Aımaqtar • 20 Qańtar, 2020

Kóp balaly otbasylar baspanaly boldy

29 retkórsetildi

Búgingi tańda memleket tarapy­nan halyqty qoljetimdi baspanamen qamtýǵa erekshe mán berilip ke­le­di. Prezıdent Qasym-Jomart Toqaev «Syndarly qoǵamdyq dıalog – Qa­zaqstannyń turaqtylyǵy men órken­deýi­niń negizi» atty Joldaýynda «Negiz­gi qaǵıdat – turǵyndar, ásirese áleý­mettik turǵydan álsiz toptar úshin bas­pananyń qoljetimdiligin arttyrý», deı kele, baspana satyp alýǵa jaǵdaıy joq azamattarǵa áleýmettik jalǵa alý tártibimen qonystaný úshin múmkindik berý qajettigin de aıtqan edi. Sonymen qatar memleket tarapynan «Nurly jer», «7-20-25» jáne «Baqytty otbasy» sııaqty tıimdi baǵdarlamalar qabyl­dandy.

Memleket basshysynyń ha­ly­qty qoljetimdi turǵyn úı­men qamtamasyz etý týraly tapsyrmasyna sáıkes, Jam­byl óńi­rinde aýqymdy jumystar atqa­rylýda. Taraz qalasynda byltyr «Nurly jer» baǵdarlamasy boıynsha 80 páterli 9 turǵyn úı el ıgiligine berildi. Bul jaq­­sy úrdis óńirde óz jalǵasyn taýyp keledi. О́tken jyldyń so­ńynda Jam­­byl oblysynyń áki­mi Asqar Myr­­zahmetov Taraz qala­syndaǵy «Qarasý» shaǵyn aýda­nynan jańa salynyp jatqan 90 páterli jataqhananyń kiltin kóp balaly otbasylarǵa tabys­tady. Bul úıde turǵyndar jeke­she­lendirý quqyǵynsyz tura alady. Ákim óz sózinde oblystyń 80 jyldyǵyna oraı 80 nysannyń aıasynda paıdalanýǵa berilip otyrǵan turǵyn úıdiń talaı jyl boıy úı kezeginde turǵan kóp balaly jáne turmysy tómen otbasylarǵa tartý bolǵanyn, 80 jyldyq beker mal shashpaq dańǵaza toı emes, el ıgiligine arnalǵan nysandardyń ashylýymen erekshelenip otyrǵanyn jetkizdi. Sondaı-aq árqaısysy 80 páterli 4 áleýmettik turǵyn úı beriletinin atap ótti. Jalpy, Taraz qalasynan kóp balaly jáne az qamtylǵan otbasylarǵa arnalyp 12 jataqhananyń qurylysy júrgizilýde. Budan keıin sóz alǵan 12 balanyń anasy Gúlfııa Dáýitova óziniń alǵysyn bildirip, kóp balaly otbasylarǵa taǵy da osyndaı múmkindikter kóptep jasalsa eken degen tilegin jetkizdi.

 Búginde Taraz qalasyndaǵy «Qarasý» jáne «Araı» shaǵyn aýdan­darynda kóp balaly otbasylarǵa arnalǵan 6 kóp­qabatty áleýmettik jataqhananyń qury­lysy júrgi­zilýde. Qurylystyń jalpy aýmaǵy 8100 sharshy metrdi qurasa, páterdiń bir sharshy metriniń quny 100,2 myń teńgege aınalýda. Munda ınfra­qurylym máselesi tolyqtaı sheshilgen. Jaqynda paıdalanýǵa berilgeli otyrǵan jataq­hanalardyń ishki qurylysy eki bólmeli páter­lerden turady. Bir páter­diń jalpy aýdany 35-40 sharshy metrdi qu­raıdy. Ár páterde zal jáne jatyn bólmeler, sondaı-aq jeke as úıi, ájet­hanasy men jýynatyn bólmesi bar. Sondaı-aq kóp balaly otbasylar úshin jataqhanany jalǵa alý quny 3500 teńgeden aspaıdy.

 

Jambyl oblysy

 

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar