Úkimet • 17 Qańtar, 2020

Toqyma klasterin qalpyna keltirýge jasalǵan qadam

14 retkórsetildi

Premer-Mınıstrdiń orynbasary Roman Sklıar Shymkent qalasyna sapary kezinde ótkizý qabileti saǵatyna 2000 jolaýshyny quraıtyn Shymkent áýejaıynyń jańa termınalynyń qurylysymen tanysty.

Ondaǵy qurylys-montaj jumystarynyń birinshi kezeńi aıaqtalǵanyn jetkizgen jaýapty mamandar ekinshi kezeń­niń qurylysyn «Alıans Kon­trakt Qurylys» JShS júze­ge asyratynyn tilge tıek etti. Qazirgi tańda qurylys-mon­taj jumystary 2 aýysymda júr­gizilip, 115 jumysshy, 10-ǵa jýyq arnaıy tehnıka tartylǵan. Jańa termınaldyń qurylysyn osy jyldyń qazan aıynda aıaq­taý kózdelgen.

Tuńǵysh Prezıdent – Elbasy Nursultan Nazarbaevtyń jáne Memleket basshysy Qasym-Jomart Toqaevtyń Shymkent qalasyn damytý jónindegi tapsyrmalarynyń oryndalýyn pysyqtaý maqsatynda kelgen vıse-premer odan ári toqtap turǵan «Melanj» AQ toqyma fabrıkasynyń jáne burynǵy «Iýteks» AQ tigin fabrıkasyn iske qaıta qosý barysyndaǵy atqarylyp jatqan jumystarymen tanysty. Aıta keterligi, bul kásiporyndardyń múlik menshigi «Qazaqstannyń ınvestısııalyq qory» AQ-ǵa tıesili.

Elimizde jeńil ónerkásipti damytýǵa erekshe kóńil bólinip kele jatqanyn aıtqan Úkimet basshysynyń orynbasary úshinshi megapolıste shaǵyn kásipkerlikti kóptep qolǵa alý keregin aıtty.

Esterińizge sala keteıik, 2019 jylǵy 21 maýsymda Tash­kent qalasynda qol qoıylǵan Qazaq­stan men О́zbekstan arasyndaǵy ekijaqty yntymaqtastyq jó­nindegi birlesken úkimetaralyq komıssııanyń 18-otyrysynyń hattamasyna sáıkes, eki el arasyndaǵy taýar aınalymyn ózara ulǵaıtý boıynsha usy­nystar ázirleý jónindegi jumys toby sheńberinde kórshi­les О́zbekstan tarapymen bir­lesken toqyma klasterin qurý máselesin qarastyrý qajettigi jaıly kelisimge qol jetkizilgen bolatyn. Hattamany oryndaý úshin «Qazaqstannyń ın­vestısııalyq qory» AQ men О́zbekstannyń «Alliance Textile» jeńil ónerkásip kásiporyndary qaýymdastyǵy arasynda ótken jyldyń 22 maýsymynda strategııalyq yntymaqtastyq týraly shekti kelisim jasaldy. Keıinnen taraptar Shymkent qalasynda ornalasqan menshik quqyǵyndaǵy atalǵan qorǵa tıesili toqyma fabrıkalaryn basqarý jónindegi jol kartasyn ázirledi. Osy jol kartasyn oryndaý barysynda «ALLIANCE» saýda-óndiris kom­panııasy» JShS birlesken kásip­orny quryldy. Jol kartasy sheńberinde jóndeý-qalpyna keltirý jumystarynyń tizimi, ony oryndaý jáne toqyma fabrıkalaryn iske qosý merzimderi anyqtaldy. Oǵan qosa qajetti qosalqy bólshekter satyp aly­nyp, tehnıkalyq aýdıt júrgi­ziledi. Jol kartasynyń 1-kezeń­inde 7 jyl boıy toqtap turǵan «ALLIANCE» saýda-óndiris kompanııasy» JShS (buryn­ǵy «Iýteks» AQ) jip ıirý fab­rıkasy 2019 jylǵy 5 jeltoq­sanda iske qosylyp, 120 adam jumyspen qamtyldy. Ekinshi kezeńde «Iýteks» AQ tigin fabrıkasyn bıylǵy mamyr aıyn­da, al burynǵy «Melanj» AQ aǵymdaǵy jyldyń jeltoq­sa­nynda qaıta iske qosý jospar­lanǵan.

Shymkent qalasynyń ákimi Erlan Aıtahanovtyń aıtýynsha, jol kartasynyń júzege asyrylýy, toqyma kásiporyndarynyń qaıta iske qosylýy úshinshi megapolıs úshin óte mańyzdy. Bú­ginde ákimdik tarapynan óndiristi iske qosýǵa jáne kásip­kerlikke meılinshe qoldaý kór­setilip, ınfraqurylymyn qalpyna keltirý (elektrmen, sýmen jabdyqtaý jáne sý burý júıelerine qosý) jumystary qarqyndy júrýde.

Atalǵan fabrıkalardy iske qosý Shymkentte toqyma klasterin qalpyna keltirýge jol ashady. Bul elimizde óńdeletin maqta kóleminiń 2 esege ósýin qamtamasyz etip, 800 adamdy jumyspen qamtýǵa septigin tıgizedi.

 

ShYMKENT

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar