Qoǵam • 17 Qańtar, 2020

Oqýshylar – Olımpıada júldegerleri

9 retkórsetildi

Oblystyq «Ertis daryny» qosymsha bilim berý oqý-ádistemelik ortalyǵynyń málimetinshe, 8-14 qańtar aralyǵynda Almatydaǵy Respýblıkalyq fızıka-matematıka mektebinde ótken HVI halyqaralyq Jáýtikov olımpıadasyna álemniń 21 elinen 599 qatysýshy kelip, Pavlodar oblystyq komandasy 1 altyn, 4 kúmis jáne 2 qola medalǵa ıe boldy.

Oblys ortalyǵyndaǵy hımııa-bıo­logııa baǵytyndaǵy Nazarbaev zııat­kerlik mektebiniń 12-synyp oqý­shysy Dııar Tú­lenov taǵy da Altyn medalǵa ıe bol­­dy.

– Bizdiń Dııar atalǵan olımpıadaǵa qatysyp, buǵan deıin de 2 ret altyn medal alǵan edi. Ol – óte daryndy oqýshy. Dııardy 7-synyptan bastap olımpıadaǵa daıyndap kelemin, – deıdi fızıka páni­niń ustazy Nazymgúl Kárimova.

Dııar Túlenov 2017 jyly qola medal, 2018, 2019 jyldary altyn medal ıegeri atanypty. Ol elimizdegi eń myqty 8 fızıktiń qataryna engen oqýshy.

Ustazy Nazymgúl apaıynyń aıtýynsha, Dııar Qazaqstannyń atynan Halyqaralyq fızıka olımpıadalaryna qatysyp, júldeli oryndardy ıelenip júr. Qazir Dııardyń qolynda Reseı joǵa­ry ekonomıka mektebi, Nazar­baev Ýnıver­sıteti, Qazaq-Brı­tan ýnı­ver­sıtetteri bergen granttary bar. Jáne de IELTS halyqaralyq emtıha­ny­nyń nátıjesi boıynsha da joǵary kórset­kishke ıe – 8,0 upaıdy jınady.

Iá, bilimdi oqýshylar erteńgi el erteńi. Qazaq jastary úshin tehnıkalyq bilim alý, fızıka, matematıka, hımııa salasyn ıgerý qazirgi tehnologııalar zamanynda asa qajet. Jyl saıyn ótetin Jáýtikov halyqaralyq olımpıadasynyń maqsaty da osy, oqýshylardy fızıka-matematıka ǵylymdaryna qyzyqtyrý, olımpıada arqyly elimizdiń fızıka-matematıka baǵytyndaǵy bilim alyp júrgen oqýshylardyń joǵary deńgeıin kórsetý.

Sonymen birge olımpıadada fızıka jáne matematıka baǵytyndaǵy ma­man­­dandyrylǵan mektepter ara­syn­da ótken oblys komandasynyń qura­mynda №8 mektep-lıseı oqýshylary Anton Draganchýk, Mıras Qoblan, Ivan Ýkolov, Dinmuhammed Rahymjanov, Vla­dımır Lım, «Bilim-ınnovasııa» lıseı-ınternatynyń oqýshylary Bekzat Áýbákir, Rýstem Hasanov, Álıhan Abı­has, kóptildi lıseı-ınternatynyń oqý­shysy Serik Qurmashev ta boldy.

Fızıka páni boıynsha joǵary nátı­je­ler kórsetken Anton Draganchýk – al­tyn medal, Dinmuhammed Rahym­janov, Vla­dımır Lım, Mıras Qoblan – kúmis medaldy (muǵalimi A. Bılıda) ıelendi.

Al matematıka páni boıynsha­ №8 lı­seı-mektebiniń oqýshysy Ivan Ýko­lov kúmis medalǵa (muǵalimi T.Rýbsova), «Bi­lim-ınnovasııa» lıseı-ınternatynyń 11-synyp oqýshysy Bekzat Áýbákir – qo­la­­ medalǵa (muǵalimi E. Shaıhyǵalı) ıe­ bol­dy.

Informatıka páni boıynsha  «Bilim-ınnovasııa» lıseı-ınternatynyń 10- synyp oqýshysy Álıhan Abıhas qola medaldy (muǵalimi A. Isın ) ıelendi.

Olımpıada sońynda ozat oqýshy­larǵa Qazaqstan-Brıtan tehnıkalyq ýnıver­sıtetiniń, Halyqaralyq aqparat­tyq tehno­logııalar ýnıversıtetiniń grant­­tary berildi.

 

PAVLODAR

 

Sońǵy jańalyqtar

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar