Qoǵam • 17 Qańtar, 2020

Shahar qurylysyna úles qosqym keledi

94 retkórsetildi

Memleket basshysy Qasym-Jomart Toqaevtyń Prezıdenttik jastar kadr rezervin jasaqtaý týraly bastamasyn alǵash estigende osy jobaǵa qaty­syp, baǵymdy synap kóremin dep talaptandym. Qazir bul synaqtyń bar­lyq kezeńinen súrinbeı ótip, elimizdiń bilimdi, bilikti, jigerli 300 jas aza­matynyń qatarynan tabylǵanyma qýanyshtymyn. Kadr rezervine úmitti bolǵan 13 myńnan asa jastyń bári jalyndap tur. Olardyń arasynan eń myqtylary sýyrylyp shyqty. Sondyqtan barynsha ashyq jáne ádil ótken irikteýdiń nátıjesinde memlekettik qyzmet salasynyń jumysy aıtarlyqtaı ilgerileıtinine senemin.

Prezıdenttik jastar kadr rezervi bas­tamasy elimizdi jańǵyrtýǵa baǵyt­talǵan ıdeıalarymyzdy júzege asy­rýǵa berilgen múmkindik dep bile­min. Bolashaqta men elimizdiń eldi me­kenderin damytý baǵytynda ju­mys isteýdi josparlap otyrmyn. О́ńir­ler­diń órkendeýine barlyq biligim men tájirıbemdi, kúsh-jigerimdi salamyn. Qazirgi ýrbanızasııanyń belsendi jú­rip jatqan, halyqtyń 60%-y qalalarda ómir súrip jatqan shaqta meniń atqarar ju­mysym paıdaly bolady dep oılaımyn.

Mektepte oqyp júrgende elordaǵa qydyryp keletinmin. Sol kezde jańa qala qurylysynyń qarqynyna qaı­ran qalyp, men de bas qalanyń «bir kir­pishin» qalaýdy armandadym. 2006 jyly mektepti bitirgennen keıin «Bolashaq» baǵdarlamasynyń arqa­syn­da muhıt asyp, AQSh-taǵy Arızona ýnıversıtetinde qalany jobalaý jáne tur­ǵyn úı qurylysy mamandyǵy bo­ıynsha bilim aldym. 2010 jyly elge oralyp, eńbek jolymdy «Astana bas jospary» ınstıtýtynan bas­tadym. Osy tusta bala armanyma jol ashyldy. Kóptegen aıtýly jobaǵa qatysyp, sonyń ishinde Saltanat qaqpasy, Indýs­trıal­dy aımaq, Botanıkalyq baq sııaq­ty nysandardyń qurylysyna atsalystym.

2013 jyly Nazarbaev Ýnıver­sı­te­ti qurylysynyń ekinshi kezeńinde jumys istedim. Al 2016 jyly elorda­daǵy kók tiregen Talan Towers ǵıma­ra­ty­nyń qurylys alańyn basqardym. Onda eńbekti qorǵaý jáne órt qaýip­siz­digine jaýapty bolyp, klınıngke, munaraly krandarǵa, nysanǵa kirip-shyǵý, medısınalyq beketterge jetekshilik jasadym. Tótenshe oqıǵa­larǵa jol bermeı, jobany sátti aıaqtap shyqtym. 2017 jyly nysan paı­dalanýǵa berilgennen keıin 20-qabatta ornalasqan «Kaskad» bıznes orta­lyǵyna basshylyq ettim. Men uıym­das­tyrǵan ortalyqtaǵy oryndardy jalǵa berý kórsetkishi eki jylda 20%-ǵa kó­terildi.

Qalalardyń ósý úrdisi – qarqyndy. Munymen qosa týyndaıtyn yqtımal máseleler de kóbeıedi. Bul – qalalarda tıisti jaılylyǵynyń bolmaýy, jol jáne áleýmettik ınfraqurylymdarǵa túsetin salmaqtyń shamadan tys artýy sııaqty máseleler.

Bizdiń elimizde iri qalalar da bel­sen­­di damyp jatyr. Nur-Sultan, jańa oblys ortalyǵy Túrkistan, Almaty – G4 city jobasy, Shymkent jáne Aqtaý qalalary órkendeýde. Jańa qurylys qalanyń bas jospary negi­zin­de júrgiziledi. Onda joldardyń reti, aýmaqtardyń bólinýi, qurylys nysandarynyń bıiktigi – bári egjeı-tegjeıli josparlanady. Alaıda, bul tásilde salynyp qoıǵan aýdandardyń tyǵyzdyǵy eskerilmeıdi. Sondyqtan qu­rylys jobalaryn maquldaý rásim­de­rine turǵyndardy da tartý kerek. Bul ári «Halyq únine qulaq asatyn memleket» tujyrymdamasymen de úılesedi.

Másele­lerdiń mańyzdysy – qala­ny­ń turǵyndarǵa barynsha qolaıly bolýyn tolyq qarastyrý. Kelbeti kóz tartatyn ǵajap ǵımarattar men aýdan­dar qalany áspetteýi múmkin. Biraq keıde ádemi oramdardyń ishi yǵy-jyǵy bop jatady, aýlalar kólikterdiń retsiz tu­raǵyna aınalady.

Men Qazaqstannyń qalalarynyń álemdik arenada úlgili bolatyndaı ále­ýeti baryna senimdimin. Bul úshin tyń kózqaras, jańa tásilder kerek. Ár­bir turǵyn ózi turatyn mekenniń má­selelerine beıjaı qaramaýy qajet. Tur­ǵyn­dardyń talap-tilegi eskeriletin bolsa, olar osyndaı iri jobalaýǵa, bıýdjetterdi josparlaýǵa belsene qatysa bastaıdy.

 

Ulybek QIMANOV,

Talan Towers Lynks Property Management basqarý kompanııasynyń qyzmetkeri

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar