Tehnologııa • 17 Qańtar, 2020

Biryńǵaı qýattaǵysh shyǵarýdy mindettemek

31 retkórsetildi

Eýroparlament búkil uıaly telefon óndirýshilerdi biryńǵaı qýattaǵysh shyǵarýǵa mindettemek. Buǵan búkil smartfondar, planshetter men elektrondy kitap oqıtyn qurylǵynyń bári kiredi. Qazirgi tańda ár kompanııa túrli qýattaǵysh shyǵaratyny belgili.

Zań jobasyn usynýshy­lardyń aıtýynsha, mundaı qadamǵa barýǵa elektrondy qurylǵylardan qalatyn qoqys áser etip otyr. «Qýat­taǵyshtardyń ártúrli bolýy qoldaný úshin ǵana tıimsiz emes. Jyl saıyn elektrondy qurylǵy qoqysyn 51 000 tonnaǵa arttyryp otyr. Bul – óte kóp», deıdi Eýropa par­la­mentiniń múshesi Hılde Vaýtmans.

Eýroparlamenttiń taǵy bir depýtaty Petra de Sıýtter­diń sózine qaraǵanda, búkil tele­fon­ǵa ortaq qýattaǵyshtyń bol­maýynyń basty sebebi – alpaýyt kompanııalardyń lobbı jasaýynda jatyr. Máse­len, Apple kompanııasy naryq­taǵy óz júıesin ustap qalýdy kózdeıdi.

«Qart qurlyqta» mundaı joba alǵash ret usynylyp otyrǵan joq. 2009 jyly Eýro­palyq komıssııa elektrondy qurylǵy óndirýshilermen kelisip, biryńǵaı qýatta­ǵysh shyǵarýǵa kelisken bol­a­­­tyn. Tipti kez kelgen kelisimge kóne qoımaıtyn Apple kompa­nııa­sy da mundaı talapqa kó­nip, Eýropalyq odaqta qol­da­ny­latyn arnaıy qýat­taǵysh shy­ǵarǵan-tuǵyn.

Alaıda, bul bastama erikti túr­de júrgendikten, 2014 jy­ly onyń merzimi aıaqtaldy. Sóı­­tip elekt­rondy qurylǵy ón­­dirýshiler qaı­tadan burynǵy ánine basqan-dy.

Jalpy, biryńǵaı qýat­ta­ǵysh shyǵarý eń áýeli Apple kom­panııasyna áser etpek. О́ıt­keni Huawei, Samsung sekildi telefon naryǵyndaǵy úlken kompanııalar USB-C qýattaǵy­shyn qoldanady. Apple sekildi keıbir óndirýshiler ǵana qu­ryl­ǵy­laryn derbes qýat­taǵysh túrine beıimdegen.

2018 jyly Eýropalyq par­­­la­ment qaıtadan bastama kóterip, elekt­rondy qurylǵy na­ry­ǵy­na qatysy bardyń bárin únqosý­ǵa shaqyrdy. Kóp uzamaı Apple osyǵan baılanysty arnaıy málimdeme jasaǵan-dy. Kom­­panııanyń sózine súıensek, mun­daı talap telefon qýatta­ǵy­shyn shyǵarýshylardyń jumy­sy­na kedergi keltiredi. О́ıt­keni olar izdenip, jańasha ádis usyný­dyń ornyna bir orynda turaqtap qalmaq.

Sondaı-aq Apple ekologııa­lyq taza qýattaǵysh shyǵarýdy qolǵa alǵanyn da alǵa tart­­ty. Qazirgi tańda 1 mıllıardqa jýyq osyndaı ónim saýdaǵa shy­ǵarylyp úlgeripti. Degenmen kompanııa saqtyq retinde keı­bir ónimderin USB-C túrine aýystyra bastady.

Eýropa parlamentindegi búkil saıa­sı toptar da bul jobany qol­­dap otyr. Osyǵan baılanys­ty qarar aqpanda daýys berýge usy­­ny­l­maq. Qysqa­sy, alda-ja­lda Eý­ro­palyq parlament Apple se­kil­di komp­a­nııa­lardy biryń­ǵaı qýat­­­­ta­ǵysh shyǵarýǵa min­det­te­se, mu­­nyń búkil álemge áser ete­ti­nin bol­­jaý qıyn emes. О́ıt­keni túrli na­ryqqa arnap bir­neshe qýat­taǵysh shyǵarǵannan, bir túrin ǵana óndirgen tıimdi bolatyny túsinikti.

 

Sońǵy jańalyqtar

Basty aqparat (19.02.2020)

Vıdeo • Búgin, 18:52

Qyzylorda: Bıyl 10 iri joba júzege asady

Aımaqtar • Búgin, 18:52

Zańger kóp, kúzetshi joq

Qoǵam • Búgin, 17:49

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Uqsas jańalyqtar