Qazaqstan • 18 Qańtar, 2020

Elordada gaz qondyrǵylaryna tekseris júrgizilýde

18 retkórsetildi

Nur-Sultan qalasynyń Qalalyq orta sapasy jáne baqylaý basqarmasy elordanyń túrǵyn úı sharýashylyqtarynda gaz qondyrǵylarynyń jumysyna tekseris júrgizip jatyr, dep habarlady qala ákimdiginiń baspasóz qyzmeti.


О́tken jyly basqarma qyzmetkerleri 1 400 rezervýarlyq qondyrǵylardy tekseristen ótkizdi. Onyń nátıjesi boıynsha «AstanaGazQyzmet» JShS-niń menshik ıesine eskertýlerdi joıý maqsatynda 340 anyqtama berildi. Qazirgi ýaqytta seriktestik ıesi atalmysh máselelerdiń barlyǵyn retke keltirgen.

Búgingi kúni qalada 340 jınaqtama rezervýarlyq qondyrǵylar, 1400 jer astyndaǵy rezervýarlary bar.

Qazaqstan Respýblıkasynyń № 532-IV «Gaz jáne gazben jabdyqtaý týraly» Zańyna sáıkes eki qabattan asatyn kóp páterli turǵyn úılerde turmystyq ballondarda suıytylǵan munaı gazyn saqtaýǵa jáne (nemese) paıdalanýǵa tyıym salynady.

Búgingi kúni páter ıelerimen, basqarýshy uıymdarmen (PIK, TQK), zańdy tulǵalarmen turmystyq ballondarda suıytylǵan gazdy paıdalaný máselesin túsindirý boıynsha 556 oqytý jumysy júrgizildi. Onyń barysynda eki qabattan joǵary qabatty ǵımarattarda ballondardy paıdalanýdyń 34 jaǵdaıy anyqtaldy.

Sonymen qatar 807 TQSh-nyń ishki gaz qubyrlarynyń tekserilýi júrgizilip, onyń nátıjesinde krandardy aýystyrý boıynsha 807 anyqtama berildi. Qazirgi tańda 914 kran aýystyryldy. Osy máseleni keshendi túrde sheshý úshin Qalalyq orta sapasy jáne baqylaý basqarmasy «AstanaGazQyzmet» JShS jáne «Báıterek» PIK qaýymdastyǵynyń arasyndaǵy kelisimge qol qoıdy. Kelisimniń sheńberinde, «AstanaGazQyzmet» JShS 104 gaz qyzmetiniń nómiri boıynsha Nur-Sultan qalasynyń turǵyndarynan ótinimderge aqysyz táýlik boıy jaýap qaıtarady.

Al buryn, apattyq qyzmetin shaqyrý úshin astanalyqtar 5000 teńge somasyndaǵy aqy tóleıtin. Sondaı-aq kompanııa qaladaǵy gazǵa qosylǵan barlyq kóppáterli turǵyn úılerindegi kireberis ishki júıelerinde qyzmet kórsetedi. Basqarmanyń berilgen anyqtamalaryna sáıkes aýystyrýdy talap etetin ishki kireberis gaz qubyrlaryndaǵy barlyq qrandardy almastyrady. Júrgizilgen jumystar nátıjesinde, jazbasha ótinishter sany 95%-ǵa tómendedi.

Al iKomekke kelip túsetin turǵyn úılerdiń aýlalary men kireberisterindegi gaz aǵýy boıynsha ótinishter sany 90%-ǵa azaıǵandyǵyn aıta ketken jón.


Sońǵy jańalyqtar

Pavlodarda ekobazar ashyldy

Aımaqtar • Keshe

Uqsas jańalyqtar