Rýhanııat • 18 Qańtar, 2020

Shymkentte aptanyń bir kúni poezııaǵa arnalady

112 retkórsetildi

Shymkent qalasynda «Mártebeli poezııa minberi» atty  rýhanı baǵdarlama bastaý alǵan bolatyn. Bul týraly Shymkent qalasy ákimdiginiń baspasóz qyzmeti habarlady.

Prezıdent Qasym-Jomart Toqaev «Abaı jáne HHI ǵasyr» maqalasynda «Abaı Qunanbaıulynyń 175 jyldyǵyn atap ótý toı toılaý úshin emes, oı-órisimizdi keńeıtip, rýhanı turǵydan damýymyz úshin ótkizilmek» degen bolatyn. 

Osy turǵyda qaıyrymdy qala turǵyndaryn rýhanı azyqtandyrý maqsatynda ár juma poezııa kúnine arnalmaq. Sharaǵa TMD elderi men respýblıkaǵa tanymal belgili aqyndar arnaıy shaqyrtylyp, minberde oı men sezimnen týyndaǵan parasatty jyrlar oqylmaq. Apta saıyn ótkiziletin osynaý rýhanı shara Uly Abaıdyń óleńderi men qara sózderin oqýmen bastalatyn bolady.

Poezııa kúniniń alǵashqy qonaǵy jazýshylar Odaǵynyń tóraǵasy, aqyn, jýrnalıst,  Qazaqstannyń eńbek sińirgen qaıratkeri  Ulyqbek Esdáýlet boldy. 

«Otyrar» kitaphanasynda ótken poezııa keshinde qalamgerdiń óleńderi oqylyp, shyǵarmashylyǵynan kitaptar kórmesi qoıyldy.

1

Poezııa keshiniń saltanatty ashylýynda sóz alǵan qala ákimi Erlan Aıtahanov atalǵan sharanyń mán-maqsatyna toqtalyp, rýhanı baılyq-adamgershilik negizi ekenin atap ótti.

«Búgingi kúnniń ózekti máselesi jas urpaqqa-adamgershilik-rýhanı tárbıe berý. Qundy qasıetterge ıe bolý, rýhanı baı adamdy qalyptastyrý onyń týǵan kezinen bastalýy kerek. Halyqta «Aǵash túzý ósý úshin oǵan kóshet kezinde kómektesýge bolady, al, úlken aǵash bolǵanda ony túzete almaısyń» dep beker aıtylmaǵan. Sondyqtan balanyń boıyna jastaıynan izgilik, meıirimdilik, qaıyrymdylyq, ıaǵnı adamgershilik qundy qasıetterdi sińirýimiz qajet. Osy turǵyda atalǵan rýhanı baǵdarlamanyń urpaq tárbıesinde alar orny zor bolady dep senemin» dedi Erlan Qýanyshuly. Shahar basshysy óz sózin Uly Abaıdyń bir shýmaq óleńimen qorytyndylady.

Poezııa keshine kórshiles О́zbekstan Respýblıkasynan delegattar men elimizge belgili Marhabat Baıǵut, Hanbıbi Esenqaraqyzy syndy aqyn, jazýshylar, zııaly qaýym ókilderi men jastar qatysty.

Onda stýdent jastar men mektep oqýshylary Abaı Qunanbaıulynyń óleńderin jatqa aıtyp, qara sózderinen úzindi oqydy. Budan bólek kesh qonaǵy Ulyqbek Esdáýlettiń óleńderi de oqyldy.

Qalamger Ulyqbek Esdáýlet «Qanat qaqty», «Juldyz jaryǵy», «Aptaıdyń altyntamyry», «Ulystyń uly kúni», «Aq kerýen», «Jaratylys», «Júrektegi jarylystar», «Altaı asýlary», «Zaman-aı», «Kıiz kitap»  syndy kitaptar men «Ahıllestiń ókshesi» óleńder jınaǵynyń, qazaq tilindegi «Yntyq zar», «Ábilhaıat» 5 tomdyq shyǵarmalar jınaǵy men

«Semeı-Nevada» qozǵalysynyń ánurany jáne «Zaman-aı» áni sózderiniń avtory. Aqynnyń shyǵarmalary  birneshe shet tilderine aýdarylǵan. 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar