Aımaqtar • 16 Qańtar, 2020

Aýyldastarynan kómegin aıamaıdy

79 retkórsetildi

Aýyldaǵy mekteptiń tóbesin 15 kúnniń ishinde jóndetip berdi.

О́skemenniń irgesindegi Glýbokoe aýdanynda aýyldastarynan kómegin aıamaıtyn Atymtaı jomart azamattar az emes. Solardyń biri -  Tımýr Vısıtaev. Ol Veselovka aýylynda 2000 jyldan beri jumys istep kele jatqan, negizinen ósimdik sharýashylyǵymen shuǵyldanatyn «Vısıtaev R.D.» sharýa qojalyǵyna jetekshilik etedi.

tıma

Osy aýyldyq okrýgtiń ákimi Ǵabıt Ksembaevtyń aıtýynsha, kásipker aýyldastaryna únemi kómek qolyn sozyp otyrady. «Tımýr Rýslanuly byltyr 11 mıllıon teńge bólip, merdigerdi de ózi taýyp, aýyldaǵy mekteptiń tóbesin 15 kúnniń ishinde jóndetip berdi. Oblysta júzege asyrylǵan «Meniń mektebim» aksııasyna da belsene qatysyp, 5 mıllıon teńge bóldi. Jaz kezinde aýyl ishindegi joldarǵa qum tógip, qoqys shyǵarý jumystaryn uıymdastyrady. Al qysta aýyl ishindegi joldardy qar men muzdan tazartady. 2017 jyly aýyl mektebine 5 noýtbýk jáne 2 túrli-tústi prınter satyp alyp berdi. 2018 jyly kóktemgi tasqyn kezinde Zarechnoe aýylyndaǵy kópirdi sý alyp ketkende nysandy qalpyna keltirýge 6 mıllıon teńge aýdardy. Sonymen qatar «Balabın» sharýa qojalyǵymen birge Veselovka aýylyndaǵy Shýmelıha ózeni ústindegi jaıaý júrginshiler kópirin jóndeýge 350 myń teńge bóldi. 500 myń teńgege aýyldaǵy aıaldamany jóndetti. Qazir kóp jyl bos turǵan ǵımaratty jóndep jatyr. Ústine qonaqúı salyp, astyna jastar men balalar tynyǵatyn demalys ornyn jasamaqshy. Bir sózben aıtqanda, Tımýr qaıyrymdylyq jasaýda ákesiniń ónegeli isin jalǵastyryp keledi» deıdi ol.

tımýr

Tımýrdyń ózi qaı kezde de aryq aıtyp, semiz shyqqandy jón kóredi. «Biz osy jerde jumys istep, tabys taýyp jatyrmyz. Kómektesýge mindettimiz» degen ol alda jospar kóp ekendigin, óndiriske jańa tehnologııalardy engizip, tehnıkalaryn jańartyp, qol astyndaǵy qyzmetkerlerdiń jalaqysyn ósirgisi keletindigin jetkizdi. Jalaqy demekshi, bul sharýashylyqta jalaqy jyl saıyn kóteriledi eken. «Jalaqynyń joǵary bolýy, jumysymyzdyń ilgeri basýy astyqtyń shyǵymyna baılanysty. Qyzmetkerlerimizge qoldan kelgenshe kómektesemiz. Baspana alyp beremiz» deıdi Tımýr Vısıtaev.

Aýdandaǵy ósimdik sharýashylyǵymen aınalysatyn sharýa qojalyqtarynyń biri – «Berezovskoe» sharýa qojalyǵy. Grıgorıı Selıvanov jetekshilik jasaıtyn sharýa qojalyǵynda búginde 50 adam jumys isteıdi.

selıv

«Biz kúnbaǵys, bıdaı,  arpa, qara qumyq egemiz. Byltyr sharýa qojalyǵymyzǵa amerıkalyq astyq keptirgish qoıdyq. Jańa tehnıkalar alyp jatyrmyz. 7 kombaınymyz bar. Tehnıkalardy jóndeýmen de shuǵyldanamyz. Qysta aýyldaǵy kóshelerdi qardan tazartýǵa kómektesemiz. Bizge 4 kóshe berilgen» deıdi ol.

selı

Sharýa qojalyǵy qyzmetkerlerine kómektesýdi de umytpaıdy. Jyl saıyn ósimdik maıy men undy jarty baǵasyna beretin kórinedi. «Tımýr da, Grıgorıı de óz aýyldaryna ǵana kómektespeıdi, aýdan deńgeıinde ótetin barlyq sharalardan tys qalmaıdy. Bıznestiń áleýmettik jaýapkershiligin árkez esten shyǵarmaıdy. Týǵan jerleriniń naǵyz patrıoty. Biz mundaı jany jomart azamattarmen maqtanamyz. Oraıy kelgende aıta keteıik, Tımýr Vısıtaev 2019 jyly respýblıkalyq qaıyrymdylyq forýmynda «Jomart jan» tósbelgisimen marapattaldy» deıdi Glýbokoe aýdany ákiminiń orynbasary Sergeı Kımasov.

Shyǵys Qazaqstan oblysy,

Glýbokoe aýdany

 

Sońǵy jańalyqtar

Almaty jasyl qalaǵa aınalady

Ekologııa • 17 Qańtar, 2020

Elimizde UFC TV telearnasy iske qosyldy

Sport • 17 Qańtar, 2020

Tátti ómirdi tárk etkender (vıdeo)

Vıdeo • 17 Qańtar, 2020

Kókshetaýda beti ashyq qudyq kóp

Aımaqtar • 17 Qańtar, 2020

Shymkentte Poezııa minberi ashyldy

Rýhanııat • 17 Qańtar, 2020

Bulandydaǵy berekeli is

Aımaqtar • 17 Qańtar, 2020

Mal baqqanǵa bitedi...

Aımaqtar • 17 Qańtar, 2020

Batys Qazaqstanda jańa jobalar maquldandy

Aımaqtar • 17 Qańtar, 2020

Kýveıt týrnırinde top jardy

Sport • 17 Qańtar, 2020

Gran-prı jarysyna qatysady

Sport • 17 Qańtar, 2020

Ekinshi qolany qorjynǵa saldy

Sport • 17 Qańtar, 2020

Atqa miný mádenıetin nasıhattady

Qoǵam • 17 Qańtar, 2020

Uqsas jańalyqtar