Qazaqstan • 16 Qańtar, 2020

2019 jyly «Hımfarm» AQ óndiris kólemi 15% ósti

17 retkórsetildi

Bul ósimge negizinen quramynda alkaloıdter men antıbıotıkter bar dárilik zattar óndirisiniń artýy esebinen qol jetkizildi. Atap aıtqanda, alkoloıdter bar zattar ósimi 813 myń tonnadan 829 myń tonnaǵa jetse, sońǵy túri boıynsha ósim 112 myń tonnadan asty, ıaǵnı 57 myń tonnadan 169 myń tonnaǵa jetti. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Elimizdiń eń iri farmasevtıkalyq kompanııasy halyqaralyq GMP standarttaryna sáıkestigin dáleldeıtin birneshe sertıfıkatqa ıe. Onyń ishinde 2019 jyly «Hımfarm» AQ sterıldi emes eritindiler men sıroptar óndirýge, sondaı-aq CEF toby antıbıotıkteriniń aseptıkalyq sebilýi boıynsha GMP sertıfıkatyn aldy.

Farmasevtıkada aseptıkalyq óndiris eń kúrdeli bolyp sanalady. Onda standartty tehnologııalyq prosedýralardy saqtaýdan bólek, sterıldiliktiń qatań jaǵdaıyn jasap, qoldap otyrý kerek. Bul óz elimizde ǵana emes, syrtqy naryqtarda satý úshin farmasevtıkalyq ónimder óndirisiniń sapasyn jaqsartý baǵytynda úlken jumystar atqarylyp jatqanyn kórsetedi. Búgingi tańda zaýyt óz ónimderiniń 9%-yn Qyrǵyzstan, Reseı, Ýkranınaǵa eksporttaıdy.

Qazirgi ýaqytta kásiporynnyń óndiristik qýaty jylyna 420 mln dári-dármek, kapsýla jáne túıirshikter, 140 mln ıneksııalyq eritindisi bar ampýla, 37 mln antıbıotıkter untaǵy (sefalosporınder), 13 mln antıbıotıkter untaǵy (penemalar/mısınder), 3 mln suıyq peroraldi dárilik zattar óndirýge múmkindik beredi.

Uqsas jańalyqtar