne taǵy basqa máseleler kóterildi.

Sońǵy jańalyqtar

Almaty jasyl qalaǵa aınalady

Ekologııa • 17 Qańtar, 2020

Elimizde UFC TV telearnasy iske qosyldy

Sport • 17 Qańtar, 2020

Tátti ómirdi tárk etkender (vıdeo)

Vıdeo • 17 Qańtar, 2020

Kókshetaýda beti ashyq qudyq kóp

Aımaqtar • 17 Qańtar, 2020

Shymkentte Poezııa minberi ashyldy

Rýhanııat • 17 Qańtar, 2020

Bulandydaǵy berekeli is

Aımaqtar • 17 Qańtar, 2020

Mal baqqanǵa bitedi...

Aımaqtar • 17 Qańtar, 2020

Batys Qazaqstanda jańa jobalar maquldandy

Aımaqtar • 17 Qańtar, 2020

Kýveıt týrnırinde top jardy

Sport • 17 Qańtar, 2020

Gran-prı jarysyna qatysady

Sport • 17 Qańtar, 2020

Ekinshi qolany qorjynǵa saldy

Sport • 17 Qańtar, 2020

Atqa miný mádenıetin nasıhattady

Qoǵam • 17 Qańtar, 2020

Uqsas jańalyqtar