Qoǵam • 20 Qańtar, 2020

Laýra Demesinova: El ıgiligine arnalǵan bastama

86 retkórsetildi

Memleket basshysy Qasym-Jomart Toqaevtyń bastamasymen Prezıdenttik jastar kadr rezervi jobasy iske asty. Prezıdenttik jastar kadr rezervine barlyǵy 13 myńnan astam ótinim berilip, Ulttyq komıssııa otyrysynyń qorytyndysy boıynsha iriktelgen 300 úmitkerdiń tizimi jarııalandy.

Asyǵy alshysynan túsken 300-diń arasynda bolý men úshin maqtanysh dep bilemin. О́ıtkeni iriktelgender tizi­mine ený halyq úshin qyzmet etýimizge, mem­le­ketimizdi odan ári damytýǵa zor úles qosýǵa múmkindik beredi. El bolasha­ǵy – jastar desek, kadrlyq rezervke ený osy jolda aıanbaı ter tógýge artylǵan senim.

Memleket basshysy Qasym-Jomart Toqaev Prezıdenttiń kadrlyq rezervimen kezdesýinde atalǵan jobaǵa erekshe nazar aýdardy. «Bul – jas býyn ókilderiniń jaýapty qyzmetke kelýi úshin jasalyp otyrǵan ıgi bastama. Osy rette ózderińiz sııaqty bilimdi ári talapty azamattarǵa úlken úmit artamyz. Sizder jańa Qazaqstannyń damýyna aıanbaı úles qosasyzdar dep senemin. Elimizdiń aldynda bıik maqsattar tur. Eń aldymen memleketimizdi odan ári órkendetip, táýelsizdigimizdi nyǵaıtýǵa tıispiz. Sondaı-aq azamattardyń ál-aýqatyn arttyryp, turmys sapasyn jaqsartýymyz kerek», degen edi Qasym-Jomart Toqaev.

Jalpy, keıingi 3 aı bizge marafon sekildi bolatyn. Birneshe synaq pen testten ótip, elimizdiń barlyq aımaqtarynan jańa dostar taptyq. Olardyń bári – aqyldy, talantty jas­tar. Máselen, kadrlyq rezervke engen jastar jıynda kóptegen mańyzdy máseleni kóterdi. Munyń bári, árıne, jastarymyzdyń el bolashaǵyna beıjaı qaramaıtynyn baıqatady.

Osy oraıda, myna nárseni eskergen jón. Irikteý kezeńinen súrinbeı ótip, óz qatarymyzdyń aldy bolýymyz el aldyndaǵy jaýapkershiligińizdi arttyra tústi. Bul – Qazaqstannyń qarqyndy damyp, elimizdiń erteńi jarqyn bolý jolynda ult úshin, el úshin, halyq úshin aıanbaı ter tógý. Muny Memleket basshysy Qasym-Jomart Toqaev ta kadrlyq rezerv múshelerimen ótken kezdesýde atap kórsetti.

Tarıhqa kóz júgirtsek, bilimdi jáne bilikti azamattardyń ortaq múddege toptasqanyn baıqaımyz. Máselen, alashordashylar el úshin eńbek etetin, ultty bıikke jeteleıtin, jańasha damýǵa bastaıtyn shoǵyr qalyptastyrdy. Osy oraıda, Prezıdentimizdiń Alash ardaqtysy Álıhan Bókeıhannyń: «Ultqa qyzmet etý – bilimnen emes, minezden» dep aıtqanyn tilge tıek etýi beker emes. Sol kezeńde halyq úshin aıanbaı eńbek etkenderdiń basym bóligi «orda buzar» jastyń aınalasyndaǵy azamattar ekenin kóremiz. Endeshe, Prezıdenttiń kadrlyq rezervin uıymdastyryp, jastardy jaýapty qyzmetke taǵaıyndaý jańa serpin beretini anyq.

Memleket basshysy Q.Toqaevtyń rezervke engen jastarmen kezdesýinde «Memlekettik basqarýdaǵy kez kelgen ózgeris muqııat zerdelengen, uzaq merzimdi strategııaǵa saı júrgizilýi kerek. Kadrlyq saıasat munda mańyz­dy rólge ıe. Bul – eń aldymen, memle­kettiń jańa kadrlyq saıasatyna qatysty másele. Onyń basty mindeti – mem­lekettik apparatty jetildirý jáne basshylardyń jańa býynyna jol ashý. Prezıdenttik kadr rezerviniń negiz­gi kózdegen maqsaty da – osy. Búgingi jastar – memlekettik basqarý júıesi­niń bolashaǵy. Árqaısyńyzdan eldi damy­týǵa tyń serpin beretin jańa ıdeıa men nátıjeli jumys kútemiz» deýi de kóp nárseni ańǵartady.

Qazirdiń ózinde rezervke ótkenderdiń arasynan 55 azamat jańa qyzmetke bekitildi. Olardyń keıbiri ortalyq memlekettik organdardaǵy basshylyq laýazymǵa taǵaıyndaldy. Sondaı-aq bıyl rezervtegi 100 adamdy qyzmetke taǵaıyndaý josparlanǵan.

Aldaǵy ýaqytta rezervke engender memlekettik organdar men ulttyq kom­pa­nııalarǵa jaýapty qyzmetke jiberilmek. Endeshe, kadrlyq rezervtiń áleýetin tolyq paıdalanýǵa zor múmkindik bar.

 

Laýra DEMESINOVA,

Prezıdenttik jastar kadr rezerviniń «Bolashaq» qaýymdastyǵynyń atqarýshy dırektory

 

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar