Qoǵam • 18 Qańtar, 2020

Nur-Sultanda qar kúni atap ótiledi

32 retkórsetildi

Elordada qar kúni merekesi 19 qańtarda saǵat 12.00-de Ortalyq saıabaqtyń shańǵy-rollerlik trassasynda ótedi. Is-shara aıasynda 18 jasqa deıingi balalar arasynda shańǵy tebýden jarys, syrǵanaqtar men ózge de oıyn-saýyq túrleri uıymdastyrylady. Bul týraly Nur-Sultan qalasy ákimdiginiń baspasóz qyzmeti habarlady.


 

Bul kún Halyqaralyq shańǵy federasııasynyń (FIS) bastamasy boıynsha jyl saıyn qańtar aıynyń úshinshi jeksenbisinde álemniń 40-tan astam elinde toılanady.

Mereke maqsaty – adamdardyń, ásirese balalardyń qysqy sport túrlerine qyzyǵýshylyǵyn arttyrý. Shara shańǵy jarystarynyń Ulttyq Federasııasy men qala ákimdigi tarapynan uıymdastyryldy.

«Biz úshin osyndaı is-sharalar óte mańyzdy. Sol arqyly balalardyń sportqa degen súıispenshiligi artyp, árbir balaqaı ózin naǵyz chempıon retinde sezinedi. Al biz úshin bolashaq chempıondarymyzdyń áleýetin ashý, oǵan sporttyń qyzyqty, kóńildi ekenin kórsetý paryz. Sebebi, sport tek qýanysh qana emes, densaýlyq ta syılaıdy» dedi shańǵy jarystarynyń ulttyq federasııasynyń birinshi vıse-prezıdenti Nıkıta Devıatkın.

Jas shańǵyshylar men jankúıerlerdi kóńildi jattyǵýlar, dıskoteka, oıyn starttary, «bananda» jáne «tıýbıngte» syrǵanaý kútýde. Qajet bolǵan jaǵdaıda qatysýshylarǵa sporttyq jabdyqtar (shańǵy, aıaq kıim, taıaqsha) tegin beriledi.

«Árıne, biz seriktesterimizge rızamyz, olardyń qoldaýy osyndaı is-sharany uıymdastyrýǵa múmkindik berdi. Meniń oıymsha, memlekettik organdar men men bıznestiń sporttyń damýyna birge úles qosýy jaqsy úlgi bolyp tabylady.Bul arqyly biz balalardyń damýyna jaǵdaı jasaımyz. Tek deni saý ári myqty urpaq qana gúldengen qoǵam qura alady» dedi Esil aýdany ákiminiń orynbasary Dármenııar Qydyrbek-uly.

Jarys qatysýshylary jeti jas toby boıynsha bólinedi. Árbir top úshin shańǵy tebýdiń ózindik qashyqtyǵy men pán túri anyqtalady.

Alty jáne odan kishi jastaǵy qatysýshylar shańǵymen 120 metrdi syrǵanap ótýi tıis, al 16-18 jas aralyǵyndaǵy uldar 5 shaqyrymdy baǵyndyrsa, qyzdar 3 shaqyrymdaǵy qashyqtyqqa jarysatyn bolady.

Barlyq qatysýshylarda tirkeýden ótý úshin jeke basyn kýálandyratyn qujat bolýy shart. Is-shara ótkiziletin aýdanda shańǵy quraldaryn jalǵa berý pýnkti jumys isteıdi. Jarysqa shyńǵymen syrǵanaı alatyn kez kelgen adam qatysa alady.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar