Álem • 17 Qańtar, 2020

Senat Trampqa ımpıchment jarııalaı ma?

25 retkórsetildi

О́kilder palatasy AQSh prezıdenti Donald Trampqa jarııalanǵan ımpıchment qujatyn resmı túrde Senatqa tapsyrdy. Endi joǵarǵy palata ókilderi Aq úı basshysynyń taǵdyryn maıshammen qaramaq.

Esterińizde bolsa, ótken aıda О́kilder palatasy kópshilik daýyspen D.Trampqa ımpıchment jarııalaý týraly sheshim qabyldaǵan-tuǵyn. Alaıda, palata spıkeri qujatty Senatqa berýge asyqpaǵan-dy. Aqyry uzaq ýaqyt talqyǵa túsken qujat márege jaqyndap keledi.

AQSh prezıdenti D.Tramp bıylǵy saılaýdaǵy basty qarsylasy Djo Baıdenniń Kıevtegi áreketin teksertý maqsatynda Ýkraınaǵa qupııa túrde 391 mıllıon dollar berdi degen kúdikpen aıyptalyp otyr. Sondaı-aq О́kilder palatasy ımpıchment máselesin qarastyrý kezinde keı qujattardy jasyryp, kýágerlerge kedergi jasady dep esepteıdi.

О́kilder palatasynyń spıkeri Nensı Pelosıdiń aıtýynsha, mundaı qujattyń qabyldanýy árdaıym qıyn. «Prezıdenttiń áreketi ulttyq qaýip­siz­digi­mizge nuqsan keltirip, óz ákimshiliginiń abyroıyn tógip, daýys berý barysyn buzyp, osyndaı jaǵ­daıǵa jetkizgeni elimiz úshin óte ókinishti, óte qıyn. Prezıdent bárine jaýap berýi tıis. Eshkim zańnan joǵary emes», dedi ol ımpıchment qujatyna qol qoıý rásiminen keıin.

Osylaısha, joǵarǵy palata ókilderi Tramptyń taǵdyryna qatysty qujatty 21 qańtardan bastap eg­jeı-tegjeıli zerttemek. Impıchmentti qaraý tártibi de erekshe. Áýeli qujat Senatta oqylýy tıis. Sodan keıin palata depýtattary men Joǵarǵy Sot ant beredi. Sodan keıin ǵana qujat jumysqa alynady.

Ant berý rásimi aıaqtalǵan soń Senat arnaıy hat ázirlep, D.Trampty parlamenttik tyńdalym­ǵa shaqyrady. Negizi atalǵan jıynǵa Aq úı bas­shy­synyń qatysýy mindetti emes. D.Tramp óz ornyna senim bildirgen ókilin jiberýine múmkindigi bar.

D.Tramp ózine taǵylǵan aıyptarmen kelispeıdi. AQSh prezıdenti О́kilder palatasynyń tóraǵasy Nensı Pelosıge hat joldap, ony Amerıka demo­kra­tııasyna soǵys ashty dep kinálaǵan. Prezı­dent ákimshiligi de bárin joqqa shyǵaryp otyr. «Pre­zıdent Tramp eshqandaı óreskel áre­ket jasaǵan joq. Sondyqtan onyń aqtalyp shyǵaty­nyna senimdimiz», delingen Aq úı taratqan málim­demede.

Aıta keterligi, AQSh Senaty óz tarıhynda úshinshi ret qana ımpıchment máselesin qarastyrmaq. О́kilder palatasy 1868 jyly Endrıý Djonsonǵa, 1998 jyly Bıll Klıntonǵa qatysty is qozǵaǵan-dy. Áıtse de, Senat eki prezıdentti de aqtap shyq­qan-tuǵyn. Qazirgi tańda Senatta 100 depýtat bar. Onyń 53-i respýblıkashyl, 45-i demokrat, qalǵan ekeýi partııasyz. D.Trampty óz quzyretin asyra paıdalandy dep taný úshin palata depýtattarynyń úshten ekisi ımpıchment qujatyn qoldap daýys berýi kerek. Alaıda, Senatta Aq úı basshysy­nyń jaq­tastary – respýblıkashylardyń kóp ekenin eskersek, D.Trampqa ımpıchment jarııalanýy ekitalaı.

О́kilder palatasy ımpıchment qujatyn Senat­qa tapsyrǵannan keıin D.Trampqa taǵylǵan aıypqa qatysty jańa derek tabyldy. Onda AQSh prezıdentiniń joldaǵan hattary, telefon arqyly sóılesýi, jazbalary bar. Bul dálelderdi bıznesmen Lev Parnas tergeýshilerge tapsyrǵan eken. L.Parnas kezinde D.Tramptyń jeke zańgeri bolǵan Rýdolf Djýlıanımen jaqyn aralasyp, derekterdi sodan alǵan kórinedi.

Sondaı-aq taǵy bir másele áli sheshilmeı tur. Joǵaryda aıtylǵan derekter men kýágerlerdi tyńdalymǵa shaqyrý úshin Senat daýys berýi kerek. Alaıda, Senat quramynyń kópshiligi respýblıkashylar ekenin eskersek, tyń málimetter eskerilmeı qalýy yqtımal. Qysqasy, AQSh-ta saılaý aldynda saıası jaǵdaı shıelenisip tur.

 

Sońǵy jańalyqtar

Basylym basshylary - Ýálıhan QALIJAN (1948)

Basylym basshylary • Búgin, 16:57

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

О́ner mýzeıindegi ózgeshe kórmeler

Aımaqtar • Búgin, 09:12

Alısa – Arqa tósinde

Aımaqtar • Búgin, 08:03

Uqsas jańalyqtar